କେନ୍ଦ୍ରାପଡ଼ା:ପରୀକ୍ଷାରେ ସଫଳତା, ମେଧା ଓ ଯୋଗ୍ୟତା ଥିବା ସତ୍ତ୍ୱେ ଚାକିରି ନମିଳିବା ଅଭିଯୋଗ ଆଣିଛନ୍ତି ଜଣେ ଦିବ୍ୟାଙ୍ଗ ଯୁବକ। ରାଜକନିକା ତରାସ ଗାଁର ନିମେଶ ନାୟକ ନ୍ୟାୟ ପାଇଁ ଜିଲ୍ଲା ଶିକ୍ଷା ବିଭାଗଠାରୁ ଆରମ୍ଭ କରି ଜିଲ୍ଲାପାଳଙ୍କ କାର୍ଯ୍ୟାଳୟ ପର୍ଯ୍ୟନ୍ତ ଦୌଡ଼ି ଦୌଡ଼ି ନିରାଶ ହୋଇଥିବା କହିଛନ୍ତି।
ରାଜ୍ୟ ସରକାର ଦିବ୍ୟାଙ୍ଗ ଯୁବକ-ଯୁବତୀଙ୍କ ପାଇଁ ଚାକିରି କ୍ଷେତ୍ରରେ ସଂରକ୍ଷଣ ବ୍ୟବସ୍ଥା ରଖିଛନ୍ତି। ହେଲେ ନିମେଶଙ୍କ ମାମଲାରେ ଏହାର ବ୍ୟତିକ୍ରମ ହୋଇଥିବା ଅଭିଯୋଗ ଉଠିଛି।
ନିମେଶଙ୍କ କହିବା ଅନୁସାରେ,୨୦୨୧-୨୨ ମସିହାର ଇନିସିଆଲ୍ ଆପଏଣ୍ଟ ଟିଚର୍ ପରୀକ୍ଷାରେ ସେ ୮୮୩ତମ ସ୍ଥାନରେରହିଥିଲେ। ଏହାଛଡ଼ା ସେ B.Ed, OTET ଏବଂ OSSTET ପରୀକ୍ଷାରେ ମଧ୍ୟ ଯୋଗ୍ୟତା ହାସଲ କରିଥିବା କୁହାଯାଇଛି।
ପରବର୍ତ୍ତୀ ସମୟରେ ଜିଲ୍ଲା ଶିକ୍ଷା ବିଭାଗ ପକ୍ଷରୁ ତାଙ୍କର ସାର୍ଟିଫିକେଟ୍ ଯାଞ୍ଚ କରାଯାଇଥିଲା। ଯାଞ୍ଚ ପରେ ପ୍ରକାଶିତ ନୋଟିସ୍ରେ ନିମେଶଙ୍କ ନାଁ୨,୪୨୭ତମ ସ୍ଥାନରେଥିବା ନେଇ ଉଲ୍ଲେଖ ହୋଇଥିବା ଦାବି କରାଯାଇଛି।
ନୋଟିସ୍ରେ ଅନ୍ୟ କେତେକ ଆଶାୟୀଙ୍କ ନାଁ ବାଦ୍ ପଡ଼ିବାର କାରଣ ଉଲ୍ଲେଖ ଥିବା କୁହାଯାଇଛି। କିନ୍ତୁ ନିମେଶଙ୍କ ନାଁ କେଉଁ କାରଣରୁ ବାଦ୍ ପଡ଼ିଲା, ସେନେଇ କୌଣସି ସ୍ପଷ୍ଟ ତଥ୍ୟ ତାଙ୍କୁ ମିଳୁନଥିବା ଅଭିଯୋଗ କରିଛନ୍ତି।
ଚାକିରି ପାଇଁ ଆବଶ୍ୟକ ପରୀକ୍ଷାଗୁଡ଼ିକରେ ସଫଳ ହେବା ପରେ ମଧ୍ୟ ତାଙ୍କ ନାଁ କାହିଁକି କଟିଲା, ତାହା ଜାଣିବା ପାଇଁ ନିମେଶ ବିଭିନ୍ନ ଅଧିକାରୀଙ୍କ ନିକଟକୁ ଯାଇଥିବା କହିଛନ୍ତି।
