ଓଡ଼ିଶାର ଭଦ୍ରକ ଜିଲ୍ଲାରେ ବନ୍ୟା ପରିସ୍ଥିତି ଏବେ ବି ଚିନ୍ତାଜନକ ରହିଛି। ପ୍ରମୁଖ ନଦୀଗୁଡ଼ିକର ଜଳସ୍ତର ଧୀରେ ଧୀରେ କମୁଥିଲେ ମଧ୍ୟ ଅନେକ ତଳିଆ ଅଞ୍ଚଳ ଏବେ ବି ଜଳବନ୍ଦୀ ହୋଇ ରହିଛି।
ରାଜଘାଟରେ ବନ୍ୟା ବିପଦ ସଙ୍କେତ ୧୭ ଫୁଟ୍ ଥିବା ବେଳେ ସୋମବାର ଜଳସ୍ତର ପ୍ରାୟ ୧୫.୮୦ ଫୁଟ୍ ରହିଥିବା ଅଧିକାରୀ ସୂଚନା ଦେଇଛନ୍ତି।
ସାଲନ୍ଦୀ ନଦୀର ଶାଖା ନଦୀ ନାଳିଆର ଜଳସ୍ତର ମଧ୍ୟ କିଛିଟା କମିଛି। ତଥାପି ତିହିଡ଼ି ବ୍ଲକ୍ ତାଳଗୋପବିନ୍ଧା ପଞ୍ଚାୟତ ଅଧୀନ ମାତାଗଜପୁର ବ୍ରିଜ୍ ଉପରେ ପ୍ରାୟ ୨ ଫୁଟ୍ ବନ୍ୟାଜଳ ପ୍ରବାହିତ ହେଉଛି। ଟିଆଡ଼ି ସାହିର କିଛି ଅଞ୍ଚଳରେ ମଧ୍ୟ ୧ ଫୁଟ୍ରୁ ଅଧିକ ପାଣି ପଶିଛି।
ନାଳିଆ ନଦୀରେ ପ୍ରବଳ ସ୍ରୋତ ରହିଥିବାରୁ ସିଚାଇ ବିଭାଗ ପକ୍ଷରୁ ରାସ୍ତା ଓ ଦୁର୍ବଳ ସ୍ଥାନଗୁଡ଼ିକରେ ବାଲିବସ୍ତା ପକାଇ ଜଳ ପ୍ରବେଶ ରୋକିବାକୁ ପଦକ୍ଷେପ ନିଆଯାଇଛି।
ଏହାରି ମଧ୍ୟରେ ଭଦ୍ରକରେ ପୁଣି ଭାରୀ ବର୍ଷା ଆରମ୍ଭ ହୋଇଛି। ଭଣ୍ଡାରିପୋଖରୀ, ଭଦ୍ରକ ଓ ତିହିଡ଼ି ଅଞ୍ଚଳରେ ବର୍ଷା ଜାରି ରହିଛି। ସାଲନ୍ଦୀ ଓ ବୈତରଣୀର ଜଳସ୍ତର କମିଥିଲେ ମଧ୍ୟ ନୂଆ ବର୍ଷା ଯୋଗୁଁ ବନ୍ୟା ପ୍ରଭାବିତ ଅଞ୍ଚଳରେ ପୁଣି ସମସ୍ୟା ବଢ଼ିପାରେ।
ତାଳଗୋପବିନ୍ଧା, ବିଲଣା ଓ ବାରୋ ପଞ୍ଚାୟତର ଲୋକେ ବିଶେଷ ଭାବେ ପ୍ରଭାବିତ ହୋଇଛନ୍ତି। ମାତ୍ର ୧୨ ଦିନ ମଧ୍ୟରେ ଏହି ଅଞ୍ଚଳ ଦ୍ୱିତୀୟ ଥର ପାଇଁ ବନ୍ୟାର ସମ୍ମୁଖୀନ ହୋଇଛି।
ରବିବାର ଉଚ୍ଚଶିକ୍ଷା ମନ୍ତ୍ରୀ ସୂର୍ଯ୍ୟବଂଶୀ ସୂରଜ ଏକ ପ୍ରଶାସନିକ ଟିମ୍ ସହ ତାଳଗୋପବିନ୍ଧା ଗସ୍ତ କରିଥିଲେ। ସେ ମାତାଗଜପୁର ବ୍ରିଜ୍ ଉପରେ ପ୍ରବାହିତ ବନ୍ୟାଜଳ ଓ ଟିଆଡ଼ି ସାହି ନିକଟ ନାଳିଆ ନଦୀ ବନ୍ଧର ଘାଇ ପରିଦର୍ଶନ କରିଥିଲେ।
