ମୌସୁମୀର ପ୍ରଭାବରେ ଉତ୍ତର ଭାରତରେ ଲଗାତାର ବର୍ଷା ଜାରି ରହିଛି। ବିଶେଷକରି ଦିଲ୍ଲୀ, ଏନସିଆର୍ ଏବଂ ହରିଆଣାରେ ପ୍ରବଳ ବର୍ଷା ଯୋଗୁଁ ଜନଜୀବନ ଅସ୍ତବ୍ୟସ୍ତ ହୋଇପଡ଼ିଛି। ପରିସ୍ଥିତିକୁ ଦୃଷ୍ଟିରେ ରଖି ପାଣିପାଗ ବିଭାଗ ପକ୍ଷରୁ ରେଡ୍ ଆଲର୍ଟ ଜାରି କରାଯାଇଛି।
ଶୁକ୍ରବାର ସକାଳୁ ଦିଲ୍ଲୀ ଓ ଏହାର ପାର୍ଶ୍ୱବର୍ତ୍ତୀ ଏନସିଆର୍ ଅଞ୍ଚଳରେ ମୂଷଳଧାରା ବର୍ଷା ହୋଇଥିଲା। ଅଳ୍ପ ସମୟର ବର୍ଷାରେ ସହରର ଅନେକ ପ୍ରମୁଖ ରାସ୍ତା ଜଳମଗ୍ନ ହୋଇଯାଇଛି। ବିଭିନ୍ନ ଅଞ୍ଚଳରେ ବର୍ଷା ପାଣି ଜମି ରହିଥିବାରୁ ଯାତାୟାତ ବ୍ୟବସ୍ଥା ଗୁରୁତର ଭାବେ ପ୍ରଭାବିତ ହୋଇଛି।
ଅଫିସ୍ ସମୟରେ ପ୍ରବଳ ବର୍ଷା ହେବାରୁ ସହରର ବିଭିନ୍ନ ପ୍ରମୁଖ ସଡ଼କରେ ଦୀର୍ଘ ଟ୍ରାଫିକ୍ ଜାମ୍ ଦେଖିବାକୁ ମିଳିଥିଲା। ଅନେକ ଅଣ୍ଡରପାସ୍ ଓ ତଳିଆ ଅଞ୍ଚଳରେ ପାଣି ଜମି ରହିବାରୁ ସାଧାରଣ ଜନଜୀବନ ବ୍ୟାହତ ହୋଇଛି।
ପାଣିପାଗ ବିଭାଗର ସୂଚନା ଅନୁସାରେ, ଆସନ୍ତା ୨୪ ଘଣ୍ଟା ମଧ୍ୟରେ ଦିଲ୍ଲୀ, ହରିଆଣା ଓ ପାର୍ଶ୍ୱବର୍ତ୍ତୀ ଅଞ୍ଚଳରେ ଆହୁରି ପ୍ରବଳରୁ ଅତି ପ୍ରବଳ ବର୍ଷା ହେବାର ସମ୍ଭାବନା ରହିଛି। ଏହାକୁ ଦୃଷ୍ଟିରେ ରଖି ଅତ୍ୟାବଶ୍ୟକ କାମ ନଥିଲେ ଘରୁ ବାହାରକୁ ନଯିବାକୁ ଲୋକଙ୍କୁ ପରାମର୍ଶ ଦିଆଯାଇଛି।
ପ୍ରଶାସନ ପକ୍ଷରୁ ଜଳ ନିଷ୍କାସନ ବ୍ୟବସ୍ଥାକୁ ସକ୍ରିୟ କରାଯାଇଛି। ସେହିପରି ସମ୍ଭାବ୍ୟ ଜରୁରୀ ପରିସ୍ଥିତିକୁ ମୁକାବିଲା କରିବା ପାଇଁ ସମସ୍ତ ସମ୍ପୃକ୍ତ ବିଭାଗକୁ ସତର୍କ ରହିବାକୁ ନିର୍ଦ୍ଦେଶ ଦିଆଯାଇଛି।
ଇଂଲଣ୍ଡ ଗସ୍ତରେ ସଂଘର୍ଷ କରୁଥିବା ଶ୍ରେୟସ ଆୟରଙ୍କ ନେତୃତ୍ୱ...
ଶ୍ରୀଲଙ୍କା ବିପକ୍ଷ ଦ୍ୱିତୀୟ ଟେଷ୍ଟ୍ ମ୍ୟାଚ୍ ଡ୍ରରେ ଶେଷ ହ...
ସମ୍ବଲପୁର ଜିଲ୍ଲାର ରେଢ଼ାଖୋଲ ଅଞ୍ଚଳ ଅନ୍ତର୍ଗତ ବଂଶାଜାଲ ପ...
ପଶ୍ଚିମବଙ୍ଗର ପୂର୍ବ ମେଦିନୀପୁର ଜିଲ୍ଲାର ଶଙ୍କରପୁର ଉପକୂଳ...
ଆଇସିସି ପକ୍ଷରୁ ପ୍ରକାଶିତ ସଦ୍ୟ ଟି-୨୦ ଅନ୍ତର୍ଜାତୀୟ ରାଙ୍...
ବିଶ୍ୱକପ୍ର କ୍ୱାର୍ଟରଫାଇନାଲ୍ରେ ଶୁକ୍ରବାର ଇଂଲଣ୍ଡ ଓ ନରୱେ...
ଭାରତର ଉପରାଷ୍ଟ୍ରପତିସି. ପି. ରାଧାକୃଷ୍ଣନଗୁରୁବାର ଓଡ଼ିଶା...
ରାଉରକେଲା ସହରରୁ ଏକ ଅତ୍ୟନ୍ତ ସମ୍ବେଦନଶୀଳ ଘଟଣା ସାମ୍ନାକୁ...
