ସାଧାରଣ ଭାବରେ ଚାଲିବାବେଳେ କୌଣସି ଅସୁବିଧା ନଥିଲେ ମଧ୍ୟ, ସିଢ଼ି ଚଢ଼ିବା କିମ୍ବା ନମିବା ସମୟରେ ଆଣ୍ଠୁରେ ଯନ୍ତ୍ରଣା ଅନୁଭବ କରିବା ଅନେକଙ୍କ ପାଇଁ ସାଧାରଣ ଘଟଣା। ଡାକ୍ତରମାନଙ୍କ କହିବା ଅନୁସାରେ, ଏହାର ପ୍ରମୁଖ କାରଣ ହେଉଛି ସିଢ଼ି ବ୍ୟବହାର ସମୟରେ ଆଣ୍ଠୁ ଯୋଗୁଁ ଶରୀରର ଓଜନର ତିନିରୁ ଚାରିଗୁଣା ଅଧିକ ଚାପ ବହନ କରିବାକୁ ପଡ଼େ। ଏହାରେ ଆଣ୍ଠୁର ଆଗ ଭାଗରେ ଥିବା kneecap (patella) ଓ ତାହାର ତଳ ଅଂଶରେ ଅଧିକ ଚାପ ସୃଷ୍ଟି ହୁଏ।

ଏହି ପ୍ରକାରର ଯନ୍ତ୍ରଣା ପ୍ରାୟତଃ Patellofemoral Pain Syndrome କିମ୍ବା ଆରମ୍ଭିକ Osteoarthritis ର ସଙ୍କେତ ହୋଇପାରେ। ଥାଇ ମାଂସପେଶୀର ଦୁର୍ବଳତା, ଭୁଲ୍‌ ଶରୀର ଭଙ୍ଗୀ, ଓଜନ ବୃଦ୍ଧି, ଅଧିକ ସିଢ଼ି ବ୍ୟବହାର ଓ cartilage କ୍ଷୟ ଏହାର ପ୍ରମୁଖ କାରଣ। ଆରମ୍ଭରେ ଏହାକୁ ସାଧାରଣ ଭାବି ଅବହେଳା କଲେ ପରେ ଗୁରୁତର ଆଣ୍ଠୁ ସମସ୍ୟାରେ ପରିଣତ ହୋଇପାରେ।

ବିଶେଷଜ୍ଞମାନେ କହୁଛନ୍ତି, quadriceps muscles କୁ ଶକ୍ତିଶାଳୀ କରିବା, ଓଜନ ନିୟନ୍ତ୍ରଣ, ସଠିକ୍‌ ଭାବରେ ସିଢ଼ି ବ୍ୟବହାର ଓ ନିୟମିତ ହାଲୁକା ବ୍ୟାୟାମ ଆଣ୍ଠୁର ଯନ୍ତ୍ରଣା କମେଇପାରେ। ଯଦି ଯନ୍ତ୍ରଣା ଦୀର୍ଘ ସମୟ ରହେ, ବଢ଼ିଯାଏ କିମ୍ବା ଦୈନିକ ଜୀବନକୁ ପ୍ରଭାବିତ କରେ, ତେବେ ଅର୍ଥୋପେଡିକ୍‌ ବିଶେଷଜ୍ଞଙ୍କ ସହ ପରାମର୍ଶ ଆବଶ୍ୟକ।

ସମୟରେ ଚିହ୍ନଟ ଓ ଯଥାଯଥ ପଦକ୍ଷେପ ନେଲେ ଆଣ୍ଠୁ ସମସ୍ୟାକୁ ଗୁରୁତର ଅବସ୍ଥାକୁ ଯିବାରୁ ରୋକାଯାଇପାରିବ। ତେଣୁ ସିଢ଼ି ଚଢ଼ିବାବେଳେ ଆଣ୍ଠୁ ଯନ୍ତ୍ରଣାକୁ କେବେ ମଧ୍ୟ ସାଧାରଣ ଭାବି ଅବହେଳା କରନ୍ତୁ ନାହିଁ।