ମନ୍ତ୍ରୀ କାସତି, ଦେଉଳ, ନରସିଂହପୁର, ମାତାଗଜପୁର, ଜେନା ସାହି, ମହାଲିକ ସାହି ଓ ଐଶାନ୍ୟଚଣ୍ଡୀ ସମେତ ବିଭିନ୍ନ ବନ୍ୟା ପ୍ରଭାବିତ ଗାଁ ପରିଦର୍ଶନ କରିଥିଲେ। ପରେ ଐଶାନ୍ୟଚଣ୍ଡୀ ହାଇସ୍କୁଲରେ ପ୍ରଶାସନିକ ଓ ବିଭାଗୀୟ ଅଧିକାରୀଙ୍କ ସହ ବନ୍ୟା ପରିସ୍ଥିତି ନେଇ ସମୀକ୍ଷା ବୈଠକ କରାଯାଇଥିଲା।
ଦୁର୍ବଳ ବନ୍ଧଗୁଡ଼ିକୁ ବାଲିବସ୍ତା ଦ୍ୱାରା ତୁରନ୍ତ ସୁଦୃଢ଼ କରିବା ଏବଂ ଆବଶ୍ୟକ ମରାମତି କରିବାକୁ ମନ୍ତ୍ରୀ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି। ଆଗକୁ ଅଧିକ ବର୍ଷା ହେଲେ ପରିସ୍ଥିତି ଖରାପ ହୋଇପାରେ ବୋଲି ସେ ଲୋକଙ୍କୁ ସତର୍କ ରହିବାକୁ କହିଛନ୍ତି।
ମନ୍ତ୍ରୀଙ୍କ ସୂଚନା ଅନୁସାରେ, ଉପରମୁଣ୍ଡରେ ବର୍ଷା ହୋଇଥିବାରୁ କେନ୍ଦୁଝର ଓ ମୟୂରଭଞ୍ଜ ଅଞ୍ଚଳରୁ ସାଲନ୍ଦୀ ଓ ବୈତରଣୀ ନଦୀ ଦେଇ ଭଦ୍ରକକୁ ଆହୁରି ଅଧିକ ପାଣି ଆସିପାରେ। ଏଥିପାଇଁ ଜିଲ୍ଲା ଓ ବ୍ଲକ୍ ପ୍ରଶାସନକୁ ପ୍ରସ୍ତୁତ ରହିବା ସହ ଆବଶ୍ୟକ ଅସ୍ଥାୟୀ ପଦକ୍ଷେପ ନେବାକୁ କୁହାଯାଇଛି।
ରାଧିକା ବଂସଲଙ୍କ ସିନେମା ଯାତ୍ରା ଅନ୍ୟମାନଙ୍କ ଭଳି ଫିଲ୍ମ...
ବେଙ୍ଗାଲୁରୁରେ ‘ଟକ୍ସିକ୍: ଏ ଫେୟାରି ଟେଲ୍ ଫର୍ ଗ୍ର...
‘ରାକା’କୁ ନେଇ ଦର୍ଶକଙ୍କ ମଧ୍ୟରେ ଉତ୍ସାହ ଦି...
କୋରାପୁଟସ୍ଥିତ କେନ୍ଦ୍ରୀୟ ଓଡ଼ିଶା ବିଶ୍ୱବିଦ୍ୟାଳୟ (CUO)ର...
ସରକାରୀ ଚାକିରିର ସ୍ଥିରତା ଛାଡ଼ି ନିଜ ପିଲାଦିନର ସ୍ୱପ୍ନ ପ...
ନୂଆଦିଲ୍ଲୀ:NEET-UG 2026 ପ୍ରଶ୍ନପତ୍ର ଲିକ୍ ମାମଲାରେ କେନ...
ୱାଶିଂଟନ୍:ରୁଷିଆରୁ ଅଶୋଧିତ ତୈଳ ଓ ପ୍ରାକୃତିକ ଗ୍ୟାସ କିଣୁ...
ପ୍ରଥମ ଶ୍ରେଣୀ ପାଠ୍ୟପୁସ୍ତକକୁ ନେଇ ଚାଲିଥିବା ବିବାଦ ମଧ୍ୟ...
ବେଙ୍ଗାଲୁରୁରେ ଆୟୋଜିତ ‘ଟକ୍ସିକ୍: ଏ ଫେୟାରି ଟେଲ୍...
ନୂଆଦିଲ୍ଲୀ: ଭାରତୀୟ ଖାଦ୍ୟ ସୁରକ୍ଷା ନିୟାମକ Food Safety...
ନୂଆଦିଲ୍ଲୀ: ଭାରତ-ପାକିସ୍ତାନ ଅନ୍ତର୍ଜାତୀୟ ସୀମା ନିକଟରେ...
ନୂଆଦିଲ୍ଲୀ: E20 ପେଟ୍ରୋଲ୍‌କୁ ନେଇ ଚାଲିଥିବା ବିବାଦ...
