ବଲିଉଡ୍ ଫିଲ୍ମ **‘ହେୟ ବେବି’**ର ଫ୍ୟାନ୍ମାନଙ୍କ ପାଇଁ ଆସିଛି ବଡ଼ ଖବର। ପ୍ରାୟ୧୯ ବର୍ଷ ପରେ ଫିଲ୍ମର ସିକ୍ୱେଲ୍ ‘ହେୟ ବେବି ୨’ଆସିବାକୁ ଯାଉଛି। ପ୍ରଯୋଜକ ସାଜିଦ ନାଡିଆଡୱାଲା ଗୁରୁବାର ଏହି ସିକ୍ୱେଲ୍ର ଘୋଷଣା କରିଛନ୍ତି।
ମୁମ୍ବାଇସ୍ଥିତ ତାଙ୍କ ପ୍ରଡକ୍ସନ୍ ହାଉସ୍କୁ ନ୍ୟୁ ସାଉଥ୍ ୱେଲ୍ସର ପ୍ରିମିୟର୍କ୍ରିସ୍ ମିନ୍ସଗସ୍ତ କରିଥିବା ସମୟରେ ଏହି ଘୋଷଣା କରାଯାଇଛି। ଏହି ଅବସରରେ ନାଡିଆଡୱାଲା ଗ୍ରାଣ୍ଡସନ୍ ଏଣ୍ଟରଟେନମେଣ୍ଟ ଓ ଅଷ୍ଟ୍ରେଲିଆ ମଧ୍ୟରେ ତିନୋଟି ଫିଲ୍ମର ଶୁଟିଂ ପାଇଁ ଏକ ସହଯୋଗ ଚୁକ୍ତି ହୋଇଛି। ଏହି ତିନୋଟି ଫିଲ୍ମ ମଧ୍ୟରେ‘ହେୟ ବେବି ୨’ମଧ୍ୟ ରହିଛି।
୨୦୦୭ରେ ରିଲିଜ୍ ହୋଇଥିବା **‘ହେୟ ବେବି’**ର ଶୁଟିଂର ଏକ ବଡ଼ ଅଂଶ ଅଷ୍ଟ୍ରେଲିଆରେ ହୋଇଥିଲା। ତେଣୁ ସିକ୍ୱେଲ୍ ପାଇଁ ମଧ୍ୟ ଟିମ୍ ପୁଣି ଅଷ୍ଟ୍ରେଲିଆ ଯିବ।
ସାଜିଦ ନାଡିଆଡୱାଲା ଅଷ୍ଟ୍ରେଲିଆରେ ପୂର୍ବ ଶୁଟିଂର ଅନୁଭୂତି ମନେ ପକାଇ କହିଛନ୍ତି ଯେ, ଅଷ୍ଟ୍ରେଲିଆ କେବଳ ସୁନ୍ଦର ନୁହେଁ, ଫିଲ୍ମ ନିର୍ମାତାଙ୍କ ପାଇଁ ମଧ୍ୟ ଏକ ଅନୁକୂଳ ଦେଶ। ସେଠାକାର ପେସାଦାର ପରିବେଶ, ସହଯୋଗ ଓ ଟିମ୍କୁ ମିଳିଥିବା ସମର୍ଥନକୁ ସେ ପ୍ରଶଂସା କରିଛନ୍ତି।
ନ୍ୟୁ ସାଉଥ୍ ୱେଲ୍ସର ପ୍ରିମିୟର୍ କ୍ରିସ୍ ମିନ୍ସ ମଧ୍ୟ ଏହି ସହଯୋଗକୁ ଅଷ୍ଟ୍ରେଲିଆର ଫିଲ୍ମ ଇଣ୍ଡଷ୍ଟ୍ରି ପାଇଁ ଏକ ବଡ଼ ସ୍ୱୀକୃତି ବୋଲି କହିଛନ୍ତି। ତାଙ୍କ କହିବା ଅନୁସାରେ, ପ୍ରାୟ ୨୦ ବର୍ଷ ପୂର୍ବେ ‘ହେୟ ବେବି’ର ଶୁଟିଂ ପାଇଁ ଅଷ୍ଟ୍ରେଲିଆ ସହ ନାଡିଆଡୱାଲାଙ୍କ ସମ୍ପର୍କ ଆରମ୍ଭ ହୋଇଥିଲା।
