ଭୀଷଣ ବାତ୍ୟା ‘ଅର୍ଣ୍ଣବ’ର ତାଣ୍ଡବ ଆଶଙ୍କା: ଆନ୍ଧ୍ର ଓ ଦକ୍ଷିଣ ଓଡ଼ିଶାକୁ ରେଡ୍ ଆଲର୍ଟ

ଭୁବନେଶ୍ୱର:ବଙ୍ଗୋପସାଗରରେ ସୃଷ୍ଟି ହୋଇଥିବା ବାତ୍ୟା ‘ଅର୍ଣ୍ଣବ’ ଏବେ ଅତି ଭୀଷଣ ବାତ୍ୟାର ରୂପ ନେଇଛି। ଭାରତୀୟ ପାଣିପାଗ ବିଭାଗ (IMD)ର ନୂଆ ସୂଚନା ଅନୁଯାୟୀ, ଏହା ଆସନ୍ତା ୨୮ ଅକ୍ଟୋବର ପୂର୍ବାହ୍ଣରେ ଆନ୍ଧ୍ରପ୍ରଦେଶ-ୟାନାମ ଉପକୂଳ ମଧ୍ୟରେ ବାପଟ୍ଲା ଓ ବିଶାଖାପାଟଣା ନିକଟରେ ସ୍ଥଳଭାଗ ଛୁଇଁପାରେ। ସ୍ଥଳଭାଗ ଛୁଇଁବା ସମୟରେ ବାତ୍ୟାର ସର୍ବାଧିକ ସ୍ଥାୟୀ ପବନ ବେଗ ଘଣ୍ଟାପ୍ରତି୧୧୫ରୁ ୧୨୫ କିଲୋମିଟର, ଝଟକା ପବନ ବେଗ୧୪୦ କିଲୋମିଟରପର୍ଯ୍ୟନ୍ତ ରହିପାରେ।

ଦକ୍ଷିଣ ଓଡ଼ିଶାକୁ ରେଡ୍ ଆଲର୍ଟ

ବାତ୍ୟାର କେନ୍ଦ୍ର ସ୍ଥଳଭାଗ ଛୁଇଁବା ସମ୍ଭାବନା ଆନ୍ଧ୍ରପ୍ରଦେଶରେ ଥିଲେ ମଧ୍ୟ ଏହାର ପ୍ରଭାବ ଦକ୍ଷିଣ ଓଡ଼ିଶାରେ ଅନୁଭୂତ ହେବ। ଏଥିପାଇଁଗଞ୍ଜାମ, ଗଜପତି, ରାୟଗଡ଼ା, କୋରାପୁଟ ଓ ମାଲକାନଗିରିଜିଲ୍ଲା ପାଇଁ ରେଡ୍ ଆଲର୍ଟ ଜାରି ହୋଇଛି। ଏହି ଜିଲ୍ଲାଗୁଡ଼ିକର କିଛି ସ୍ଥାନରେ ଅତି ପ୍ରବଳ ବର୍ଷା ସହ ଘଣ୍ଟାପ୍ରତି ୫୦ରୁ ୬୦ କିଲୋମିଟର ବେଗରେ ପବନ ଏବଂ ଝଟକା ପବନ ୭୦ କିଲୋମିଟର ପର୍ଯ୍ୟନ୍ତ ହୋଇପାରେ।

ପାଣିପାଗ ବିଭାଗର ଆକଳନ ଅନୁଯାୟୀ, ବାତ୍ୟାର ପ୍ରଭାବରେ ଦକ୍ଷିଣ ଓଡ଼ିଶାର ବିଭିନ୍ନ ସ୍ଥାନରେ ଭାରିରୁ ଅତି ଭାରି ବର୍ଷା ହୋଇପାରେ। ତେଣୁ ନଦୀକୂଳ, ତଳିଆ ଅଞ୍ଚଳ ଏବଂ ପାହାଡ଼ିଆ ଅଞ୍ଚଳରେ ପ୍ରଶାସନର ସତର୍କ ନଜର ରହିଛି।

୨୮ ତାରିଖରେ ଲ୍ୟାଣ୍ଡଫଲ୍ ସମ୍ଭାବନା

IMDର ସାମୁଦ୍ରିକ ପାଣିପାଗ ବୁଲେଟିନ୍ ଅନୁଯାୟୀ, ‘ଅର୍ଣ୍ଣବ’ ୨୭ ଅକ୍ଟୋବର ସନ୍ଧ୍ୟା ପର୍ଯ୍ୟନ୍ତ ପଶ୍ଚିମ-ଉତ୍ତରପଶ୍ଚିମ ଦିଗକୁ ଗତି କରିବ। ଏହା ପରେ ଉତ୍ତରପଶ୍ଚିମ ଦିଗକୁ ମୁହାଁଇ ୨୮ ଅକ୍ଟୋବର ପୂର୍ବାହ୍ଣରେ ଆନ୍ଧ୍ରପ୍ରଦେଶ ଓ ୟାନାମ ଉପକୂଳ ଅତିକ୍ରମ କରିପାରେ।

ବର୍ତ୍ତମାନ ବାତ୍ୟାଟି ଗୋପାଳପୁରଠାରୁ ପ୍ରାୟ ୪୦୦ କିଲୋମିଟର ଦକ୍ଷିଣ-ଦକ୍ଷିଣପୂର୍ବରେ ଏବଂ ବିଶାଖାପାଟଣାଠାରୁ ପ୍ରାୟ ୩୫୦ କିଲୋମିଟର ଦକ୍ଷିଣ-ଦକ୍ଷିଣପୂର୍ବରେ ରହିଛି। ଏହାର ଗତିପଥ ଓ ତୀବ୍ରତା ଉପରେ ପାଣିପାଗ ବିଭାଗ ନିରନ୍ତର ନଜର ରଖିଛି।

