ଢେଙ୍କାନାଳ ଜିଲ୍ଲାରେ ରୁଙ୍ଗଟା କମ୍ପାନୀର ସମ୍ପ୍ରସାରଣ ପାଇଁ ଜମି ଅଧିଗ୍ରହଣ ପ୍ରସଙ୍ଗକୁ ନେଇ ସ୍ଥାନୀୟ ଗ୍ରାମବାସୀଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଦେଇଛି। ଜମି ହରାଙ୍କ ଅଭିଯୋଗ ପରେ ହିନ୍ଦୋଳ ତହସିଲଦାରଙ୍କ ଉପସ୍ଥିତିରେ ଏକ ଜରୁରୀ ଶୁଣାଣୀ ଅନୁଷ୍ଠିତ ହୋଇଛି।
ଗ୍ରାମବାସୀଙ୍କ କହିବା ଅନୁସାରେ, କମ୍ପାନୀ ପୂର୍ବରୁ ୨୦୦୬ ଏବଂ ୨୦୧୩ ମସିହାରେ ଝାଡବନ୍ଧ ଅଞ୍ଚଳରୁ ବହୁ ସରକାରୀ ଓ ବେସରକାରୀ ଜମି ଅଧିଗ୍ରହଣ କରିଥିଲା। ସେତେବେଳେ ନିୟମ ଅନୁଯାୟୀ ଗୋଚର ଜମି, ମନ୍ଦିର, ପୋଖରୀ ଭଳି ସାଧାରଣ ଉପଯୋଗର ଜାଗା ପାଇଁ ବିକଳ୍ପ ସୁବିଧା ଯୋଗାଇବା ପ୍ରତିଶ୍ରୁତି ଦେଇଥିଲେ, କିନ୍ତୁ ଏପର୍ଯ୍ୟନ୍ତ ସେହି ପ୍ରତିଶ୍ରୁତି ପାଳନ ହୋଇନାହିଁ ବୋଲି ଅଭିଯୋଗ ହୋଇଛି।
ଏବେ ପୁନର୍ବାର କମ୍ପାନୀ ନୂତନ ପ୍ରକଳ୍ପ ପାଇଁ ଶ୍ମଶାନ, ଗୋଚର ଜମି ଓ ଗ୍ରାମ୍ୟ ଜଙ୍ଗଲର ବୃକ୍ଷ କାଟି ଇଡକୋ ମାଧ୍ୟମରେ ଜମି ଅଧିଗ୍ରହଣ କରିବାକୁ ଯୋଜନା କରୁଥିବା ଗ୍ରାମବାସୀ ଜାଣିବା ପରେ ତାହାକୁ ତୀବ୍ର ବିରୋଧ କରିଛନ୍ତି।
ଗତ କିଛି ଦିନ ପୂର୍ବରୁ କିଛି ଗୋଚର ଓ ଶ୍ମଶାନ ଜମିର କିସମ ପରିବର୍ତ୍ତନ କରି କମ୍ପାନୀକୁ ହସ୍ତାନ୍ତର କରିବା ପ୍ରୟାସ ହେଉଥିବା ନେଇ ଗ୍ରାମବାସୀ ଅଭିଯୋଗ କରିଥିଲେ। ଏହାପରେ ଝାଡବନ୍ଧ ଗ୍ରାମବାସୀ ଜିଲ୍ଲା ପ୍ରଶାସନଙ୍କ ନିକଟରେ ଲିଖିତ ଅଭିଯୋଗ ଦେଇଥିଲେ।
ତହସିଲଦାରଙ୍କ ଉପସ୍ଥିତିରେ ଆୟୋଜିତ ଶୁଣାଣୀରେ ଗ୍ରାମବାସୀ ସ୍ପଷ୍ଟ କରିଦେଇଛନ୍ତି ଯେ, ସେମାନେ ଜମି ଦେବେ ନାହିଁ। ଯଦି ଜୋର ଜବରଦସ୍ତିରେ ଗ୍ରାମ୍ୟ ଜଙ୍ଗଲ, ଶ୍ମଶାନ ଓ ଗୋଚର ଜମି ଅଧିଗ୍ରହଣ କରାଯାଏ, ତେବେ ତୀବ୍ର ଆନ୍ଦୋଳନ କରିବେ ବୋଲି ଗ୍ରାମବାସୀ ଚେତାବନୀ ଦେଇଛନ୍ତି।
ମହାରାଷ୍ଟ୍ରର ଲୋହାଗଡ଼ କୋଟରେ ଟ୍ରେକିଂ ସମୟରେ ଘଟିଥିବା ଏକ...
ପଶ୍ଚିମବଙ୍ଗ ନିର୍ବାଚନରେ ଉଲ୍ଲେଖନୀୟ ସଫଳତା ପରେ ଭାରତୀୟ ଜ...
ଆଫଗାନିସ୍ତାନରେ ତାଲିବାନ ଶାସନ ଅଧୀନରେ ଲାଗୁ ହୋଇଥିବା କଡ଼...
ରାଜଧାନୀ ଦିଲ୍ଲୀ ଓ ଏହାର ଆଖପାଖ ଏନ୍‌ସିଆର ଅଞ୍ଚଳରେ...
ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ସ୍କୁଲ ପାଠ୍ୟପୁସ୍ତକରେ...
ବିଶ୍ୱ ଶେୟାର ବଜାରରେ ଦେଖାଦେଇଥିବା ନକାରାତ୍ମକ ପରିସ୍ଥିତି...
ସୌନ୍ଦର୍ଯ୍ୟ ବଢ଼ାଇବା ପାଇଁ ଆଜିକାଲି ଅନେକ ମହିଳା ଏବଂ ପୁର...
ମୟୂରଭଞ୍ଜ ଜିଲ୍ଲା ପାଇଁ ଆସନ୍ତା ଜୁନ୍ ୨୦ ତାରିଖ ଏକ ଐତିହା...
ସୁସ୍ଥ ଓ ସକ୍ରିୟ ଜୀବନ ପାଇଁ ସନ୍ତୁଳିତ ଖାଦ୍ୟାଭ୍ୟାସର ଭୂମ...
ଆଗାମୀ ବିଧାନସଭା ଓ ସାଧାରଣ ନିର୍ବାଚନ ପୂର୍ବରୁ କଂଗ୍ରେସ ଦ...
