ମୟୂରଭଞ୍ଜ: ବୟସର ଅପରାହ୍ଣରେ ବି ଦୁଃଖ ସରୁନି। ଭତ୍ତା ପାଇଁ ରାସ୍ତାକୁ ଓହ୍ଲାଇଛନ୍ତି ଶହ ଶହ ବୃଦ୍ଧବୃଦ୍ଧା। ପ୍ରବଳ ବର୍ଷାରେ ଛତା ଧରି ରାସ୍ତା ଉପରେ ବସିବା ସହ ନିଜ ଦାବି ଜଣାଇଛନ୍ତି। ଭତ୍ତା ଟଙ୍କା ପାଇଁ ଏଭଳି ବର୍ଷାରେ ଭିଜି ଆନ୍ଦୋଳନ କରୁଥିବା ଦୃଶ୍ୟ ଅନେକଙ୍କୁ ଭାବବିହ୍ୱଳ କରିଛି।
ମୟୂରଭଞ୍ଜ ଜିଲ୍ଲା କପ୍ତିପଦା ଥାନା ଅଧୀନ ଶରତ ଛକରେ ଏହି ରାସ୍ତାରୋକ ଓ ବିକ୍ଷୋଭ ହୋଇଛି। ୯ଟି ପଞ୍ଚାୟତର ଭତ୍ତା ହିତାଧିକାରୀ ଏକାଠି ହୋଇ ସରକାରଙ୍କ ବିରୋଧରେ ନିଜର ଅସନ୍ତୋଷ ପ୍ରକାଶ କରିଛନ୍ତି। ହିତାଧିକାରୀଙ୍କ ସହ ସ୍ଥାନୀୟ ସରପଞ୍ଚମାନେ ମଧ୍ୟ ଆନ୍ଦୋଳନରେ ସାମିଲ ହୋଇଛନ୍ତି।
ବିକ୍ଷୋଭକାରୀଙ୍କ ଅଭିଯୋଗ ଅନୁସାରେ, କେତେକ ହିତାଧିକାରୀଙ୍କୁ ମାସେ ହେଲାଣି ଭତ୍ତା ମିଳିନାହିଁ। ଆଉ କେତେକଙ୍କୁ ଦୁଇ ମାସ ହେଲାଣି ଭତ୍ତା ମିଳିନଥିବା ଅଭିଯୋଗ ହୋଇଛି।
ସେହିପରି ଅନେକ ଲୋକ ଭତ୍ତା ପାଇଁ ଆବେଦନ କରିଥିଲେ ମଧ୍ୟ ଏପର୍ଯ୍ୟନ୍ତ ଭତ୍ତା ତାଲିକାରେ ସେମାନଙ୍କ ନାଁ ଉଠିନଥିବା ଅଭିଯୋଗ କରିଛନ୍ତି। ବାରମ୍ବାର ଅଭିଯୋଗ ଓ ଦାବି ସତ୍ତ୍ୱେ ସମସ୍ୟାର ସମାଧାନ ନହେବାରୁ ଶେଷରେ ରାସ୍ତାକୁ ଓହ୍ଲାଇଥିବା କହିଛନ୍ତି ହିତାଧିକାରୀ।
ବୃଦ୍ଧବୃଦ୍ଧାଙ୍କ ଦାବି ମଧ୍ୟରେ ରହିଛି ବଢ଼ିତ ଭତ୍ତା ପ୍ରଦାନ ଏବଂ ନୂଆ ଆବେଦନକାରୀ ହିତାଧିକାରୀଙ୍କୁ ଭତ୍ତା ତାଲିକାରେ ସାମିଲ କରି ଶୀଘ୍ର ଟଙ୍କା ପ୍ରଦାନ।
ରାସ୍ତାରୋକ ଯୋଗୁଁ କପ୍ତିପଦା-କେଉଁଝର ଯୋଗାଯୋଗ ମଧ୍ୟ ବାଧାପ୍ରାପ୍ତ ହୋଇଛି। ବିଶ୍ରାମ କରିବା ବୟସରେ ଭତ୍ତା ଟଙ୍କା ପାଇଁ ବର୍ଷାରେ ଭିଜି ରାସ୍ତା ଉପରେ ବସିଥିବା ବୃଦ୍ଧବୃଦ୍ଧାମାନେ ନିଜର କ୍ଷୋଭ ପ୍ରକାଶ କରିଛନ୍ତି।
ବଲିଉଡ୍ ଅଭିନେତ୍ରୀଦୀପିକା ପାଦୁକୋନ୍ନିଜ ପ୍ରେଗ୍ନାନ୍ସିକୁ...
ଯାମି ଗୌତମ ଧରଙ୍କ ଆଗାମୀ ଫିଲ୍ମ **‘Nayyi Navelli...
ଆମ ଶରୀରରେ ଗଟ୍ ବା ପାଚନତନ୍ତ୍ରର ଭୂମିକା କେବଳ ଖାଦ୍ୟ ହଜମ...
ମୁମ୍ବାଇ:ଅସୁରକ୍ଷିତ, ନିମ୍ନମାନର ଓ ଅନଧିକୃତ ଔଷଧ ବିକ୍ରି...
Mirzapur ଫ୍ରାଞ୍ଚାଇଜ୍‌ରେ ଭିଲେନ୍ ଚରିତ୍ରର ଅର୍ଥ ହ...
Bigg Boss 20ରେ କାଜି ତୌକିର୍‌ଙ୍କ ଏଣ୍ଟ୍ରି ତାଙ୍କ...
ମହାରାଷ୍ଟ୍ରରେ ଗଣେଶ ଚତୁର୍ଥୀ ପୂର୍ବରୁ ରାଜନୈତିକ ମାହୋଲ ମ...
ଭାରତୀୟ ଖାଦ୍ୟପେୟରେ ଘିଅର ଏକ ପାରମ୍ପରିକ ସ୍ଥାନ ରହିଛି। କ...
