ବରିଷ୍ଠ ଆଇପିଏସ୍ ଅଧିକାରୀ ଦୟାଲ ଗଙ୍ଗୱାରଙ୍କୁ ସୋମବାର ଗୃହ ବିଭାଗରେ ଅଫିସର ଅନ୍ ସ୍ପେଶାଲ୍ ଡ୍ୟୁଟି (ଓଏସଡି) ଭାବେ ବଦଳି କରାଯାଇଛି। ବାଲିଅନ୍ତାର ସୌମ୍ୟ ରଞ୍ଜନ ସ୍ୱାଇଁଙ୍କ ମୃତ୍ୟୁ ଘଟଣାରେ କ୍ରାଇମବ୍ରାଞ୍ଚ ତଦନ୍ତ ଚାଲିଥିବା ବେଳେ ଏହି ବଦଳିକୁ ନେଇ ଚର୍ଚ୍ଚା ବଢ଼ିଛି।
ସୌମ୍ୟ ରଞ୍ଜନଙ୍କ ପରିବାର ପକ୍ଷରୁ ଦୟାଲ ଗଙ୍ଗୱାରଙ୍କ ବିରୋଧରେ ଗୁରୁତର ଅଭିଯୋଗ ଆଣାଯାଇଥିଲା। ପରିବାରର ଅଭିଯୋଗ ଅନୁଯାୟୀ, ସୌମ୍ୟ ତାଙ୍କ ଅଧୀନରେ କାମ କରୁଥିବା ସମୟରେ ନିରନ୍ତର ମାନସିକ ଓ ବ୍ୟକ୍ତିଗତ ହେରାସମେଣ୍ଟର ଶିକାର ହେଉଥିଲେ।
ସୌମ୍ୟଙ୍କ ବାପା କହିଛନ୍ତି, “ସେ ଏଡିଜି ଦୟାଲ ଗଙ୍ଗୱାରଙ୍କ ଅଧୀନରେ କାମ କରୁଥିଲେ। ତାଙ୍କୁ ସକାଳ ଓ ସନ୍ଧ୍ୟାରେ ପ୍ରାୟ ଦୁଇ ଘଣ୍ଟା ଧରି ମାଲିସ୍ କରିବାକୁ କୁହାଯାଉଥିଲା। ଗଙ୍ଗୱାରଙ୍କ ପୁଅଙ୍କୁ ମଧ୍ୟ ମାଲିସ୍ କରିବାକୁ ବାଧ୍ୟ କରାଯାଉଥିଲା। ଏହାସହ ୧୨ ହଜାର ଟଙ୍କାର ପ୍ରୋଟିନ୍ ସପ୍ଲିମେଣ୍ଟ କିଣିବାକୁ କୁହାଯାଉଥିଲା।”
ସୌମ୍ୟଙ୍କ ମା କବିତା ସ୍ୱାଇଁ ମଧ୍ୟ ତଦନ୍ତର ଗତିକୁ ନେଇ ଅସନ୍ତୋଷ ପ୍ରକାଶ କରିଛନ୍ତି।
ସେ କହିଛନ୍ତି, “ମୁଁ ଭାବୁନି ତାଙ୍କ ବିରୋଧରେ କିଛି କାର୍ଯ୍ୟାନୁଷ୍ଠାନ ହେବ। ସେ ସବୁଠି ପରିଚିତ ଲୋକ। ମୁଁ ଜଣେ ଗରିବ ମହିଳା, ନ୍ୟାୟ ପାଇଁ ଲଢ଼ିବାର ସାମର୍ଥ୍ୟ ମୋର କମ୍।”
