ଗତ ଦୁଇ ଦିନ ଧରି ଲଗାଣ ବର୍ଷା ଯୋଗୁଁ ବରଗଡ଼ ଜିଲ୍ଲାର ଭେଡେନ ବ୍ଲକ ଅନ୍ତର୍ଗତ ସରସପାଲି ପଞ୍ଚାୟତରବାଘପଡ଼ା ଗାଁସମ୍ପୂର୍ଣ୍ଣ ବିଚ୍ଛିନ୍ନ ହୋଇପଡ଼ିଛି। କେନାଲରେ ପାଣି ବଢ଼ିଯିବା ସହ ଗାଁକୁ ସଂଯୋଗ କରୁଥିବା ରାସ୍ତା ବନ୍ଦ ହୋଇଯାଇଛି। ଏହା ମଧ୍ୟରେ ଗାଁର ଏକ ବିବାହ ଉତ୍ସବକୁ ନେଇ ମଧ୍ୟ ଅନିଶ୍ଚିତତା ସୃଷ୍ଟି ହୋଇଛି।
ସ୍ଥାନୀୟ ଲୋକଙ୍କ କହିବା ଅନୁସାରେ, ଗାଁକୁ ସଂଯୋଗ କରୁଥିବା କେନାଲ ଉପରେ ଥିବା ସେତୁପ୍ରାୟ ତିନି ବର୍ଷ ପୂର୍ବରୁ ଭାଙ୍ଗିଯାଇଥିଲା। ତେବେ ଏପର୍ଯ୍ୟନ୍ତ ଏହାର ମରାମତି କିମ୍ବା ପୁନଃନିର୍ମାଣ କରାଯାଇନାହିଁ। ବର୍ତ୍ତମାନ ଲଗାଣ ବର୍ଷା ଯୋଗୁଁ କେନାଲରେ ଛାତିଏ ଉଚ୍ଚର ପାଣି ପ୍ରବାହିତ ହେଉଥିବାରୁ ଗାଁକୁ ଯିବା-ଆସିବା ସମ୍ପୂର୍ଣ୍ଣ ବନ୍ଦ ହୋଇଯାଇଛି।
ମଙ୍ଗଳବାର ବାଘପଡ଼ା ଗାଁରେରଘୁ ଭୁଏଙ୍କ ଝିଅଙ୍କ ବିବାହହେବାକୁ ଥିବା ବେଳେ ବରଯାତ୍ରୀ ବରଗଡ଼ ସହରରୁ ଆସିବାର କାର୍ଯ୍ୟକ୍ରମ ରହିଛି। କିନ୍ତୁ କେନାଲରେ ପ୍ରବଳ ସ୍ରୋତ ଓ ଭଙ୍ଗା ସେତୁ ଯୋଗୁଁ ବରଯାତ୍ରୀ କିପରି ଗାଁରେ ପହଞ୍ଚିବେ, ତାହାକୁ ନେଇ କନ୍ୟା ପରିବାର ଓ ଗ୍ରାମବାସୀ ଚିନ୍ତାରେ ପଡ଼ିଛନ୍ତି।
କନ୍ୟାଙ୍କ ବାପା ରଘୁ ଭୁଏ କହିଛନ୍ତି,"ଆଜି ମୋ ଝିଅର ବିବାହ। ସେତୁ ଭାଙ୍ଗିଥିବାରୁ ବରଘର ଲୋକେ ଗାଁକୁ ଆସିପାରିବେ କି ନାହିଁ ସେନେଇ ଚିନ୍ତାରେ ଅଛୁ। ପ୍ରଶାସନ ତୁରନ୍ତ ସେତୁ ନିର୍ମାଣ କାମ ଆରମ୍ଭ କରନ୍ତୁ।"
ଗ୍ରାମବାସୀଙ୍କ ଅଭିଯୋଗ ଅନୁସାରେ, ବାଘପଡ଼ା ଓ ସରସପାଲିକୁ ସଂଯୋଗ କରୁଥିବା ସେତୁ ତିନି ବର୍ଷ ହେଲା ଭାଙ୍ଗି ପଡ଼ିଥିଲେ ମଧ୍ୟ ପ୍ରଶାସନ ପକ୍ଷରୁ କୌଣସି ସ୍ଥାୟୀ ପଦକ୍ଷେପ ନିଆଯାଇନାହିଁ।
ଲଗାଣ ବର୍ଷା ପରେ ପରିସ୍ଥିତି ଆହୁରି ଗମ୍ଭୀର ହୋଇଛି। ଗାଁର ପିଲାମାନେ ସ୍କୁଲକୁ ଯାଇପାରୁନଥିବା ବେଳେ ଦୈନନ୍ଦିନ କାର୍ଯ୍ୟ ମଧ୍ୟ ବାଧାପ୍ରାପ୍ତ ହୋଇଛି। ସ୍ଥାନୀୟ ଲୋକେ ଶୀଘ୍ର ସେତୁ ନିର୍ମାଣ କରି ଯୋଗାଯୋଗ ସ୍ୱାଭାବିକ କରିବାକୁ ପ୍ରଶାସନ ନିକଟରେ ଦାବି କରିଛନ୍ତି।
ତାମିଲନାଡୁର ଶାସକ ମେଣ୍ଟ ଏବେ ନିଜର ଏକ ସ୍ୱତନ୍ତ୍ର ରାଜନୈତ...
ଉତ୍ତରପ୍ରଦେଶରେ ଶ୍ରମିକ ଓ ଅନ୍ୟାନ୍ୟ ଦୁର୍ବଳ ପରିବାରର ପିଲ...
ଶିରୋମଣି ଅକାଳୀ ଦଳ (ପୁନର ସୁରଜିତ) ବିଜେପି ସହ ମେଣ୍ଟକୁ ନ...
ହର୍ମୁଜ୍ ପ୍ରଣାଳୀକୁ ନେଇ ଆମେରିକା ଓ ଇରାନ ମଧ୍ୟରେ ତିକ୍ତତ...
ମହାରାଷ୍ଟ୍ରରେ ଗଣେଶ ଚତୁର୍ଥୀ ପୂର୍ବରୁ ରାଜନୈତିକ ମାହୋଲ ମ...
ଭାରତରେ ବ୍ୟବହୃତ ଆଣ୍ଟି-ରାବିଜ୍ ଟିକାAbhayrabକୁ ନେଇ ପୁଣ...
ସରକାରୀ ଚାକିରିର ସ୍ଥିରତା ଛାଡ଼ି ନିଜ ପିଲାଦିନର ସ୍ୱପ୍ନ ପ...
ଆମେରିକା ରାଷ୍ଟ୍ରପତିଡୋନାଲ୍ଡ ଟ୍ରମ୍ପଆମେରିକାର ରାଜ୍ୟନ୍ୟୁ...
ଭାରତୀୟ ଖାଦ୍ୟପେୟରେ ଘିଅର ଏକ ପାରମ୍ପରିକ ସ୍ଥାନ ରହିଛି। କ...
ଆମ ଶରୀରରେ ଗଟ୍ ବା ପାଚନତନ୍ତ୍ରର ଭୂମିକା କେବଳ ଖାଦ୍ୟ ହଜମ...