୨୦୦୭ର **‘ହେୟ ବେବି’**ରେ ଅକ୍ଷୟ କୁମାର, ବିଦ୍ୟା ବାଲାନ୍, ରିତେଶ ଦେଶମୁଖ ଓ ଫରଦିନ୍ ଖାନ୍ ପ୍ରମୁଖ ଭୂମିକାରେ ଥିଲେ। ସାଜିଦ ଖାନ୍ ଫିଲ୍ମଟିର ନିର୍ଦ୍ଦେଶନା ଦେଇଥିଲେ ଏବଂ ସାଜିଦ ନାଡିଆଡୱାଲା ପ୍ରଯୋଜନା କରିଥିଲେ।
ତିନି ଜଣ ଅବିବାହିତ ପୁରୁଷଙ୍କ ଜୀବନରେ ଏକ ଶିଶୁ ଆସିବା ପରେ ସେମାନଙ୍କ ଜୀବନରେ ଘଟୁଥିବା ଘଟଣାକୁ ନେଇ ଫିଲ୍ମର କାହାଣୀ ଗତିଶୀଳ ହୋଇଥିଲା। ଫିଲ୍ମଟି ସମାଲୋଚକଙ୍କଠାରୁ ମିଶ୍ର ପ୍ରତିକ୍ରିୟା ପାଇଥିଲେ ମଧ୍ୟ ବକ୍ସ ଅଫିସ୍ରେ ଭଲ ଓପନିଂ କରିଥିଲା।ତେବେ‘ହେୟ ବେବି ୨’ରେ ମୂଳ ଷ୍ଟାରକାଷ୍ଟ କିମ୍ବା ନିର୍ଦ୍ଦେଶକ ସାଜିଦ ଖାନ୍ ଫେରିବେ କି ନାହିଁ, ସେନେଇ ଏପର୍ଯ୍ୟନ୍ତ କୌଣସି ଅଧିକାରିକ ଘୋଷଣା ହୋଇନାହିଁ।
ବଙ୍ଗୋପସାଗରରେ ଶକ୍ତିଶାଳୀ ହେଉଛି ‘ମୁରାସୁ’...
ୟୁପି ନିର୍ବାଚନ ପୂର୍ବରୁ ମେଣ୍ଟ ରାଜନୀତି ତେଜ ଲକ୍ଷ୍ନୌ...
ବାତ୍ୟା ‘ମୁରାସୁ’ ପ୍ରଭାବରେ ବଢ଼ିବ ବର୍ଷା...
ନୂଆଦିଲ୍ଲୀ: ଉତ୍ତରପ୍ରଦେଶରେ ୨୦୨୭ ବିଧାନସଭା ନିର୍ବାଚନ ପା...
ନେହା ବୋରାଙ୍କ ମନ୍ତବ୍ୟକୁ ନେଇ ବିଜେପି-କଂଗ୍ରେସ ମଧ୍ୟରେ ର...
ବଙ୍ଗୋପସାଗରରେ ସକ୍ରିୟ ବାତ୍ୟା ‘ମୁରାସୁ’ ଆନ...
ହରିୟାଣାରେ ବେରୋଜଗାର ଯୁବପିଢ଼ିଙ୍କ ପାଇଁ ଆର୍ଥିକ ସହାୟତା...
ବାତ୍ୟା ‘ମୁରାସୁ’ର ପ୍ରଭାବରେ ଓଡ଼ିଶାର ବିଭି...
