ଭୁବନେଶ୍ୱର:ଦୁର୍ଗାପୂଜା ପାଇଁ ରାଜଧାନୀର ବିଭିନ୍ନ ପୂଜାମଣ୍ଡପରେ ଭିଡ଼ ବଢ଼ୁଥିବା ବେଳେ ଖାଦ୍ୟର ସୁରକ୍ଷା ଓ ଗୁଣବତ୍ତାକୁ ନେଇ ଫୁଡ୍ ସେଫ୍ଟି ବିଭାଗ ପକ୍ଷରୁ ଯାଞ୍ଚ ଜୋରଦାର କରାଯାଇଛି। ସୋମବାର ବରମୁଣ୍ଡା ଦୁର୍ଗାପୂଜା ମଣ୍ଡପ ନିକଟରେ ଥିବା ବିଭିନ୍ନ ଖାଦ୍ୟ ଷ୍ଟଲ୍ରେ ବିଭାଗୀୟ ଅଧିକାରୀମାନେ ଚଢ଼ାଉ କରିଥିଲେ।

ଚଢ଼ାଉ ସମୟରେ ଷ୍ଟଲ୍ଗୁଡ଼ିକରେ ବିକ୍ରି ହେଉଥିବା ଖାଦ୍ୟବାସି କି ନାହିଁ, ଖାଦ୍ୟରେ କୃତ୍ରିମ ରଙ୍ଗ ବ୍ୟବହାର ହେଉଛି କି ନାହିଁଏବଂ ଖାଦ୍ୟ ପ୍ରସ୍ତୁତି ସମୟରେ ସ୍ୱଚ୍ଛତା ନିୟମ ପାଳନ ହେଉଛି କି ନାହିଁ, ତାହା ଯାଞ୍ଚ କରାଯାଇଥିଲା। ଏହା ସହ ଏକ ଗୋଲଗପ୍ପା ଷ୍ଟଲ୍ରେ ଗୋଲଗପ୍ପା ସହ ତେନ୍ତୁଳି ପାଣିର ମଧ୍ୟ ଯାଞ୍ଚ କରାଯାଇଥିଲା।

ଖାଦ୍ୟ ବିକ୍ରେତାମାନଙ୍କୁ ହାତରେଗ୍ଲୋଭ୍ସ ଓ ମୁଣ୍ଡରେ କ୍ୟାପ୍ପିନ୍ଧି ଖାଦ୍ୟ ପରିବେଷଣ କରିବାକୁ ଅଧିକାରୀମାନେ ନିର୍ଦ୍ଦେଶ ଦେଇଛନ୍ତି। ପୂଜା ସମୟରେ ଷ୍ଟଲ୍ଗୁଡ଼ିକରେ ଭିଡ଼ ବଢ଼ୁଥିବାରୁ ଖାଦ୍ୟ ପ୍ରସ୍ତୁତି ଓ ପରିବେଷଣରେ ସ୍ୱଚ୍ଛତା ରଖିବା ଉପରେ ବିଶେଷ ଗୁରୁତ୍ୱ ଦିଆଯାଇଛି।

ବାସି ଖାଦ୍ୟ କିମ୍ବା ନିମ୍ନମାନର ତେଲ ବ୍ୟବହାର କରୁଥିବା ଷ୍ଟଲ୍ ବିରୋଧରେ କଠୋର ପଦକ୍ଷେପ ନିଆଯିବ ଏବଂ ଆବଶ୍ୟକ ହେଲେ ଷ୍ଟଲ୍କୁସିଲ୍ କରାଯାଇପାରେବୋଲି ଫୁଡ୍ ସେଫ୍ଟି ଅଧିକାରୀମାନେ ଚେତାବନୀ ଦେଇଛନ୍ତି।

ପୂଜା ମଣ୍ଡପଗୁଡ଼ିକରେ ବହୁ ସଂଖ୍ୟାରେ ଲୋକ ଖାଦ୍ୟ ଖାଉଥିବାରୁ ଏପରି ଯାଞ୍ଚ ଜନସାଧାରଣଙ୍କୁ ସୁରକ୍ଷିତ ଓ ସ୍ୱଚ୍ଛ ଖାଦ୍ୟ ଯୋଗାଇବା ଉଦ୍ଦେଶ୍ୟରେ କରାଯାଉଛି।