କୃଷକ କଲ୍ୟାଣ ଓ କୃଷି କ୍ଷେତ୍ରର ସମଗ୍ର ଉନ୍ନତିକୁ ଲକ୍ଷ୍ୟ କରି ଭୁବନେଶ୍ୱରରେ ଆଜି ପୂର୍ବାଞ୍ଚଳ କୃଷି ସମ୍ମେଳନ ଆୟୋଜିତ ହେଉଛି। କେନ୍ଦ୍ର କୃଷି ଓ କୃଷକ କଲ୍ୟାଣ ମନ୍ତ୍ରଣାଳୟ ପକ୍ଷରୁ ଆୟୋଜିତ ଏହି ସମ୍ମେଳନରେ ପୂର୍ବ ଭାରତର ବିଭିନ୍ନ ରାଜ୍ୟର କୃଷି ସମ୍ପର୍କିତ ମୁଖ୍ୟ ହିତାଧିକାରୀମାନେ ଯୋଗ ଦେଉଛନ୍ତି।
ସମ୍ମେଳନରେ କେନ୍ଦ୍ର କୃଷି ଓ କୃଷକ କଲ୍ୟାଣ ଏବଂ ଗ୍ରାମୀଣ ବିକାଶ ମନ୍ତ୍ରୀ ଶିବରାଜ ସିଂହ ଚୌହାନ ଅଧ୍ୟକ୍ଷତା କରିବେ। ଏଥିରେ ଓଡ଼ିଶା ମୁଖ୍ୟମନ୍ତ୍ରୀ ମୋହନ ଚରଣ ମାଝୀ, ବିଭିନ୍ନ ରାଜ୍ୟର କୃଷିମନ୍ତ୍ରୀ, ବରିଷ୍ଠ ଅଧିକାରୀ, କୃଷି ବୈଜ୍ଞାନିକ, କୃଷକ ପ୍ରତିନିଧି, କୃଷି ବିଶେଷଜ୍ଞ, ଫାର୍ମର ପ୍ରୋଡ୍ୟୁସର ଅର୍ଗାନାଇଜେସନ୍ (FPO), ଷ୍ଟାର୍ଟଅପ୍, ବ୍ୟାଙ୍କ ଓ ଅନ୍ୟାନ୍ୟ ହିତାଧିକାରୀମାନେ ଅଂଶଗ୍ରହଣ କରିବେ।
ଏହି ସମ୍ମେଳନର ପ୍ରମୁଖ ଉଦ୍ଦେଶ୍ୟ ହେଉଛି କେନ୍ଦ୍ର ଓ ରାଜ୍ୟ ସରକାରଙ୍କ ମଧ୍ୟରେ ସମନ୍ୱୟ ବୃଦ୍ଧି, ସସ୍ଥାୟୀ କୃଷି ପଦ୍ଧତିକୁ ପ୍ରୋତ୍ସାହନ ଓ କୃଷକଙ୍କ ଆୟ ବୃଦ୍ଧି ପାଇଁ ନୀତି ଓ ଶ୍ରେଷ୍ଠ ପଦ୍ଧତି ଉପରେ ଆଲୋଚନା କରିବା। ସମ୍ମେଳନରେ କୃଷି ମନ୍ତ୍ରଣାଳୟର ବିଭିନ୍ନ ଯୋଜନା ଓ କାର୍ଯ୍ୟକ୍ରମର ପ୍ରଗତି ସମୀକ୍ଷା କରାଯିବ।
ବିଶେଷ କରି ଫାର୍ମର ରେଜିଷ୍ଟ୍ରି, ଉଦ୍ୟାନ କୃଷିର ସୁଯୋଗ, ଡାଲି ଉତ୍ପାଦନରେ ଆତ୍ମନିର୍ଭରତା ମିଶନ, ଜାତୀୟ ଭୋଜ୍ୟତେଲ-ତୈଳବୀଜ ମିଶନ (NMEO-OS), ପିଏମ-ଆଶା ଯୋଜନା, ପ୍ରାକୃତିକ କୃଷି ଜାତୀୟ ମିଶନ (NMNF), କୃଷି ଋଣ ଓ କିସାନ କ୍ରେଡିଟ୍ କାର୍ଡ ସମସ୍ୟା ଉପରେ ଗୁରୁତ୍ୱ ସହ ଆଲୋଚନା ହେବ।
