ଅନଲାଇନ୍ ସପିଂ ବର୍ତ୍ତମାନ ସମୟରେ ଦୈନନ୍ଦିନ ଜୀବନର ଏକ ଅଂଶ ପାଲଟିଯାଇଛି। ଘରୋଇ ସାମଗ୍ରୀଠାରୁ ଆରମ୍ଭ କରି ପୋଷାକ, ଔଷଧ ଏବଂ ଫ୍ୟାଶନେବଲ୍ ଆର୍ଟିଫିସିଆଲ୍ ଗହଣା ପର୍ଯ୍ୟନ୍ତ ସବୁକିଛି ଲୋକେ ଅନଲାଇନ୍ରେ କିଣୁଛନ୍ତି। କିନ୍ତୁ ଏହି ଶସ୍ତା ଓ ଆକର୍ଷଣୀୟ ଗହଣା ସ୍ୱାସ୍ଥ୍ୟ ପାଇଁ ଗୁରୁତର ବିପଦ ଡାକି ଆଣିପାରେ ବୋଲି ଏକ ନୂଆ ରିପୋର୍ଟ ଚେତାବନୀ ଦେଇଛି।

ୟୁକେର'ଦ ସଣ୍ଡେ ଟାଇମ୍ସ'ପ୍ରକାଶିତ ଏକ ରିପୋର୍ଟ ଅନୁସାରେ, ଲୋକପ୍ରିୟ ଅନଲାଇନ୍ ପ୍ଲାଟଫର୍ମରେ ବିକ୍ରି ହେଉଥିବା କିଛି ଆର୍ଟିଫିସିଆଲ୍ ମୁଦି, ନେକଲେସ୍ ଏବଂ ଇୟରରିଂସରେକ୍ୟାଡମିୟମ୍ (Cadmium)ନାମକ ବିଷାକ୍ତ ଧାତୁର ପରିମାଣ ନିର୍ଦ୍ଧାରିତ ସୀମାଠାରୁ୯,୦୦୦ ଗୁଣ ପର୍ଯ୍ୟନ୍ତ ଅଧିକମିଳିଥିବା ଦାବି କରାଯାଇଛି।

ୟୁକେର ସୁରକ୍ଷା ନିୟମ ଅନୁଯାୟୀ, ଗହଣାରେ କ୍ୟାଡମିୟମ୍ର ପରିମାଣ୦.୦୧ ପ୍ରତିଶତରୁ ଅଧିକହେବା ଉଚିତ୍ ନୁହେଁ। କିନ୍ତୁ ଯାଞ୍ଚ ବେଳେ'୯୨୫ ସିଲଭର୍'ନାମରେ ବିକ୍ରି ହେଉଥିବା ଏକ ମୁଦିରେ୯୨ ପ୍ରତିଶତ କ୍ୟାଡମିୟମ୍ଥିବା ଜଣାପଡ଼ିଛି। ସେହିପରି ଏକ ବ୍ରେସଲେଟରେ ମଧ୍ୟ ନିର୍ଦ୍ଧାରିତ ସୀମାଠାରୁ୩,୩୦୦ ଗୁଣ ଅଧିକକ୍ୟାଡମିୟମ୍ ମିଳିଥିବା ରିପୋର୍ଟରେ ଉଲ୍ଲେଖ ରହିଛି।

ୟୁକେ ହେଲଥ୍ ସିକ୍ୟୁରିଟି ଏଜେନ୍ସିଏବଂକିଙ୍ଗ୍ସ କଲେଜ୍ ଲଣ୍ଡନର ବିଶେଷଜ୍ଞଙ୍କ ମତାନୁସାରେ, କ୍ୟାଡମିୟମ୍ ଭଳି ବିଷାକ୍ତ ଧାତୁର ଦୀର୍ଘଦିନ ବ୍ୟବହାର କିଡନି କ୍ୟାନ୍ସରର ଆଶଙ୍କା ବଢ଼ାଇପାରେ। ଏହା ଲିଭରର କ୍ଷତି, ହାଡ଼ ଦୁର୍ବଳ ହେବା ଏବଂଅଷ୍ଟିଓପୋରୋସିସ୍ଭଳି ସମସ୍ୟା ସୃଷ୍ଟି କରିପାରେ।

ବିଶେଷଜ୍ଞମାନେ ପରାମର୍ଶ ଦେଇଛନ୍ତି ଯେ, ଅନଲାଇନ୍ରୁ ଗହଣା କିଣିବା ପୂର୍ବରୁ ବ୍ରାଣ୍ଡ, ଗୁଣବତ୍ତା ପ୍ରମାଣପତ୍ର ଏବଂ ସୁରକ୍ଷା ମାନକ ସମ୍ପର୍କରେ ନିଶ୍ଚିତ ହେବା ଆବଶ୍ୟକ।