ଉତ୍ତରପ୍ରଦେଶରମହାରାଜଗଞ୍ଜ ଜିଲ୍ଲାଅନ୍ତର୍ଗତସୋନୌଲି ଭାରତ-ନେପାଳ ସୀମାରେବୈଧ ପାସପୋର୍ଟ ବିନା ନେପାଳକୁ ପ୍ରବେଶ କରିବାକୁ ଚେଷ୍ଟା କରୁଥିବା ଜଣେ ଆମେରିକୀୟ ନାଗରିକଙ୍କୁସଶସ୍ତ୍ର ସୀମା ବଳ (SSB)ଅଟକ ରଖିଛି।

ଅଟକ ବ୍ୟକ୍ତି ନିଜକୁକାଲିଫର୍ଣ୍ଣିଆର ଜୋର୍ଡାନ ବ୍ରାଉନବୋଲି ପରିଚୟ ଦେଇଥିବା ସହ ସେ ଜଣେପୂର୍ବତନ ଆମେରିକୀୟ ନୌସେନା ଅଧିକାରୀବୋଲି ଦାବି କରିଛନ୍ତି।

ପାଟ୍ରୋଲିଂ ବେଳେ ସନ୍ଦେହ, ପଳାଇବାକୁ ଉଦ୍ୟମ

ଏସଏସବି ଯବାନମାନେ ନିୟମିତ ସୀମା ପାଟ୍ରୋଲିଂ ସମୟରେ ତାଙ୍କୁ ସନ୍ଦେହଜନକ ଭାବେ ବୁଲୁଥିବା ଦେଖି ପଚରାଉଚରା କରିଥିଲେ। ଏହି ସମୟରେ ସେ ପଳାଇବାକୁ ଚେଷ୍ଟା କରିଥିବା ବେଳେ ଯବାନମାନେ ତାଙ୍କୁ କାବୁ କରିଥିଲେ।

ତଲାସି ବେଳେ ତାଙ୍କ ନିକଟରୁକୌଣସି ପାସପୋର୍ଟ କିମ୍ବା ବୈଧ ପରିଚୟପତ୍ରମିଳିନଥିଲା। ତେବେ ତାଙ୍କ ପାଖରୁ୩୧,୪୬୦ ଟଙ୍କା ନଗଦ ଓ ଦୁଇଟି ମୋବାଇଲ ଫୋନ୍ଜବତ କରାଯାଇଛି।

ପଚରାଉଚରାରେ ଆସିଲା ଏହି ସୂଚନା

ପ୍ରାଥମିକ ପଚରାଉଚରାରେ ସେ କହିଛନ୍ତି ଯେ, ପ୍ରଥମେ ସେ ପର୍ଯ୍ୟଟନ ଭିସାରେ ଥାଇଲ୍ୟାଣ୍ଡ ଯାଇଥିଲେ ଏବଂ ସେଠାରେ ତାଙ୍କ ପାସପୋର୍ଟ ହଜିଯାଇଥିଲା। ପରେ ସେ ସମୁଦ୍ରପଥରେ ଶ୍ରୀଲଙ୍କା ହୋଇ୨୦୨୫ ନଭେମ୍ବର ୨ତାରିଖରେ ଭାରତରେ ପ୍ରବେଶ କରିଥିବା ଦାବି କରିଛନ୍ତି।

ତାଙ୍କ କହିବା ଅନୁସାରେ, ଗତ ପ୍ରାୟସାତ ମାସ ଧରି ସେ ବିନା ପାସପୋର୍ଟରେ ଗୋଆରେ ରହୁଥିଲେ। ପରେ ଗୋଆରୁ ବେଙ୍ଗାଲୁରୁ ହୋଇ ନେପାଳ ପଳାଇବା ଉଦ୍ଦେଶ୍ୟରେ ସୋନୌଲି ସୀମାରେ ପହଞ୍ଚିଥିଲେ।

ମାମଲା ରୁଜୁ, ତଦନ୍ତ ଜାରି

ଏହି ଘଟଣାରେସୋନୌଲି ଥାନାରେ ବିଦେଶୀ ନାଗରିକ ଆଇନ (Foreigners Act)ଅନୁଯାୟୀ ମାମଲା ରୁଜୁ କରାଯାଇଛି। ପୋଲିସ ଏବଂ ଅନ୍ୟ ସୁରକ୍ଷା ଏଜେନ୍ସିମାନେ ତାଙ୍କର ପରିଚୟ, ଭାରତରେ ରହିବାର କାରଣ ଏବଂ ସୀମା ପାର ହେବାର ଉଦ୍ଦେଶ୍ୟ ସମ୍ପର୍କରେ ଅଧିକ ତଦନ୍ତ ଜାରି ରଖିଛନ୍ତି।