ଓଡ଼ିଶା ମୁଖ୍ୟମନ୍ତ୍ରୀ କାର୍ଯ୍ୟାଳୟ (CMO)ରୁ ଗୁରୁତ୍ୱପୂର୍ଣ୍ଣ ସରକାରୀ ଫାଇଲ୍ ନିଖୋଜ ଘଟଣାକୁ ନେଇ ରାଜ୍ୟ ରାଜନୀତି ଓ ପ୍ରଶାସନିକ ମହଳରେ ଚର୍ଚ୍ଚା ଜୋର ଧରିଛି। ସ୍ୱାମୀ ଲକ୍ଷ୍ମଣାନନ୍ଦ ସରସ୍ୱତୀ ହତ୍ୟାକାଣ୍ଡ ଏବଂ କନ୍ଧମାଳ ହିଂସା ଘଟଣା ସମ୍ପର୍କିତ ନ୍ୟାୟମୂର୍ତ୍ତି ନାଇଡୁ କମିଶନଙ୍କ ତଦନ୍ତ ରିପୋର୍ଟ ନିଖୋଜ ହୋଇଥିବା ଅଭିଯୋଗର ତଦନ୍ତ ଆରମ୍ଭ କରିଛି କ୍ରାଇମବ୍ରାଞ୍ଚ।
ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ନିର୍ଦ୍ଦେଶ କ୍ରମେ କ୍ରାଇମବ୍ରାଞ୍ଚ ମଙ୍ଗଳବାର କ୍ୟାପିଟାଲ ଥାନାରେ ଏକ ମାମଲା ରୁଜୁ କରିଛି। ଭାରତୀୟ ନ୍ୟାୟ ସଂହିତା (BNS)ର ବିଭିନ୍ନ ଧାରା ଅନୁଯାୟୀ ଏହି ମାମଲା ରୁଜୁ ହୋଇଥିବା ସୂଚନା ମିଳିଛି।
କ୍ରାଇମବ୍ରାଞ୍ଚର DSP ଆଶୁତୋଷ ମିଶ୍ରଙ୍କୁ ଏହି ମାମଲାର ତଦନ୍ତ ଦାୟିତ୍ୱ ଦିଆଯାଇଥିବା ବେଳେ, SP ଅନିରୁଦ୍ଧ ରାଉତରାୟ ତଦନ୍ତର ତଦାରଖ କରିବେ।
ସରକାରୀ ସୂତ୍ରରୁ ପ୍ରକାଶ ଯେ, ୨୦୨୪ ଜୁନ୍ ୪ ତାରିଖରେ ସାଧାରଣ ନିର୍ବାଚନର ଫଳାଫଳ ଘୋଷଣା ହେବା ଦିନ CMOରେ ଥିବା ସମସ୍ତ ଫାଇଲ୍ ଗୃହ ବିଭାଗକୁ ଫେରସ୍ତ କରାଯାଇଥିଲା। କିନ୍ତୁ ଦୁଇଟି ଗୁରୁତ୍ୱପୂର୍ଣ୍ଣ ଫାଇଲ୍ ଫେରସ୍ତ କରାଯାଇନଥିବା ଅଭିଯୋଗ ରହିଛି।
ଏହି ଫାଇଲ୍ଗୁଡ଼ିକ ମଧ୍ୟରେ ରହିଛି ୨୦୦୮ ମସିହାରେ ସ୍ୱାମୀ ଲକ୍ଷ୍ମଣାନନ୍ଦ ସରସ୍ୱତୀଙ୍କ ହତ୍ୟା ଏବଂ ପରବର୍ତ୍ତୀ କନ୍ଧମାଳ ସାମ୍ପ୍ରଦାୟିକ ହିଂସା ଘଟଣା ସମ୍ପର୍କିତ ନ୍ୟାୟମୂର୍ତ୍ତି ନାଇଡୁ କମିଶନଙ୍କ ତଦନ୍ତ ରିପୋର୍ଟ ଏବଂ ଭୁବନେଶ୍ୱରର SUM ହସ୍ପିଟାଲ ଅଗ୍ନିକାଣ୍ଡ ଘଟଣା ସମ୍ପର୍କିତ ରେଭେନ୍ୟୁ ଡିଭିଜନାଲ କମିଶନର (RDC)ଙ୍କ ତଦନ୍ତ ରିପୋର୍ଟ।
ସରକାରଙ୍କ ସନ୍ଦେହ ଯେ, ପ୍ରମାଣ ଲୁଚାଇବା କିମ୍ବା କୌଣସି ଷଡଯନ୍ତ୍ର ଉଦ୍ଦେଶ୍ୟରେ ଏହି ଫାଇଲ୍ଗୁଡ଼ିକୁ ଜାଣିଶୁଣି ହଟାଇ ଦିଆଯାଇଥାଇପାରେ। କ୍ରାଇମବ୍ରାଞ୍ଚ ଏବେ ଏହି ଫାଇଲ୍ ନିଖୋଜ ହେବାର ପରିସ୍ଥିତି, ଏଥିପାଇଁ ଦାୟୀ ବ୍ୟକ୍ତିମାନଙ୍କୁ ଚିହ୍ନଟ କରିବା ଏବଂ ଏହା ପଛରେ କୌଣସି ଆପରାଧିକ ଷଡଯନ୍ତ୍ର ରହିଛି କି ନାହିଁ, ସେନେଇ ତଦନ୍ତ କରିବ।
ବର୍ତ୍ତମାନ ଏହି ଘଟଣାର ତଦନ୍ତ ଜାରି ରହିଛି।
ଓଡ଼ିଶାରେ କୋଭିଡ୍-୧୯ ମାମଲାକୁ ନେଇ ଜନସ୍ୱାସ୍ଥ୍ୟ ବିଭାଗ ପ...
ରାଷ୍ଟ୍ରୀୟ ପ୍ରଯୁକ୍ତି ପ୍ରତିଷ୍ଠାନ (NIT) ରାଉରକେଲାର ଗବେ...
ମେଷ ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ଦକ୍ଷତାର ପ...
ମେଷ ଏହି ସପ୍ତାହ ଆପଣଙ୍କ କର୍ମକ୍ଷେତ୍ର ପାଇଁ ଉତ୍ସାହଜନ...
ଗଭୀର ଅବଦାବ ଜନିତ ଲଗାଣ ବର୍ଷା ଯୋଗୁଁ ଓଡ଼ିଶାର ପାଞ୍ଚଟି ଜ...
ଗଭୀର ଅବଦାବ ଜନିତ ଲଗାଣ ବର୍ଷା ଯୋଗୁଁ ବାଲେଶ୍ୱର ଜିଲ୍ଲାରେ...
ଅନଲାଇନ୍ ସପିଂ ବର୍ତ୍ତମାନ ସମୟରେ ଦୈନନ୍ଦିନ ଜୀବନର ଏକ ଅଂଶ...
ଲଗାଣ ବର୍ଷା ପ୍ରଭାବରେମୟୂରଭଞ୍ଜ ଜିଲ୍ଲାର ବଡ଼ସାହି ବ୍ଲକ ଅ...
ଉତ୍ତରପ୍ରଦେଶରେ ପୁଣିଥରେ ମୌସୁମୀ ବର୍ଷା ତାଣ୍ଡବ ରଚିଛି। ର...
ବର୍ଷା ଋତୁ ଆସିବା ସହ ଦେଶର ବିଭିନ୍ନ ଅଞ୍ଚଳରେ ଭାଇରାଲ୍ ସଂ...
