ଭୁବନେଶ୍ୱରର ମଞ୍ଚେଶ୍ୱର ଥାନା ଅଧୀନ ଗାଡ଼କଣା ସ୍ଥିତ ଓମ୍ ସାଇ ବିହାର ଆପାର୍ଟମେଣ୍ଟ ପରିସରରେ ଶନିବାର ଏକ ଚାଞ୍ଚଲ୍ୟକର ହତ୍ୟାକାଣ୍ଡ ଘଟିଛି। ପରକୀୟା ସମ୍ପର୍କ ସନ୍ଦେହକୁ କେନ୍ଦ୍ର କରି ଜଣେ ୫୫ ବର୍ଷୀୟ ବ୍ୟକ୍ତିଙ୍କୁ ଛୁରି ଭୁସି ହତ୍ୟା କରାଯାଇଥିବା ଅଭିଯୋଗ ହୋଇଛି।
ମୃତ ବ୍ୟକ୍ତି ହେଲେ ସୁଶିଲ କୁମାର ସିଂହ। ଏହି ଘଟଣାରେ ପୋଲିସ ୪୫ ବର୍ଷୀୟ ନୀଳକଣ୍ଠ ମହାନ୍ତିଙ୍କୁ ଗିରଫ କରିଛି। ଉଭୟେ ଓମ୍ ସାଇ ବିହାର ଅଞ୍ଚଳର ବାସିନ୍ଦା ବୋଲି ଜଣାପଡ଼ିଛି।
ପ୍ରାଥମିକ ତଦନ୍ତରୁ ଜଣାପଡ଼ିଛି ଯେ, ସୁଶିଲ କୁମାର ସିଂହ ନିକଟସ୍ଥ ଏକ ମନ୍ଦିରରୁ ଘରକୁ ଫେରୁଥିବା ବେଳେ ନୀଳକଣ୍ଠ ମହାନ୍ତି ତାଙ୍କୁ ପିଛା କରି ଆପାର୍ଟମେଣ୍ଟ ପରିସର ଭିତରେ ପ୍ରବେଶ କରିଥିଲେ। ସେଠାରେ ତାଙ୍କ ଉପରେ ବାରମ୍ବାର ଛୁରି ଆକ୍ରମଣ କରିଥିଲେ। ଗୁରୁତର ଆଘାତ ଯୋଗୁଁ ସୁଶିଲଙ୍କ ଘଟଣାସ୍ଥଳରେ ହିଁ ମୃତ୍ୟୁ ଘଟିଥିଲା।
ପୋଲିସର ସନ୍ଦେହ ଅନୁସାରେ, ନୀଳକଣ୍ଠ ମହାନ୍ତିଙ୍କ ପତ୍ନୀ ଏବଂ ସୁଶିଲ କୁମାର ସିଂହଙ୍କ ମଧ୍ୟରେ କଥିତ ପରକୀୟା ସମ୍ପର୍କ ଥିବା ସନ୍ଦେହରୁ ଏହି ହତ୍ୟାକାଣ୍ଡ ଘଟିଥାଇପାରେ। ଘଟଣା ପରେ ଅଭିଯୁକ୍ତ ନିଜ ଘରେ ଲୁଚି ରହିଥିଲେ, ପରେ ପୋଲିସ ତାଙ୍କୁ ଗିରଫ କରିଥିଲା।
ଘଟଣାସ୍ଥଳରେ ମଞ୍ଚେଶ୍ୱର ପୋଲିସ ପହଞ୍ଚି ମୃତଦେହକୁ ଜବତ କରି କ୍ୟାପିଟାଲ ହସ୍ପିଟାଲକୁ ଶବ ବ୍ୟବଚ୍ଛେଦ ପାଇଁ ପଠାଇଛି। ଏକ ବୈଜ୍ଞାନିକ ଟିମ୍ ମଧ୍ୟ ଘଟଣାସ୍ଥଳ ପରିଦର୍ଶନ କରି ପ୍ରମାଣ ସଂଗ୍ରହ କରିଛି।
