ପବିତ୍ର ବାହୁଡା ଯାତ୍ରା ଅବସରରେ ମହାପ୍ରଭୁ ଜଗନ୍ନାଥ, ବଳଭଦ୍ର ଓ ମା' ସୁଭଦ୍ରାଙ୍କୁ ଅର୍ପଣ କରାଯିବ ଏକ ବିଶାଳ ତୁଳସୀ ମାଳା। ଏଥର ମହାପ୍ରଭୁଙ୍କ ପାଇଁ ୩୯୧ ଫୁଟ୍ ଲମ୍ବା ତୁଳସୀ ମାଳା ପ୍ରସ୍ତୁତ କରାଯାଉଛି। ଏହାସହ ୩୫୧ ଫୁଟ୍ ଲମ୍ବା ପଦ୍ମ ମାଳା ଏବଂ ୩୧୧ ଫୁଟ୍ ଲମ୍ବା ଗେଣ୍ଡୁ ଫୁଲ ମାଳା ମଧ୍ୟ ଅର୍ପଣ କରାଯିବ।
ଢେଙ୍କାନାଳର ଏକଘରିଆ ଶରଣ ଶ୍ରୀକ୍ଷେତ୍ରର ଚିଣ୍ଟୁ ବାବା ଏହି ବିଶାଳ ମାଳାଗୁଡ଼ିକୁ ଶ୍ରୀକ୍ଷେତ୍ର ପୁରୀକୁ ନେଇଯିବେ। ବର୍ତ୍ତମାନ ଶରଣ ଶ୍ରୀକ୍ଷେତ୍ରରେ ମାଳା ପ୍ରସ୍ତୁତି ଜୋରସୋରରେ ଚାଲିଛି ଏବଂ ମହିଳା ଭକ୍ତମାନେ ଭକ୍ତିଭାବର ସହ ଏହି ମାଳା ଗୁନ୍ଥିବାରେ ବ୍ୟସ୍ତ ଅଛନ୍ତି।
ଢେଙ୍କାନାଳ, ଅନୁଗୁଳ, ତାଳଚେର, କଟକ ସମେତ ରାଜ୍ୟର ବିଭିନ୍ନ ଅଞ୍ଚଳରୁ ଆସିଥିବା ମହିଳା ଭକ୍ତମାନେ ଏହି ସେବାରେ ସାମିଲ ହୋଇଛନ୍ତି। ସେମାନଙ୍କ କହିବା ଅନୁଯାୟୀ, ମହାପ୍ରଭୁଙ୍କ ପାଇଁ ମାଳା ପ୍ରସ୍ତୁତ କରିବାର ସୁଯୋଗ ପାଇ ସେମାନେ ନିଜକୁ ଧନ୍ୟ ମନେ କରୁଛନ୍ତି।
ମନ୍ଦିରର ଜଣେ ପୂଜକ କହିଛନ୍ତି, ମହିଳା ଭକ୍ତମାନେ ୩୯୧ ଫୁଟ୍ ତୁଳସୀ ମାଳା, ୩୫୧ ଫୁଟ୍ ପଦ୍ମ ମାଳା ଏବଂ ୩୧୧ ଫୁଟ୍ ଗେଣ୍ଡୁ ମାଳା ପ୍ରସ୍ତୁତ କରିବାକୁ ସଂକଳ୍ପ ନେଇଛନ୍ତି। ତେବେ ମାଳାର ଚୂଡ଼ାନ୍ତ ଲମ୍ବ ମହାପ୍ରଭୁଙ୍କ ଇଚ୍ଛା ଉପରେ ନିର୍ଭର କରିବ ବୋଲି ସେ କହିଛନ୍ତି। ଏହି ପରମ୍ପରାକୁ ଆଗାମୀ ଦିନରେ ମଧ୍ୟ ଜାରି ରଖିବାକୁ ସେମାନଙ୍କ ଇଚ୍ଛା ରହିଛି।
ଚିଣ୍ଟୁ ବାବା କହିଛନ୍ତି ଯେ, ମହିଳା ଭକ୍ତମାନଙ୍କ ଅଗାଧ ଭକ୍ତି ହିଁ ସେମାନଙ୍କୁ ସକାଳୁ ସକାଳୁ ଏଠାକୁ ଆଣିଛି। ନିଜ ଘର କାମ ଶେଷ କରି ସେମାନେ ମହାପ୍ରଭୁଙ୍କ ସେବାରେ ନିଜକୁ ସମର୍ପିତ କରିଛନ୍ତି। ଏହା ଏକତା ଓ ଭକ୍ତିର ଅନନ୍ୟ ଉଦାହରଣ ବୋଲି ସେ କହିଛନ୍ତି।
ରଥଯାତ୍ରା ସମୟରେ ପୁରୀରେ ନିଶା କାରବାର ଉପରେ କଡ଼ା ନଜର ରଖ...
ସମ୍ବଲପୁରସ୍ଥିତ ହୀରାକୁଦ ଡ୍ୟାମର ଜଳସ୍ତର ଲଗାତାର ବଢ଼ିବାର...
ଦିଲ୍ଲୀ-ଏନ୍‌ସିଆରରେ ପାଗରେ ହଠାତ୍ ପରିବର୍ତ୍ତନ ଦେଖା...
ଗୁଜରାଟରେ ଲଗାତାର ପ୍ରବଳ ବର୍ଷା ଏବଂ ବନ୍ୟା ପରିସ୍ଥିତି ପଛ...
ଦିଲ୍ଲୀର ଜନ୍ତର ମନ୍ତରରେ **‘କୋକରୋଚ୍ ଜନତା ପାର୍ଟି...
ସାଗରମାଳା କାର୍ଯ୍ୟକ୍ରମ ଅଧୀନରେ ଓଡ଼ିଶା ଦେଶର ଅଗ୍ରଣୀ ରାଜ...
ଆମେରିକା ଓ ଇରାନ ମଧ୍ୟରେ ବଢ଼ୁଥିବା ସାମରିକ ସଂଘର୍ଷର ପ୍ରଭ...
ଦେଶରେ ପେଟ୍ରୋଲ ଓ ଡିଜେଲ ଦର ଲଗାତାର କିଛି ଦିନ ଧରି ସ୍ଥିର...
ଅଦାନୀ ଗ୍ରୁପ୍‌ର ଅଦାନୀ ଏନର୍ଜି ସଲ୍ୟୁସନ୍ସ ଲିମିଟେଡ...
ଫିଲ୍ମୀ ଶୈଳୀରେ ଏକ ହୀରା ଚୋରି ଘଟଣା ଏବେ ଚର୍ଚ୍ଚାର ବିଷୟ...
ସାଇବର ଠକମାନେ ଏବେ ସୋସିଆଲ ମିଡିଆ ପ୍ଲାଟଫର୍ମ ‘X&r...
ଦେଶର ବିଭିନ୍ନ ରାଜ୍ୟରେ ମୌସୁମୀ ବର୍ଷାର ପ୍ରକୋପ ଜାରି ରହି...
