କୋରାପୁଟ ଜିଲ୍ଲାର ଜୟପୁର ସଦର ଥାନା ଅଧୀନ କୁମିଲିପୁଟ ଗାଁରେ ଏକ ହୃଦୟବିଦାରକ ଘଟଣା ସାମ୍ନାକୁ ଆସିଛି। ଜଣେ ବୃଦ୍ଧ ବ୍ୟକ୍ତିଙ୍କୁ ଗଳା କାଟି ହତ୍ୟା କରାଯାଇଥିବା ସନ୍ଦେହ ହେଉଛି। ମୃତକଙ୍କ ଶବ ଗାଁ ନିକଟସ୍ଥ ଏକ ନାଳରୁ ଉଦ୍ଧାର ହୋଇଥିବାବେଳେ ଘଟଣା ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି।
ମୃତ ବୃଦ୍ଧଙ୍କ ନାମ ରଘୁନାଥ ଗୌଡ଼ ବୋଲି ଜଣାପଡ଼ିଛି। ସେ ସୋମବାର ସକାଳେ ଦୈନିକ ଅଭ୍ୟାସ ଅନୁଯାୟୀ ଗାଁର ଏକ ଚା’ ଦୋକାନକୁ ଯାଇଥିଲେ, କିନ୍ତୁ ଘରକୁ ଫେରିନଥିଲେ।
ଦୀର୍ଘ ସମୟ ପର୍ଯ୍ୟନ୍ତ ଘରକୁ ନ ଫେରିବାରୁ ତାଙ୍କ ପୁଅ ଭଗବାନ ଗୌଡ଼ ଖୋଜାଖୋଜି ଆରମ୍ଭ କରିଥିଲେ। ପରେ ସେ ନିକଟସ୍ଥ ନାଳରେ ରଘୁନାଥଙ୍କ ମୃତଦେହ ଦେଖିଥିଲେ। ଶବର ଗଳାରେ ଗୁରୁତର ଆଘାତ ଚିହ୍ନ ଥିବାରୁ ହତ୍ୟା ସନ୍ଦେହ ଆହୁରି ଜୋରଦାର ହୋଇଛି।
ଘଟଣା ପରେ ପରିବାର ପକ୍ଷରୁ କିଛି ଗ୍ରାମବାସୀଙ୍କ ନାମରେ ସନ୍ଦେହ ପ୍ରକାଶ କରାଯାଇ ଥାନାରେ ଲିଖିତ ଅଭିଯୋଗ ହୋଇଛି। ଏହାପରେ ପୋଲିସ, ବୈଜ୍ଞାନିକ ଦଳ ସହ ଘଟଣାସ୍ଥଳରେ ପହଞ୍ଚି ତଦନ୍ତ କରିଥିଲା। SDPO ଅର୍ଚ୍ଚିତା ମିତ୍ତଲ ମଧ୍ୟ ଘଟଣାସ୍ଥଳ ପରିଦର୍ଶନ କରିଥିଲେ।
ପ୍ରାଥମିକ ତଦନ୍ତରୁ ପୁରୁଣା ଶତ୍ରୁତା ଏହି ହତ୍ୟାକାଣ୍ଡର କାରଣ ହୋଇପାରେ ବୋଲି ପୋଲିସ ଅନୁମାନ କରୁଛି। ଘଟଣାରେ ଚାରିଜଣଙ୍କୁ ପଚରାଉଚରା ପାଇଁ ଅଟକ ରଖାଯାଇଛି।
ଏହି ଘଟଣା ପରେ ଗାଁରେ ଭୟ ଓ ଅଶାନ୍ତିର ପରିବେଶ ସୃଷ୍ଟି ହୋଇଛି। ପୋଲିସ ସମସ୍ତ ପ୍ରମାଣ ସଂଗ୍ରହ କରି ମୂଳ ଅଭିଯୁକ୍ତଙ୍କ ଚିହ୍ନଟ ପାଇଁ ତଦନ୍ତ ଜାରି ରଖିଛି।
ଜମ୍ମୁ-କାଶ୍ମୀରର କିସ୍ତୱାଡ଼ ଜିଲ୍ଲାରେ ସେନା ଓ ପୁଲିସ ମଧ୍...
ଭୟଙ୍କର ଭୂମିକମ୍ପରେ କ୍ଷତିଗ୍ରସ୍ତ ଦକ୍ଷିଣ ଆମେରିକୀୟ ଦେଶ...
ଚଳିତ ଫୁଟବଲ ବିଶ୍ୱକପ୍‌ର ଗ୍ରୁପ୍‌-ଏଫ୍‌ର...
ଦିଲ୍ଲୀ ବିଶ୍ୱବିଦ୍ୟାଳୟ (DU) ୨୦୨୬-୨୭ ଶିକ୍ଷାବର୍ଷ ପାଇଁ...
ଚଳିତ ଫୁଟବଲ୍ ବିଶ୍ୱକପ୍ରେ ଶୁକ୍ରବାର ଖେଳାଯାଇଥିବା ଗ୍ରୁପ୍...
ଚଳିତ ବିଶ୍ୱକପ୍ର ଗ୍ରୁପ୍-ଡିରେ ଏକ ବଡ଼ ଅଘଟଣ ଘଟିଛି। ପୂର୍...
ସମଗ୍ର ୟୁରୋପରେ ଜାରି ରହିଥିବା ପ୍ରଚଣ୍ଡ ଗ୍ରୀଷ୍ମ ପ୍ରବାହ...
ୟୁଏସ୍ ଓପନ୍ ବ୍ୟାଡ୍ମିଣ୍ଟନ୍ ପ୍ରତିଯୋଗିତାରେ ଭାରତୀୟ ଯୁବ...