ଅନ୍ୟପଟେ, ନୀଳକଣ୍ଠ ମହାନ୍ତିଙ୍କ ପତ୍ନୀ ମୃତ ସୁଶିଲଙ୍କ ବିରୋଧରେ ଗୁରୁତର ଅଭିଯୋଗ ଆଣିଛନ୍ତି। ତାଙ୍କ କହିବା ଅନୁଯାୟୀ, ପ୍ରାୟ ଛଅ ମାସ ପୂର୍ବରୁ ବିବାହର ପ୍ରତିଶ୍ରୁତି ଦେଇ ସୁଶିଲ ତାଙ୍କୁ ଯୌନ ନିର୍ଯାତନା ଦେଇଥିଲେ ଏବଂ ପରେ ପ୍ରତିଶ୍ରୁତି ପୂରଣ କରିନଥିଲେ।
ସେ ଆହୁରି ଅଭିଯୋଗ କରିଛନ୍ତି ଯେ, ଏହି ଘଟଣା ବିଷୟରେ ତାଙ୍କ ସ୍ୱାମୀ ଜାଣିବା ପରେ ଦୁଇ ଜଣଙ୍କ ମଧ୍ୟରେ ବାରମ୍ବାର ବିବାଦ ହେଉଥିଲା। ଘଟଣାର ଦୁଇ ଦିନ ପୂର୍ବରୁ ସୁଶିଲ ନୀଳକଣ୍ଠଙ୍କୁ ମାଡ଼ ମାରିଥିବା ମଧ୍ୟ ସେ ଅଭିଯୋଗ କରିଛନ୍ତି।
ଭୁବନେଶ୍ୱର ଜୋନ୍-୬ ଏସିପି ବିଶ୍ୱରଞ୍ଜନ ସେନାପତି କହିଛନ୍ତି ଯେ, ପ୍ରାଥମିକ ତଦନ୍ତରୁ ପରକୀୟା ସମ୍ପର୍କ ସନ୍ଦେହ ଏହି ଛୁରିମାଡ଼ ଘଟଣାର ପ୍ରମୁଖ କାରଣ ବୋଲି ଜଣାପଡ଼ିଛି। ତେବେ ସମସ୍ତ ଦିଗକୁ ନେଇ ତଦନ୍ତ ଚାଲିଛି ଏବଂ ବିସ୍ତୃତ ତଦନ୍ତ ପରେ ଅଧିକ ତଥ୍ୟ ସାମ୍ନାକୁ ଆସିବ।
ଇସ୍ରାଏଲ ଓ ଆମେରିକା ମଧ୍ୟରେ ଘନିଷ୍ଠ କୂଟନୀତିକ ସମ୍ପର୍କ ଥ...
ନିର୍ଦ୍ଦେଶକ ବୁଚ୍ଚି ବାବୁ ସାନାଙ୍କ ନିର୍ଦ୍ଦେଶିତ ଏବଂ ରାମ...
Donald Trumpଙ୍କ ଏକ ନୂତନ ମନ୍ତବ୍ୟକୁ ନେଇ ବିଶ୍ୱ ରାଜନୀତ...
ଆମେରିକା-ଇରାନ ଶାନ୍ତି ଚୁକ୍ତିକୁ ନେଇ ପାକିସ୍ତାନ ପୁଣିଥରେ...
ବିଶ୍ୱବ୍ୟାପୀ ବକ୍ସ ଅଫିସରେ ଐତିହାସିକ ସଫଳତା ହାସଲ କରିବା...
ଭାରତର ବିଭାଜନ ଇତିହାସର ଏକ ଅତ୍ୟନ୍ତ ସ୍ମରଣୀୟ ଓ ବେଦନାଦାୟ...
ପାକିସ୍ତାନର ଅଶାନ୍ତ ଖାଇବର ପାଖତୁନଖ୍ୱା ପ୍ରଦେଶରେ ଶନିବାର...
ଚର୍ଚ୍ଚିତ ଚଳଚ୍ଚିତ୍ରମେଁ ୱାପାସ ଆଉଙ୍ଗାବର୍ତ୍ତମାନ ସୋସିଆଲ...
