ଜଗନ୍ନାଥ ଧାମ ପୁରୀକୁ ଯାଉଥିବା ପ୍ରତ୍ୟେକ ଭକ୍ତଙ୍କ ନଜର ପ୍ରଥମେ ପଡ଼େ ଅଠରନଳା ଉପରେ। ଶ୍ରୀକ୍ଷେତ୍ରର ଉତ୍ତର ପ୍ରବେଶ ପଥରେ ଅବସ୍ଥିତ ଏହି ଐତିହାସିକ ସେତୁ କେବଳ ଏକ ସ୍ଥାପତ୍ୟ ନିଦର୍ଶନ ନୁହେଁ, ଏହା ସହ ଜଡିତ ରହିଛି ଏକ ମର୍ମସ୍ପର୍ଶୀ କାହାଣୀ ଓ ଶତାବ୍ଦୀ ପୁରୁଣା ଇତିହାସ।
ଅନେକଙ୍କ ମନରେ ପ୍ରଶ୍ନ ଉଠେ—ଏହି ସେତୁର ନାମ ‘ଅଠରନଳା’ କାହିଁକି? କାହିଁକି ଏଥିରେ ରହିଛି ଠିକ୍ ୧୮ଟି ନଳା କିମ୍ବା ଖିଲାନ? ଏହା ପଛରେ ରହିଛି ଏକ ପୌରାଣିକ କିମ୍ବଦନ୍ତୀ।
କଥା ଅନୁଯାୟୀ, ରଣପୁରର ରାଜା ଶ୍ରୀ ପଦ୍ମନାଭ ସିଂହ ନରେନ୍ଦ୍ର ଦୀର୍ଘ ସମୟ ଧରି ନିଃସନ୍ତାନ ଥିଲେ। ସନ୍ଥ ଅଚ୍ୟୁତାନନ୍ଦ ଦାସଙ୍କ ଆଶୀର୍ବାଦ ଓ ହରିବଂଶ ପୁରାଣ ଶ୍ରବଣ ପରେ ତାଙ୍କର ୧୮ ଜଣ ପୁତ୍ର ସନ୍ତାନ ଜନ୍ମ ହୋଇଥିଲା। ପରବର୍ତ୍ତୀ ସମୟରେ ଏହି ୧୮ ରାଜପୁତ୍ର ବିଭିନ୍ନ ଉପାଧି ଓ ସମ୍ମାନ ଲାଭ କରିଥିଲେ।
କିନ୍ତୁ ଭାଗ୍ୟର ନିଷ୍ଠୁର ପରିହାସରେ କଳାପାହାଡ଼ର ଆକ୍ରମଣ ସମୟରେ ଯୁଦ୍ଧକ୍ଷେତ୍ରରେ ରାଜାଙ୍କ ୧୭ ଜଣ ପୁଅ ବୀରଗତି ପ୍ରାପ୍ତ ହୋଇଥିଲେ। ନିଜ ସନ୍ତାନମାନଙ୍କର ମୃତ୍ୟୁରେ ରାଜା ଗଭୀର ଶୋକରେ ଭାଙ୍ଗି ପଡ଼ିଥିଲେ।
ସେହି ବୀର ପୁତ୍ରମାନଙ୍କ ସ୍ମୃତିକୁ ଅମର ରଖିବା ପାଇଁ ରାଜା ପୁରୀ ନିକଟସ୍ଥ ନଦୀ ଉପରେ ୧୮ଟି ନଳା ବିଶିଷ୍ଟ ଏକ ସେତୁ ନିର୍ମାଣ କରାଇଥିଲେ। ସେହି ସେତୁ ଆଜି ‘ଅଠରନଳା’ ନାମରେ ପରିଚିତ।