ଆନ୍ଧ୍ରପ୍ରଦେଶରେ ମଧ୍ୟ ହାଇଆଲର୍ଟ

ବାତ୍ୟା ସ୍ଥଳଭାଗ ଛୁଇଁବା ଅଞ୍ଚଳ ଆନ୍ଧ୍ରପ୍ରଦେଶରେ ଥିବାରୁ ସେଠାରେ ମଧ୍ୟ ପ୍ରଶାସନକୁ ହାଇଆଲର୍ଟରେ ରଖାଯାଇଛି। ବାତ୍ୟା ସମୟରେ ପ୍ରବଳ ପବନ ସହ ବର୍ଷା ଏବଂ ସମୁଦ୍ର ଅଶାନ୍ତ ରହିବା ଆଶଙ୍କା ରହିଛି।

IMDର ସୂଚନା ଅନୁଯାୟୀ, ଆନ୍ଧ୍ର ଉପକୂଳର ତଳିଆ ଅଞ୍ଚଳରେ ସମୁଦ୍ର ଜୁଆର ମଧ୍ୟ ବିପଦ ସୃଷ୍ଟି କରିପାରେ। ବିଶେଷକରି କାକିନାଡା ଓ ୟାନାମ ଅଞ୍ଚଳରେ ସ୍ଥଳଭାଗ ଛୁଇଁବା ସମୟରେ ପ୍ରାୟ ୧ରୁ ୧.୫ ମିଟର ପର୍ଯ୍ୟନ୍ତ ଷ୍ଟର୍ମ ସର୍ଜ୍ ହୋଇ ତଳିଆ ଅଞ୍ଚଳରେ ପାଣି ପଶିବା ଆଶଙ୍କା ରହିଛି।

ଉଦ୍ଧାର ଓ ରିଲିଫ୍ ଟିମ୍ ପ୍ରସ୍ତୁତ

ବାତ୍ୟା ମୁକାବିଲା ପାଇଁ ଓଡ଼ିଶା ସମେତ ପ୍ରଭାବିତ ରାଜ୍ୟଗୁଡ଼ିକ ପ୍ରସ୍ତୁତି ଜୋରଦାର କରିଛନ୍ତି। କେନ୍ଦ୍ର ସରକାରଙ୍କ ନ୍ୟାସନାଲ୍ କ୍ରାଇସିସ୍ ମ୍ୟାନେଜମେଣ୍ଟ କମିଟି (NCMC) ବୈଠକରେ ମଧ୍ୟ ବାତ୍ୟା ପ୍ରସ୍ତୁତିର ସମୀକ୍ଷା କରାଯାଇଛି। NDRF ଓ SDRF ଟିମ୍ଗୁଡ଼ିକୁ ପ୍ରସ୍ତୁତ ରଖାଯାଇଥିବା ବେଳେ ଜିଲ୍ଲାସ୍ତରରେ କଣ୍ଟ୍ରୋଲ୍ ରୁମ୍ ସକ୍ରିୟ ରହିଛି।

ପ୍ରଶାସନର ମୁଖ୍ୟ ଲକ୍ଷ୍ୟଶୂନ୍ୟ ଜୀବନହାନିସୁନିଶ୍ଚିତ କରିବା ସହ ବାତ୍ୟା ପରେ ଆବଶ୍ୟକ ସେବାକୁ ଯଥାଶୀଘ୍ର ସ୍ୱାଭାବିକ କରିବା। ଆବଶ୍ୟକତା ଅନୁସାରେ ତଳିଆ ଓ ବିପଦପ୍ରବଣ ଅଞ୍ଚଳରୁ ଲୋକଙ୍କୁ ସୁରକ୍ଷିତ ଆଶ୍ରୟସ୍ଥଳକୁ ସ୍ଥାନାନ୍ତରଣ କରାଯିବ।

ମତ୍ସ୍ୟଜୀବୀଙ୍କୁ ସମୁଦ୍ର ନଯିବାକୁ ପରାମର୍ଶ

ବାତ୍ୟା ପ୍ରଭାବରେ ସମୁଦ୍ର ଅତ୍ୟନ୍ତ ଅଶାନ୍ତ ରହିବା ଆଶଙ୍କା ଥିବାରୁ ଓଡ଼ିଶା, ଆନ୍ଧ୍ରପ୍ରଦେଶ ଓ ୟାନାମ ଉପକୂଳରେ ମତ୍ସ୍ୟଜୀବୀଙ୍କୁ ସମୁଦ୍ରକୁ ନଯିବାକୁ ପରାମର୍ଶ ଦିଆଯାଇଛି। ସମୁଦ୍ରରେ ଥିବା ମତ୍ସ୍ୟଜୀବୀମାନେ କୂଳକୁ ଫେରିଆସିଥିବା କେନ୍ଦ୍ରୀୟ ସୂଚନାରେ କୁହାଯାଇଛି।

ଏହି ସମୟରେ ଲୋକଙ୍କୁ ଭୟଭୀତ ନହୋଇ କେବଳIMD ଓ ସ୍ଥାନୀୟ ପ୍ରଶାସନର ଅଧିକୃତ ସୂଚନାଉପରେ ଭରସା କରିବାକୁ ପରାମର୍ଶ ଦିଆଯାଉଛି। ବାତ୍ୟାର ଗତିପଥ ଓ ତୀବ୍ରତାରେ ପରିବର୍ତ୍ତନ ସମ୍ଭବ ଥିବାରୁ ନୂଆ ବୁଲେଟିନ୍କୁ ନଜରରେ ରଖିବା ଜରୁରୀ।