ବାଲେଶ୍ୱର ଜିଲ୍ଲାରେ ବେଆଇନ ମଦ କାରବାର ବିରୋଧରେ ପୁଲିସ ପକ୍ଷରୁ ବଡ଼ ଧରଣର ଅଭିଯାନ ଚାଲିଛି। ଗୁରୁବାର ଜଳେଶ୍ୱର ଥାନା ଅଞ୍ଚଳରେ ପୁଲିସ ଏକ ମଦ ବୋଝେଇ ପିକଅପ୍ ଭ୍ୟାନ୍ ଜବତ କରିବା ସହ ଦୁଇଟି ବେଆଇନ ଗୋଦାମ ଉପରେ ଚଢ଼ାଉ କରି ପ୍ରାୟ ୪,୫୦୦ ଲିଟର ମଦ ଜବତ କରିଛି।
ସୂଚନା ଅନୁସାରେ, ଜଳେଶ୍ୱର ଥାନା ଅନ୍ତର୍ଗତ ଝାଡ଼େଶ୍ୱରପୁର ଅଞ୍ଚଳରେ ବିଦେଶୀ ମଦ ବୋଝେଇ ଏକ ପିକଅପ୍ ଭ୍ୟାନ୍କୁ ପୁଲିସ ଅଟକାଇଥିଲା। ତେବେ ପୁଲିସକୁ ଦେଖି ଗାଡ଼ି ଚାଳକ ଗାଡ଼ି ଛାଡ଼ି ଫେରାର ହୋଇଯାଇଥିଲେ। ଗାଡ଼ିରୁ ବହୁ ପରିମାଣର ବିଦେଶୀ ମଦ ଜବତ କରାଯାଇଛି। ଚାଳକଙ୍କ ପରିଚୟ ସ୍ପଷ୍ଟ ହୋଇନଥିବା ବେଳେ ମଦ ଚାଲାଣର ଉତ୍ସ ଏବଂ ଗନ୍ତବ୍ୟସ୍ଥଳ ସମ୍ପର୍କରେ ତଦନ୍ତ ଜାରି ରହିଛି।
ଏହାପରେ ଜଳେଶ୍ୱରର ରାଜପୁର ଅଞ୍ଚଳରେ ଥିବା ଦୁଇଟି ବେଆଇନ ମଦ ଗୋଦାମ ଉପରେ ପୁଲିସ ଚଢ଼ାଉ କରିଥିଲା। ଜଳେଶ୍ୱର ଏସ୍ଡିପିଓ, ଥାନା ଅଧିକାରୀ ଏବଂ ତହସିଲଦାରଙ୍କ ଉପସ୍ଥିତିରେ ଏହି ମିଳିତ ଅଭିଯାନ କରାଯାଇଥିଲା।
ଚଢ଼ାଉ ସମୟରେ ଗୋଦାମରୁ ପ୍ରାୟ ୪,୫୦୦ ଲିଟର ମଦ ସହ ବହୁ ପରିମାଣର ମଦ ପ୍ୟାକେଜିଂ ସାମଗ୍ରୀ ଜବତ କରାଯାଇଥିଲା। ଏହି ଜବତ ମଦର ବଜାର ମୂଲ୍ୟ ଲକ୍ଷାଧିକ ଟଙ୍କା ହୋଇପାରେ ବୋଲି ଅନୁମାନ କରାଯାଉଛି।
ସ୍ଥାନୀୟ ଅଞ୍ଚଳରେ ଗତ କିଛି ଦିନ ଧରି ବିଦେଶୀ ମଦ ଚୋରାଚାଲାଣ ସମ୍ପର୍କରେ ଅଭିଯୋଗ ମିଳୁଥିବା ବେଳେ ନୂତନ ଏସ୍ଡିପିଓଙ୍କ ଯୋଗଦାନ ପରେ ଏହି ଅଭିଯାନକୁ ଆହୁରି ତୀବ୍ର କରାଯାଇଛି। ନିର୍ଭରଯୋଗ୍ୟ ସୂଚନା ଆଧାରରେ ପୁଲିସ ଏହି ସମନ୍ୱିତ ଚଢ଼ାଉ କରିଥିଲା।
ପୁଲିସ ସୂତ୍ର ଅନୁସାରେ, ବେଆଇନ ମଦ କାରବାର ବିରୋଧରେ ଅଭିଯାନ ଜାରି ରହିଛି ଏବଂ ଆଗାମୀ ଦିନରେ ଆହୁରି ଚଢ଼ାଉ କରାଯିବ।
ଇରାନର ଦକ୍ଷିଣ ଅଞ୍ଚଳର କୁହେସ୍ତାକ ସହରରେ ମଙ୍ଗଳବାର ଏକ ବି...
ଆଫଗାନିସ୍ତାନ ବିପକ୍ଷ ଆଗାମୀ T20I ସିରିଜ୍ ପାଇଁ ଭାରତୀୟ ଦ...
ଭାରତୀୟ କ୍ରିକେଟ୍‌ ଟିମ୍‌ ପ୍ରଥମଥର ପାଇଁ ଜାପା...
ରୁଷିଆର ସାରାତୋଭ ଅଞ୍ଚଳର ଏଙ୍ଗେଲ୍ସ ସହରରେ ଜଣେ ସେନା ଅଧିକ...
ହର୍ମୁଜ୍ ପ୍ରଣାଳୀରେ ନୌଚଳାଚଳର ସ୍ୱାଧୀନତାକୁ ସମର୍ଥନ କରିବ...
ଟେନିସ୍ କୋର୍ଟରେ ନିଜର ଆକ୍ରୋବାଟିକ୍ ଖେଳ ଓ ଅନନ୍ୟ ଶୈଳୀ ପ...
ବଲିଉଡ୍ ଫିଲ୍ମ **‘ହେୟ ବେବି’**ର ଫ୍ୟାନ୍ମାନ...
ଅଭିନେତ୍ରୀକାୟାଡୁ ଲୋହର୍ତାଙ୍କ ତାମିଲ୍ ଫିଲ୍ମ **‘ଇ...
ପାଞ୍ଚଥରର ବିଶ୍ୱ ଚେସ୍ ଚାମ୍ପିଅନ୍ ମାଗ୍ନସ୍ କାର୍ଲସେନ୍ ଚେ...
ଡବଲ୍ ଅଲିମ୍ପିକ୍ ପଦକ ବିଜେତା ବ୍ୟାଡମିଣ୍ଟନ୍ ଖେଳାଳିପିଭି...
ବଲିଉଡ୍ ଅଭିନେତା ସଲମାନ ଖାନ ତାଙ୍କ ବନ୍ଧୁଙ୍କ...
ଆମେରିକାର Federal Bureau of Investigation (FBI) ମଞ୍...
