ଷ୍ଟ୍ରିଟ୍ ଫୁଡ୍ ପ୍ରେମୀଙ୍କ ପାଇଁ ଭୁବନେଶ୍ୱରରେ ଆସୁଛି ଏକ ନୂଆ ଆକର୍ଷଣ। ଭୁବନେଶ୍ୱର ମହାନଗର ନିଗମ (BMC) ପକ୍ଷରୁ ସହରରେ ସ୍ୱତନ୍ତ୍ର ‘ଗୁପଚୁପ ବଜାର’ ଆରମ୍ଭ କରିବାକୁ ପ୍ରସ୍ତୁତି ଚାଲିଛି। ସହରର ଷ୍ଟ୍ରିଟ୍ ଫୁଡ୍ ବ୍ୟବସାୟକୁ ଏକ ସୁସଂଗଠିତ ଓ ସ୍ୱଚ୍ଛ ପରିବେଶ ମଧ୍ୟରେ ଆଣିବା ଉଦ୍ଦେଶ୍ୟରେ ଏହି ପଦକ୍ଷେପ ନିଆଯାଇଛି।
ସୂଚନା ଅନୁସାରେ, ଆର୍ଆଇଇ (Regional Institute of Education) ସମ୍ମୁଖରେ ଥିବା ଏକ ସଡ଼କ ପାର୍ଶ୍ୱ ଅଞ୍ଚଳକୁ ଏହି ଗୁପଚୁପ ବଜାର ପାଇଁ ଚିହ୍ନଟ କରାଯାଇଛି। ପ୍ରଥମ ପର୍ଯ୍ୟାୟରେ ଏଠାରେ ପ୍ରାୟ ୩୦ରୁ ୪୦ ଜଣ ଗୁପଚୁପ ବ୍ୟବସାୟୀଙ୍କୁ ସ୍ଥାନ ଦିଆଯିବାର ଯୋଜନା ରହିଛି।
ବର୍ତ୍ତମାନ ଏହି ସ୍ଥାନର ସୁନ୍ଦରୀକରଣ କାମ ଜୋରଦାର ଭାବେ ଚାଲିଛି। ରାସ୍ତା ପାର୍ଶ୍ୱରେ ଡେକୋରେଟିଭ୍ ବ୍ଲକ୍ ପେଭିଂ, ଆଲୋକ ସଜ୍ଜା ଓ ସୁବିଧାଜନକ ବସିବା ବ୍ୟବସ୍ଥା କରାଯାଉଛି। ଏହା ଫଳରେ ଏଠାକୁ ଆସୁଥିବା ଲୋକମାନେ ସ୍ୱଚ୍ଛ ଓ ଆକର୍ଷଣୀୟ ପରିବେଶରେ ଗୁପଚୁପର ସ୍ୱାଦ ଉପଭୋଗ କରିପାରିବେ।
ସମସ୍ତ ବ୍ୟବସାୟୀଙ୍କୁ ଏକ ଏକରୂପ ଓ ସୁସଂଗଠିତ ରୂପ ଦେବା ପାଇଁ ବିଏମସି ପକ୍ଷରୁ କଷ୍ଟମାଇଜ୍ଡ୍ ଟ୍ରଲି ବ୍ୟବସ୍ଥା କରାଯାଇଛି। ଏପର୍ଯ୍ୟନ୍ତ ୮୦ରୁ ଅଧିକ ଟ୍ରଲି କିଣାଯାଇଥିବା ସୂଚନା ମିଳିଛି। ସାହିଦନଗର ଓ ନିକ୍କୋ ପାର୍କ ଅଞ୍ଚଳରେ ଅସଂଗଠିତ ଭାବେ ଚାଲୁଥିବା ଗୁପଚୁପ ଦୋକାନଗୁଡ଼ିକୁ ଏହି ନୂଆ ବଜାରକୁ ସ୍ଥାନାନ୍ତର କରାଯିବ।
ଯଦିଓ ବ୍ୟବସାୟୀଙ୍କୁ ଦେବାକୁ ପଡ଼ିବା ଶୁଳ୍କ କିମ୍ବା ଫିସ୍ ସମ୍ପର୍କରେ ଏପର୍ଯ୍ୟନ୍ତ ଅନ୍ତିମ ସିଦ୍ଧାନ୍ତ ହୋଇନାହିଁ, ତଥାପି ଏହି ପ୍ରକଳ୍ପ ଷ୍ଟ୍ରିଟ୍ ଫୁଡ୍ ବ୍ୟବସାୟକୁ ନୂଆ ପରିଚୟ ଦେବ ବୋଲି ଆଶା କରାଯାଉଛି।
‘ଗୁପଚୁପ ବଜାର’ କେବଳ ଏକ ବ୍ୟବସାୟ କେନ୍ଦ୍ର ନୁହେଁ, ଭବିଷ୍ୟତରେ ଏହା ଭୁବନେଶ୍ୱରର ଏକ ନୂଆ ଫୁଡ୍ ଡେଷ୍ଟିନେସନ୍ ଭାବେ ପରିଚିତ ହେବାର ସମ୍ଭାବନା ରହିଛି। ସ୍ଥାନୀୟ ଲୋକମାନଙ୍କ ସହିତ ପର୍ଯ୍ୟଟକମାନେ ମଧ୍ୟ ଏଠାରେ ବିଭିନ୍ନ ପ୍ରକାର ଗୁପଚୁପର ସ୍ୱାଦ ନିଅଇପାରିବେ।
ଭାରତୀୟ ଫୁଟବଲ ଦଳ ପାଇଁ ଆସନ୍ତା ସେପ୍ଟେମ୍ବର-ଅକ୍ଟୋବର FIF...
ନୂଆଦିଲ୍ଲୀ: ଜୁଲାଇ ମାସରେ ଦିଲ୍ଲୀରେ ହୋଇଥିବା ଛାତ୍ର ଆନ୍ଦ...
ଜିମ୍‌ରୁ ବାହାରିବା ପରେ ଚାରିଜଣ ସନ୍ଦିଗ୍ଧ ଆକ୍ରମଣକା...
ଲକ୍ଷ୍ନୌ:ନେପାଳରେ ଭୟଙ୍କର ବନ୍ୟା ଓ ଭୂସ୍ଖଳନ ପରେ ଏହାର ପ୍...
ଆଗ୍ରାରେ ତାମିଲନାଡୁ ଏକ୍ସପ୍ରେସ୍ର ଏକ ଅନରିଜର୍ଭ୍ଡ କୋଚ୍ରୁ...
ନୂଆଦିଲ୍ଲୀ: ଦିଲ୍ଲୀର ଡ୍ରାଫ୍ଟ ଭୋଟର ତାଲିକା ପ୍ରକାଶ ପାଇବ...
