ବାଲେଶ୍ୱର ଜିଲ୍ଲାରେ ୧୪ ବର୍ଷ ଜେଲ୍ ଦଣ୍ଡ ଭୋଗିଥିବା ବାଂଲାଦେଶୀ ନାଗରିକ ତଥା ଦୁର୍ଦ୍ଦାନ୍ତ ଅପରାଧୀ ମହମ୍ମଦ ବାବୁ ଖାନଙ୍କୁ ତାଙ୍କ ଦଣ୍ଡାଦେଶ ସମାପ୍ତ ପରେ ବାଂଲାଦେଶକୁ ନିର୍ବାସିତ କରାଯାଇଛି। ବାଲେଶ୍ୱର ପୋଲିସ ତାଙ୍କୁ ଭାରତ-ବାଂଲାଦେଶ ସୀମାର ବେନାପୋଲ-ପେଟ୍ରାପୋଲ ସୀମାନ୍ତକୁ ନେଇ ସମସ୍ତ ଆଇନଗତ ଓ କୂଟନୀତିକ ପ୍ରକ୍ରିୟା ପରେ ବାଂଲାଦେଶ କର୍ତ୍ତୃପକ୍ଷଙ୍କୁ ହସ୍ତାନ୍ତର କରିଛି।
ପୋଲିସ ସୂଚନା ଅନୁସାରେ, ମହମ୍ମଦ ବାବୁ ଖାନ ୨୦୦୨ ମସିହାରେ ବୈଧ ପାସପୋର୍ଟ କିମ୍ବା ଭିସା ବିନା ଭାରତକୁ ପ୍ରବେଶ କରିଥିଲେ। ସେ ଶ୍ରମିକ ଭାବେ କାମ କରିବାକୁ ଆସିଥିବା ଦାବି କରିଥିଲେ ମଧ୍ୟ ପରବର୍ତ୍ତୀ ସମୟରେ ବାଲେଶ୍ୱରରେ ବିଭିନ୍ନ ଅପରାଧିକ କାର୍ଯ୍ୟକଳାପରେ ସମ୍ପୃକ୍ତ ହୋଇଥିବା ଅଭିଯୋଗ ରହିଛି।
ପୋଲିସ ରେକର୍ଡ ଅନୁଯାୟୀ, ଟାଉନ, ବସ୍ତା, ସଦର, ଇଣ୍ଡଷ୍ଟ୍ରିଆଲ ଏରିଆ ଓ ରେମୁଣା ଥାନାରେ ତାଙ୍କ ବିରୋଧରେ ମୋଟ ୯ଟି ଅପରାଧିକ ମାମଲା ରୁଜୁ ହୋଇଥିଲା।
୨୦୦୭ ମସିହା ମେ' ୨୭ ତାରିଖରେ ତାଙ୍କୁ ବିଦେଶୀ ନାଗରିକ ଭାବେ ଗିରଫ କରାଯାଇ ବାଲେଶ୍ୱର ଜିଲ୍ଲା କାରାଗାରରେ ରଖାଯାଇଥିଲା। ୧୪ ବର୍ଷର କାରାଦଣ୍ଡ ସମାପ୍ତ ପରେ ଓଡ଼ିଶା ସରକାରଙ୍କ ନିର୍ଦ୍ଦେଶ ଏବଂ କୋଲକାତାସ୍ଥିତ ବାଂଲାଦେଶ ହାଇକମିଶନର ଅନୁମୋଦନ ପରେ ନିର୍ବାସନ ପ୍ରକ୍ରିୟା ଆରମ୍ଭ ହୋଇଥିଲା।
ଜୁଲାଇ ୮ ତାରିଖରେ ବାଲେଶ୍ୱରରୁ ସୀମାନ୍ତକୁ ନିଆଯାଇ ରାତିରେ ବେନାପୋଲ-ପେଟ୍ରାପୋଲ ସୀମାରେ ତାଙ୍କୁ ବାଂଲାଦେଶ କର୍ତ୍ତୃପକ୍ଷଙ୍କୁ ହସ୍ତାନ୍ତର କରାଯାଇଥିଲା।
ଉଲ୍ଲେଖଯୋଗ୍ୟ, ଗତବର୍ଷ ନଭେମ୍ବରରୁ ଓଡ଼ିଶା ପୋଲିସ ରାଜ୍ୟରେ ବେଆଇନ ଭାବେ ରହୁଥିବା ସନ୍ଦିଗ୍ଧ ବାଂଲାଦେଶୀ ନାଗରିକଙ୍କ ଚିହ୍ନଟ ପାଇଁ ସ୍ୱତନ୍ତ୍ର ଅଭିଯାନ ଚଳାଇଆସୁଛି।
ଆମେରିକାନ୍ ଏୟାରଲାଇନ୍ସର ଏକ ଉଡ଼ାଣ ବେଳେ ଜଣେ ଯାତ୍ରୀଙ୍କ...
ଆମ ଶରୀରରେ ଗଟ୍ ବା ପାଚନତନ୍ତ୍ରର ଭୂମିକା କେବଳ ଖାଦ୍ୟ ହଜମ...
ଭାରତରେ ବ୍ୟବହୃତ ଆଣ୍ଟି-ରାବିଜ୍ ଟିକାAbhayrabକୁ ନେଇ ପୁଣ...
ହର୍ମୁଜ୍ ପ୍ରଣାଳୀକୁ ନେଇ ଆମେରିକା ଓ ଇରାନ ମଧ୍ୟରେ ତିକ୍ତତ...
ଆମେରିକା ରାଷ୍ଟ୍ରପତିଡୋନାଲ୍ଡ ଟ୍ରମ୍ପଆମେରିକାର ରାଜ୍ୟନ୍ୟୁ...
ଶିରୋମଣି ଅକାଳୀ ଦଳ (ପୁନର ସୁରଜିତ) ବିଜେପି ସହ ମେଣ୍ଟକୁ ନ...
ତାମିଲନାଡୁର ଶାସକ ମେଣ୍ଟ ଏବେ ନିଜର ଏକ ସ୍ୱତନ୍ତ୍ର ରାଜନୈତ...
ନୂଆଦିଲ୍ଲୀ:ଭାରତୀୟ ବାୟୁସେନା (IAF) ନିଜର ପରିବହନ ବିମାନ...
ମହାରାଷ୍ଟ୍ରରେ ଗଣେଶ ଚତୁର୍ଥୀ ପୂର୍ବରୁ ରାଜନୈତିକ ମାହୋଲ ମ...
ଭାରତୀୟ ଖାଦ୍ୟପେୟରେ ଘିଅର ଏକ ପାରମ୍ପରିକ ସ୍ଥାନ ରହିଛି। କ...
