ଭଦ୍ରକ ଜିଲ୍ଲାରେ ବନ୍ୟା ସ୍ଥିତିରେ ସାମାନ୍ୟ ସୁଧାର ହୋଇଛି। ବୈତରଣୀ ନଦୀର ଜଳସ୍ତର ଧୀରେ ଧୀରେ କମୁଥିବାରୁ ବନ୍ୟା ପ୍ରଭାବିତ ଅଞ୍ଚଳବାସୀଙ୍କୁ କିଛିଟା ଆଶ୍ୱସ୍ତି ମିଳିଛି। ତେବେ ଜିଲ୍ଲାର ଅନେକ ଅଞ୍ଚଳ ଏବେ ବି ଜଳମଗ୍ନ ରହିଛି।
ଭଦ୍ରକ ଜିଲ୍ଲାପାଳ ସୋମେଶ ଉପାଧ୍ୟାୟଙ୍କ ସୂଚନା ଅନୁସାରେ, ବନ୍ୟାରେ ୫ଟି ବ୍ଲକ୍, ଗୋଟିଏ ଏନ୍ଏସି, ୪୬ଟି ଗ୍ରାମ ପଞ୍ଚାୟତ ଓ ୨୧୨ଟି ଗାଁ ପ୍ରଭାବିତ ହୋଇଛି।
ଭଦ୍ରକରେ ଏପର୍ଯ୍ୟନ୍ତ ପ୍ରାୟ ୨.୭ ଲକ୍ଷ ଲୋକ ବନ୍ୟା ପ୍ରଭାବିତ ହୋଇଛନ୍ତି। ସେମାନଙ୍କ ମଧ୍ୟରୁ ପ୍ରାୟ ୧ ଲକ୍ଷ ଲୋକଙ୍କୁ ସୁରକ୍ଷିତ ଆଶ୍ରୟସ୍ଥଳକୁ ସ୍ଥାନାନ୍ତର କରାଯାଇଛି। ଅନେକ ଗ୍ରାମ ପଞ୍ଚାୟତ ଏବେ ବି ପାଣି ଘେରରେ ରହିଛି।
ପ୍ରଶାସନର ସୂଚନା ଅନୁସାରେ, ବୈତରଣୀ ଓ ସାଲନ୍ଦୀ ଉଭୟ ନଦୀର ଜଳସ୍ତର ବର୍ତ୍ତମାନ ବିପଦ ସଙ୍କେତ ତଳେ ରହିଛି। ବୈତରଣୀର ଜଳସ୍ତର ଧୀରେ ଧୀରେ ହ୍ରାସ ପାଉଥିବାରୁ ପରିସ୍ଥିତିରେ ସୁଧାର ଆସିଛି।
ମୟୂରଭଞ୍ଜ ଓ କେନ୍ଦୁଝରର ଉପରମୁଣ୍ଡରେ ବର୍ଷା ପରିସ୍ଥିତି ଉପରେ ପ୍ରଶାସନ ନଜର ରଖିଛି। ଉପରମୁଣ୍ଡରେ ପୁଣି ବର୍ଷା ହେଲେ ତଳମୁଣ୍ଡରେ ନଦୀ ଜଳସ୍ତର ପ୍ରଭାବିତ ହୋଇପାରେ।
ନାଳିଆ ନଦୀର ଜଳସ୍ତର ମଧ୍ୟ କମିଛି। ଏହାସହ ହଦଗଡ଼ ଡ୍ୟାମ୍ରୁ ପ୍ରାୟ ୭୦ କ୍ୟୁସେକ୍ ଜଳ ଛଡ଼ାଯାଉଛି।
ବନ୍ୟା ପ୍ରଭାବିତ ଲୋକଙ୍କ ପାଇଁ ପ୍ରଶାସନ ପକ୍ଷରୁ ଖାଦ୍ୟ ଓ ଅନ୍ୟାନ୍ୟ ରିଲିଫ୍ ସାମଗ୍ରୀ ଯୋଗାଇ ଦିଆଯାଉଛି। ଜିଲ୍ଲାର ବିଭିନ୍ନ ଅଞ୍ଚଳରେ ୧୨୨ଟି ମାଗଣା ରୋଷେଇ କେନ୍ଦ୍ର ଚାଲୁଛି। ଏଠାରୁ ବନ୍ୟା ପ୍ରଭାବିତ ଲୋକଙ୍କୁ ରନ୍ଧା ଖାଦ୍ୟ ଯୋଗାଇ ଦିଆଯାଉଛି।