ନିମେଶଙ୍କ ଅଭିଯୋଗ ଅନୁସାରେ, ସେ ଜିଲ୍ଲା ଶିକ୍ଷା ଅଧିକାରୀଙ୍କଠାରୁ ଆରମ୍ଭ କରି ଜିଲ୍ଲାପାଳଙ୍କ ପର୍ଯ୍ୟନ୍ତ ଯାଇଛନ୍ତି। ହେଲେ ତାଙ୍କ ନାଁ କାହିଁକି ବାଦ୍ ପଡ଼ିଲା, ସେନେଇ କେହି ସ୍ପଷ୍ଟ ଉତ୍ତର ଦେଇପାରୁନଥିବା ସେ କହିଛନ୍ତି।
ଜିଲ୍ଲା ଶିକ୍ଷା ବିଭାଗ ପକ୍ଷରୁ ମଧ୍ୟ ଏ ସମ୍ପର୍କରେ ତାଙ୍କ ପାଖରେ କୌଣସି ତଥ୍ୟ ନଥିବା କୁହାଯାଇଥିବା ଅଭିଯୋଗ ହୋଇଛି।
ପରୀକ୍ଷାରେ ସଫଳତା ପରେ ମଧ୍ୟ ଚାକିରି କାହିଁକି ମିଳିଲାନି? କାହା ଭୁଲ ପାଇଁ ଜଣେ ଦିବ୍ୟାଙ୍ଗ ଯୁବକଙ୍କ ନାଁ ଚୂଡ଼ାନ୍ତ ତାଲିକାରୁ ବାଦ୍ ପଡ଼ିଲା? ଏହାର ଉତ୍ତର କେବେ ମିଳିବ? ଏଭଳି ଅନେକ ପ୍ରଶ୍ନ ଏବେ ନିମେଶ ଓ ତାଙ୍କ ପରିବାରକୁ ଚିନ୍ତିତ କରିଛି।
ନ୍ୟାୟ ପାଇଁ ନିମେଶ ସରକାରଙ୍କ ନିକଟରେ ଗୁହାରି ଜଣାଇଛନ୍ତି।
ଭବିଷ୍ୟତ ବିଷୟରେ ଜାଣିବା ପାଇଁ ଲୋକଙ୍କୁ ଜ୍ୟୋତିଷଙ୍କ ସହ ଯ...
୧୯୯୩ ମୁମ୍ବାଇ ସିରିଏଲ ବିସ୍ଫୋରଣ ମାମଲାର ଦୋଷୀ ତଥା ଗ୍ୟାଙ...
ବାଲେଶ୍ୱର ଜିଲ୍ଲାରେ ସାମାଜିକ ସୁରକ୍ଷା ଭତ୍ତା ପାଣ୍ଠି ହେର...
ମେଷ ଏହି ସପ୍ତାହରେ ଆତ୍ମବିଶ୍ୱାସ ବଢ଼ିବ। କାର୍ଯ୍ୟକ୍ଷେ...
ଫ୍ରାନ୍ସର ଦକ୍ଷିଣ-ପଶ୍ଚିମ ଅଞ୍ଚଳରେ ଭୟଙ୍କର ଟର୍ନାଡୋ ତାଣ୍...
ନେପାଳର ରାସୁୱା ଜିଲ୍ଲାରେ ଅଗଷ୍ଟ ୨୬ରେ ଘଟିଥିବା ଭୟଙ୍କର ଆ...
ନୂଆଦିଲ୍ଲୀ:ଦୀର୍ଘ ୧୧ ବର୍ଷ ପରେ ଭାରତକୁ ଫେରାଇ ଅଣାଯାଇଛି...
ତିବ୍ବତର ଗ୍ୟିରୋଙ୍ଗ ବନ୍ଦରରେ ହୋଇଥିବା ଭୟଙ୍କର ଆକସ୍ମିକ ବ...
ଓଡ଼ିଶାରେ ବର୍ଷାରୁ ଏବେ ମଧ୍ୟ ନିସ୍ତାର ମିଳୁନାହିଁ। ରାଜ୍ୟ...
ଦିଲ୍ଲୀର ସତ୍ୟ ନିକେତନ ଅଞ୍ଚଳରେ ୫ ମହଲା କୋଠା ଭୁଶୁଡ଼ି ୭...
ମେଷ ଏହି ସପ୍ତାହରେ କାର୍ଯ୍ୟକ୍ଷେତ୍ରରେ ନୂଆ ସୁଯୋଗ ମିଳ...
ମେଷ ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ପରିଶ୍ରମର...
