ଭୁବନେଶ୍ୱରର ରସୁଲଗଡ଼ ଅଞ୍ଚଳରୁ ଜଣେ ଯୁବକଙ୍କୁ ଅର୍ଦ୍ଧଦଗ୍ଧ ଅବସ୍ଥାରେ ଉଦ୍ଧାର କରାଯାଇଛି। ବୁଧବାର ଘଟିଥିବା ଏହି ଘଟଣାରେ ଭଞ୍ଜନଗରର ମଙ୍ଗୁ ଡାକୁଆ ଗୁରୁତର ଭାବେ ଆହତ ହୋଇଛନ୍ତି। ତାଙ୍କୁ ତୁରନ୍ତ ଚିକିତ୍ସା ପାଇଁ ହସ୍ପିଟାଲ ନିଆଯାଇଥିଲା।
ସୂଚନା ଅନୁସାରେ, ମଙ୍ଗୁ ଭୁବନେଶ୍ୱରରେ ବାରିକ ଭାବେ କାମ କରୁଥିଲେ ଏବଂ କାମ ପାଇଁ ସହରରେ ରହୁଥିଲେ। ଘଟଣାର ପ୍ରକୃତ କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ତେବେ ସ୍ଥାନୀୟ ଲୋକଙ୍କ ଅନୁମାନ ଅନୁସାରେ, ସେ ଏକ ନିଆଁ ପାଖରେ ବସିଥିବା ସମୟରେ ତାଙ୍କ ପୋଷାକରେ ନିଆଁ ଲାଗିଥାଇପାରେ।
ନିଆଁ ତାଙ୍କ ପୋଷାକରୁ ଶରୀରକୁ ବ୍ୟାପିଯିବାରୁ ସେ ଗୁରୁତର ଭାବେ ପୋଡ଼ିଯାଇଥିବା କୁହାଯାଉଛି। ଘଟଣା ପରେ ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ଭୁବନେଶ୍ୱର କ୍ୟାପିଟାଲ ହସ୍ପିଟାଲକୁ ନେଇଥିଲେ।
ତେବେ ଶରୀରରେ ଗୁରୁତର ପୋଡ଼ା ଆଘାତ ଥିବାରୁ ଡାକ୍ତରମାନେ ତାଙ୍କୁ AIIMS ଭୁବନେଶ୍ୱରକୁ ସ୍ଥାନାନ୍ତର କରିଥିବା ସୂଚନା ମିଳିଛି। ବର୍ତ୍ତମାନ ସେଠାରେ ତାଙ୍କର ଚିକିତ୍ସା ଚାଲିଛି।
ଜଣେ ସ୍ଥାନୀୟ ବାସିନ୍ଦାଙ୍କ କହିବା ଅନୁସାରେ, ମଙ୍ଗୁ ଗତ ୩ରୁ ୪ ଦିନ ହେଲା ଦୋକାନକୁ ଯାଇନଥିଲେ। ବୁଧବାର ତାଙ୍କୁ ପୋଡ଼ିଯାଇଥିବା ଅବସ୍ଥାରେ ଦୌଡ଼ୁଥିବା ଦେଖି ଲୋକେ ତୁରନ୍ତ ସହାୟତା କରିଥିଲେ ଏବଂ ଆମ୍ବୁଲାନ୍ସ ଡାକିଥିଲେ।
ଘଟଣାଟି ଦୁର୍ଘଟଣାଜନିତ କିମ୍ବା ଏହା ପଛରେ ଅନ୍ୟ କୌଣସି କାରଣ ରହିଛି, ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ପୁଲିସ ଘଟଣାର ତଦନ୍ତ ଆରମ୍ଭ କରିଥିବା ବେଳେ ତଦନ୍ତ ପରେ ଅଧିକ ତଥ୍ୟ ସାମ୍ନାକୁ ଆସିବ।
ନୂଆଦିଲ୍ଲୀ:ଭାରତର ଏୟାରପୋର୍ଟ ଓ ବିମାନ ଭିତ୍ତିଭୂମି କ୍ଷେତ...
ଉତ୍ତରପ୍ରଦେଶରେ ଶ୍ରମିକ ଓ ଅନ୍ୟାନ୍ୟ ଦୁର୍ବଳ ପରିବାରର ପିଲ...
ନୂଆଦିଲ୍ଲୀ:Air Indiaରେ ଆହୁରି ପୁଞ୍ଜି ନିବେଶ କରିବା ପୂର...
ନୂଆଦିଲ୍ଲୀ:ବିମାନ ଯାତ୍ରୀଙ୍କ ପାଇଁ ଆସିଛି ଚିନ୍ତାଜନକ ଖବର...
ନୂଆଦିଲ୍ଲୀ:କ୍ୟାରିୟରର ପ୍ରଥମ ପାହାଚ ଜୀବନର ଶେଷ ଗନ୍ତବ୍ୟ...
ଆମେରିକାନ୍ ଏୟାରଲାଇନ୍ସର ଏକ ଉଡ଼ାଣ ବେଳେ ଜଣେ ଯାତ୍ରୀଙ୍କ...