ତେବେ କିଛି ପ୍ରଭାବିତ ଅଞ୍ଚଳରୁ ରିଲିଫ୍ ପହଞ୍ଚୁନଥିବା ନେଇ ଅଭିଯୋଗ ମଧ୍ୟ ଆସିଛି। ଅନେକ ପଞ୍ଚାୟତ ଜଳମଗ୍ନ ରହିଥିବାରୁ ରିଲିଫ୍ ଟିମ୍ ପହଞ୍ଚିବାରେ ସମସ୍ୟା ହେଉଛି।
ପ୍ରଶାସନ ପକ୍ଷରୁ ଉଦ୍ଧାର ଓ ରିଲିଫ୍ କାର୍ଯ୍ୟ ଜାରି ରହିବା ସହ ନଦୀ ଜଳସ୍ତର ଉପରେ ନଜର ରଖାଯାଇଛି। ବନ୍ୟା ପ୍ରଭାବିତ ଅଞ୍ଚଳର ଦୁର୍ବଳ ସ୍ଥାନ ଓ ଘାଇ ମରାମତି କାମ ମଧ୍ୟ ଚାଲୁଥିବା ସୂଚନା ମିଳିଛି।
ମନି ଲଣ୍ଡରିଂ ମାମଲାକୁ ନେଇ ତୃଣମୂଳ କଂଗ୍ରେସର ରାଜ୍ୟସଭା ସ...
ଜୋସେ ମୋରିନିଓଙ୍କ ଚାମ୍ପିଅନ୍ସ ଲିଗ୍‌ ରିଟର୍ନ ପାଇଁ...
ତାମିଲନାଡୁ ରାଜନୀତିରେ ସିନେମା ଓ ରାଜନୀତିର ସମ୍ପର୍କ ନୂଆ...
ଅଷ୍ଟ୍ରେଲିଆର ଲୋକପ୍ରିୟ ଟି-୨୦ ଟୁର୍ଣ୍ଣାମେଣ୍ଟ ବିଗ୍ ବ୍ୟା...
ନେପାଳର ରାସୁୱା ଜିଲ୍ଲାରେ ଅଗଷ୍ଟ ୨୬ରେ ଘଟିଥିବା ଭୟଙ୍କର ଆ...
କନ୍ନଡ ଅଭିନେତା ଶିବ ରାଜକୁମାର ହିନ୍ଦୀକୁ ‘ଜାତୀୟ ଭ...
ତିବ୍ବତର ଗ୍ୟିରୋଙ୍ଗ ବନ୍ଦରରେ ହୋଇଥିବା ଭୟଙ୍କର ଆକସ୍ମିକ ବ...
କନିଷ୍ଠ ଏସିଆ କପ୍‌ ହକି ପ୍ରତିଯୋଗିତାରେ ଭାରତୀୟ ଦଳ...
ମୁମ୍ବାଇ: ମହାରାଷ୍ଟ୍ରରେ ନବରାତ୍ରି ପୂର୍ବରୁ ଗର୍ବା ଓ ଡାଣ...
ଟ୍ରେଣ୍ଟ ଆଲେକ୍‌ଜାଣ୍ଡର-ଆର୍ନୋଲ୍ଡଙ୍କୁ ମିଡଫିଲ୍ଡରେ...
ଫ୍ରାନ୍ସର ଦକ୍ଷିଣ-ପଶ୍ଚିମ ଅଞ୍ଚଳରେ ଭୟଙ୍କର ଟର୍ନାଡୋ ତାଣ୍...
ଓଡ଼ିଶାରେ ବର୍ଷାରୁ ଏବେ ମଧ୍ୟ ନିସ୍ତାର ମିଳୁନାହିଁ। ରାଜ୍ୟ...