ଏହାସହ ପେଷ୍ଟିସାଇଡ୍ ଓ ସାର ନିୟନ୍ତ୍ରଣ, କଳାବଜାରି ରୋକିବା, ସମତୁଳିତ ସାର ବ୍ୟବହାର ଓ ବିକଳ୍ପ ସାର ପ୍ରଚାର ନେଇ ମଧ୍ୟ ଚର୍ଚ୍ଚା କରାଯିବ।
ସମ୍ମେଳନରେ ବିଭିନ୍ନ ରାଜ୍ୟ ନିଜ ନିଜର ସଫଳ କୃଷି ପଦ୍ଧତି ଓ ନବୀନ ପ୍ରୟାସ ପ୍ରଦର୍ଶନ କରିବେ। ଓଡ଼ିଶା କୃଷି ବିସ୍ତାର ପଦକ୍ଷେପ ଉପସ୍ଥାପନ କରିବାବେଳେ ପଶ୍ଚିମବଙ୍ଗ ବିଜ ଉତ୍ପାଦନର ସଫଳତା, ଝାରଖଣ୍ଡ FPO ଭିତ୍ତିକ ମୂଲ୍ୟ ଶୃଙ୍ଖଳା ଓ ଷ୍ଟାର୍ଟଅପ୍ ମଡେଲ୍, ଏବଂ ବିହାର ମକା ଉତ୍ପାଦନ ଓ ବିପଣନ ସଫଳତା ବିଷୟରେ ଅନୁଭବ ବାଣ୍ଟିବ।
ଇବୋଲା ଭାଇରସ୍‌ ସଂକ୍ରମଣ ନେଇ ବଢ଼ୁଥିବା ଚିନ୍ତା ମଧ୍...
ସୋସିଆଲ୍ ମିଡିଆ ମାଧ୍ୟମରେ ବଢ଼ୁଥିବା ସାଇବର ଠକେଇର ଆଉ ଏକ...
କଟକରେ ଆୟୋଜିତ ଓଡ଼ିଶା ଲୋକସେବା ଆୟୋଗ (ଓପିଏସସି) ପରୀକ୍ଷା...
ମେଘାଳୟର ଉମରୋଇରେ ମେ ୨୦ରୁ ଆରମ୍ଭ ହୋଇଥିବା ବହୁରାଷ୍ଟ୍ରୀୟ...
ଧଉଳି ଥାନା ପୋଲିସ ଜିରୋ ଏଫ୍ଆଇଆର୍ ବ୍ୟବସ୍ଥାକୁ ଆଧାର କରି...
ଭାରତୀୟ ଖାଦ୍ୟ ସୁରକ୍ଷା ଓ ମାନକ ପ୍ରାଧିକରଣ (FSSAI) ଖାଦ୍...
ପାକିସ୍ତାନ ଅଧିକୃତ କାଶ୍ମୀର (ପିଓକେ)ରେ ସୁରକ୍ଷା ପରିସ୍ଥି...
ସାଧାରଣ ଭାବରେ ଚାଲିବାବେଳେ କୌଣସି ଅସୁବିଧା ନଥିଲେ ମଧ୍ୟ,...
ଦକ୍ଷିଣ ଫିଲିପାଇନ୍ସର ମିଣ୍ଡାନାଓ ଅଞ୍ଚଳ ସୋମବାର ସକାଳେ ଏକ...
ଭୁବନେଶ୍ୱର ବାଲିଅନ୍ତାରେ GRP କନେଷ୍ଟବଲ ସୌମ୍ୟରଞ୍ଜନ ସ୍ୱା...
ଭେନେଜୁଏଲାର କାର୍ଯ୍ୟବାହକ ରାଷ୍ଟ୍ରପତି ଡେଲସି ରୋଡ୍ରିଗେଜ୍...
ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ ଭାରତ-ରୁଷ ପ୍ରତିରକ୍ଷା...
