ଭୁବନେଶ୍ୱରରେ ଗହଣା ଦୋକାନରେ ଅଭିନବ ଉପାୟରେ ଠକେଇ ଅଭିଯୋଗରେ ଦୁଇ ମହିଳା ଗିରଫ ହୋଇଛନ୍ତି। ଦାମୀ ଗହଣା କିଣିବାକୁ ଆସିଥିବା ଧନୀ ଗ୍ରାହକ ଭାବେ ନିଜକୁ ପରିଚୟ ଦେଇ ନକଲି ସୁନା ଦେଇ ଅସଲି ଗହଣା ନେଇଯାଉଥିବା ଅଭିଯୋଗ ରହିଛି। ଦୁଇ ମହିଳା ପରସ୍ପରଙ୍କ ଭାଉଜ-ନଣନ୍ଦ ବୋଲି ଜଣାପଡ଼ିଛି।
ଅଭିଯୋଗ ଅନୁସାରେ, ମହିଳାମାନେ ସୁନ୍ଦର ପୋଷାକ ପିନ୍ଧି ଗହଣା ଦୋକାନକୁ ଯାଉଥିଲେ। ଦାମୀ ଗହଣା କିଣିବା ପାଇଁ ଦୋକାନୀଙ୍କ ସହ ଦରଦାମ କରିବା ସହ ତାଙ୍କ ବିଶ୍ୱାସ ଜିତୁଥିଲେ। ଏହାର ସୁଯୋଗ ନେଇ ନକଲି ସୁନା ଦେଇ ଅସଲି ଗହଣା ନେଇ ପଳାଉଥିବା ଅଭିଯୋଗ ହୋଇଛି।
ଅଗଷ୍ଟ ୨୪ ତାରିଖରେ ଭୁବନେଶ୍ୱରର ଏକ ଗହଣା ଦୋକାନରେ ମଧ୍ୟ ସମାନ ଢଙ୍ଗରେ ଠକେଇ ହୋଇଥିବା ଅଭିଯୋଗ ହୋଇଥିଲା। ଦୁଇ ମହିଳା ପ୍ରାୟ ୨୨ ଗ୍ରାମ ଓଜନର ଏକ ନକଲି ସୁନା ଚେନ୍ ଦେଇ ୨୨ କ୍ୟାରେଟ୍ର ଅସଲି ହାର ନେଇଯାଇଥିବା ଅଭିଯୋଗ ହୋଇଥିଲା।
ଦୋକାନୀ ଠକେଇ ବିଷୟରେ ଜାଣିବା ପରେ ଖାରବେଳ ନଗର ଥାନାରେ ଅଭିଯୋଗ କରିଥିଲେ। ପୁଲିସ ତଦନ୍ତ ଆରମ୍ଭ କରି ପ୍ରଥମେ ଜଣେ ମହିଳାଙ୍କୁ ଗିରଫ କରିଥିଲା।
ପଚରାଉଚରା ସମୟରେ ପୁଲିସ ଦ୍ୱିତୀୟ ମହିଳାଙ୍କ ସମ୍ପର୍କରେ ସୂଚନା ପାଇଥିଲା। ଏହାପରେ ଭୁବନେଶ୍ୱର ରେଳ ଷ୍ଟେସନ ନିକଟସ୍ଥ ଏକ ହୋଟେଲରେ ଚଢ଼ାଉ କରି ତାଙ୍କୁ ଗିରଫ କରାଯାଇଥିଲା। ପରେ ଖାରବେଳ ନଗର ପୁଲିସ ତାଙ୍କୁ କୋର୍ଟରେ ହାଜର କରିଥିଲା।
ପୁଲିସର ସୂଚନା ଅନୁସାରେ, ଗିରଫ ଦୁଇ ମହିଳା ଉତ୍ତରପ୍ରଦେଶର। ଏହି ଗ୍ୟାଙ୍ଗର ଆଉ ଦୁଇ ଜଣ ସଦସ୍ୟ ଏବେ ମଧ୍ୟ ଫେରାର ଥିବା ଜଣାପଡ଼ିଛି।
ଫେରାର ଅଭିଯୁକ୍ତଙ୍କୁ ଧରିବା ସହ ଏହି ଗ୍ୟାଙ୍ଗ ଅନ୍ୟ କୌଣସି ସ୍ଥାନରେ ଏଭଳି ଗହଣା ଠକେଇରେ ସମ୍ପୃକ୍ତ ଥିଲା କି ନାହିଁ, ସେନେଇ ପୁଲିସ ତଦନ୍ତ ଜାରି ରଖିଛି।
ଅଭିନେତ୍ରୀ ତଥା ବିଜେପି ସାଂସଦ କଙ୍ଗନା ରଣାୱତ ଏବଂ ଯୋଗଗୁର...
ଆଲାର୍ମ ବାଜିବା ପୂର୍ବରୁ ସ୍ୱାଭାବିକ ଭାବେ ଉଠିବା ଅନେକଙ୍କ...
ଭାରତରେ ଚିପ୍ସ, ମିଠା ପାନୀୟ ଓ ଅନ୍ୟାନ୍ୟ ପ୍ୟାକେଜ୍ଡ ଖାଦ୍...
ଏସେଲ୍ ଗ୍ରୁପ୍‌ର ଅଧ୍ୟକ୍ଷ ସୁଭାଷ ଚନ୍ଦ୍ର ରିଲାଏନ୍ସ...
କନ୍ନଡ ଅଭିନେତା ୟଶଙ୍କ ଅଭିନୀତ ଫିଲ୍ମ **‘Toxic: A...
ୟଶଙ୍କ ଅଭିନୀତ‘Toxic: A Fairy Tale for Grown-U...
ଇନ୍ଦ୍ରପ୍ରସ୍ଥ ଗ୍ୟାସ୍ ଲିମିଟେଡ୍ (IGL) ଦିଲ୍ଲୀ ଓ NCR ଅଞ...
‘୧୦୦%’ ଦାବିକୁ ନେଇ ITC Limited ଏବଂ ଭାରତ...
ନେପାଳରେ ଭୟଙ୍କର ଫ୍ଲାସ୍ ଫ୍ଲଡ୍ ପରେ Infosys Public Ser...
ନେପାଳ-ତିବ୍ବତ ସୀମାରେ ଭୟଙ୍କର ଫ୍ଲାସ୍ ଫ୍ଲଡ୍ ପରେ ସହାୟତା...
ଶାପୁରଜୀ ପାଲୋନଜୀ (SP) ଗ୍ରୁପ୍ର ଟାଟା ସନ୍ସରେ ଥିବା ୧୮.୪...