କବିତା ସ୍ୱାଇଁ ଅଭିଯୋଗ କରିଛନ୍ତି ଯେ ଗତ ଦୁଇ ବର୍ଷ ଧରି ତାଙ୍କ ପୁଅଙ୍କୁ ବ୍ୟକ୍ତିଗତ କାମ ପାଇଁ ବାଧ୍ୟ କରାଯାଉଥିଲା। ସେ ଦାବି କରିଛନ୍ତି ଯେ ପ୍ରତିମାସ ଦୁଇଟି ପ୍ରୋଟିନ୍ ପାଉଡର ଡବା ନିଆଯାଉଥିଲା ଓ ଦୀର୍ଘ ସମୟ ମାଲିସ୍ କରିବା ଫଳରେ ସୌମ୍ୟଙ୍କ ହାତ ଫୁଲିଯାଇଥିଲା।
ଗତ ମେ ୭ ତାରିଖରେ ବାଲିଅନ୍ତା ଅଞ୍ଚଳରେ ଦୁଇ ଯୁବତୀଙ୍କ ସହ ଅସଦାଚରଣ ଅଭିଯୋଗକୁ କେନ୍ଦ୍ର କରି ଉତ୍ତେଜନା ସୃଷ୍ଟି ହୋଇଥିଲା। ସ୍ଥାନୀୟ ଲୋକେ ଦୁଇ ଯୁବକଙ୍କୁ ଧରି ମାଡ଼ ମାରିଥିଲେ। ପରେ ଜିଆରପି କନଷ୍ଟେବଳ ସୌମ୍ୟ ରଞ୍ଜନ ସ୍ୱାଇଁଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଆହତ ହୋଇଥିଲେ।
ଏହି ଘଟଣା ପରେ ମବ୍ ଜଷ୍ଟିସ୍, ପୁଲିସର ଭୂମିକା ଓ ମହିଳା ସୁରକ୍ଷାକୁ ନେଇ ରାଜ୍ୟଜୁଡ଼ା ଚର୍ଚ୍ଚା ହୋଇଥିଲା। ପରେ ଓଡ଼ିଶା ସରକାର ଘଟଣାର ତଦନ୍ତ କ୍ରାଇମବ୍ରାଞ୍ଚକୁ ହସ୍ତାନ୍ତର କରିଥିଲେ।
ନୂଆଦିଲ୍ଲୀ:ଭାରତୀୟ ବାୟୁସେନା (IAF) ନିଜର ପରିବହନ ବିମାନ...
ଶିରୋମଣି ଅକାଳୀ ଦଳ (ପୁନର ସୁରଜିତ) ବିଜେପି ସହ ମେଣ୍ଟକୁ ନ...
ଓଡ଼ିଶାରେ ବର୍ଷାରୁ ଏବେ ମଧ୍ୟ ନିସ୍ତାର ମିଳୁନାହିଁ। ରାଜ୍ୟ...
ଇଂଲଣ୍ଡ ଓ ପାକିସ୍ତାନ ମଧ୍ୟରେ ଲର୍ଡ୍ସରେ ଚାଲିଥିବା ଟେଷ୍ଟକ...
ତିବ୍ବତର ଗ୍ୟିରୋଙ୍ଗ ବନ୍ଦରରେ ହୋଇଥିବା ଭୟଙ୍କର ଆକସ୍ମିକ ବ...
୨୦୨୭ ବିଧାନସଭା ନିର୍ବାଚନ ପୂର୍ବରୁ ଉତ୍ତରପ୍ରଦେଶ, ପଞ୍ଜାବ...
ଫ୍ରାନ୍ସର ଦକ୍ଷିଣ-ପଶ୍ଚିମ ଅଞ୍ଚଳରେ ଭୟଙ୍କର ଟର୍ନାଡୋ ତାଣ୍...
ନେପାଳର ରାସୁୱା ଜିଲ୍ଲାରେ ଅଗଷ୍ଟ ୨୬ରେ ଘଟିଥିବା ଭୟଙ୍କର ଆ...
ଆମେରିକା ଓ କାନାଡା ମଧ୍ୟରେ ବାଣିଜ୍ୟ ଚୁକ୍ତି ହେବା ନେଇ ଆଶ...