ଇତିହାସବିଦଙ୍କ ମତରେ, ଅଠରନଳା କେବଳ ଏକ ଯାତାୟାତ ମାର୍ଗ ନୁହେଁ, ବରଂ ଏହା ଓଡ଼ିଶାର ଐତିହ୍ୟ, ସ୍ଥାପତ୍ୟ କଳା ଓ ବୀରତ୍ୱର ପ୍ରତୀକ। ସେତୁର ପ୍ରତ୍ୟେକ ନଳାର ଲମ୍ବ ପ୍ରାୟ ୨୦ ଫୁଟ ହୋଇଥିବା ବେଳେ ଏହାର ଖିଲାନଗୁଡ଼ିକ ୧୨ରୁ ୧୭ ଫୁଟ ପର୍ଯ୍ୟନ୍ତ ଓସାର ବିଶିଷ୍ଟ। ମଝିର ଖିଲାନଟି ସବୁଠାରୁ ବଡ଼ ଏବଂ ଦୁଇ ପାର୍ଶ୍ୱକୁ କ୍ରମଶଃ ଛୋଟ ହୋଇଯାଇଛି।
ମାଦଳା ପାଞ୍ଜିରେ ମଧ୍ୟ ଅଠରନଳା ସମ୍ପର୍କରେ ଉଲ୍ଲେଖ ମିଳିଥାଏ। ଆଜି ବି ଏହି ଐତିହାସିକ ସେତୁ ଶ୍ରୀକ୍ଷେତ୍ରର ଗୌରବମୟ ଅତୀତକୁ ସ୍ମରଣ କରାଇ ଆସୁଛି ଏବଂ ପ୍ରତିଦିନ ହଜାର ହଜାର ଭକ୍ତ ଓ ପର୍ଯ୍ୟଟକଙ୍କୁ ନିଜ ଆଡକୁ ଆକର୍ଷିତ କରୁଛି।
ଦକ୍ଷିଣ-ପଶ୍ଚିମ ମୌସୁମୀର ଆଗମନ ଏବଂ ପ୍ରବଳ ଗ୍ରୀଷ୍ମ ପ୍ରବା...
ରାଷ୍ଟ୍ରପତି ଭବନରେ ଆୟୋଜିତ ପଦ୍ମ ପୁରସ୍କାର ବିତରଣ ସମାରୋହ...
ଆପଣ ଯଦି ୧୦ ଲକ୍ଷ ଟଙ୍କାରୁ ଅଧିକ ଦାମର କାର କିଣିଛନ୍ତି, ତ...
ଲୋକପ୍ରିୟ କ୍ରାଇମ୍-ଡ୍ରାମା ୱେବ୍ ସିରିଜ୍ ‘ମିର୍ଜାପ...
ଭାରତୀୟ ସଙ୍ଗୀତ ଜଗତର ପ୍ରସିଦ୍ଧ ପ୍ଲେବ୍ୟାକ୍ ଗାୟିକାଅଲକା...
ଓଡ଼ିଶାର ଗଣପର୍ବ ରଜ ଆସିଲେ ଘରେ ଘରେ ଦୋଳି ଖେଳର ଉତ୍ସାହ ଦ...
ଦେଶରେ ପୁନର୍ବାର ପେଟ୍ରୋଲ ଓ ଡିଜେଲ ଦର ବୃଦ୍ଧି ପାଇଛି। ପେ...
ରାଜ୍ୟରେ ଦକ୍ଷିଣ-ପଶ୍ଚିମ ମୌସୁମୀ ବାୟୁର ଅଗ୍ରଗତି ସମ୍ପୂର୍...
ଓଡ଼ିଶାବାସୀଙ୍କୁ ଖରା ଓ ଗରମରୁ କିଛିଟା ଆଶ୍ୱସ୍ତି ମ...
ଆସନ୍ତା ଖରିଫ ଋତୁକୁ ଦୃଷ୍ଟିରେ ରଖି କେନ୍ଦ୍ର ସରକାର ଏଲ୍ ନ...
ଡିଜିଟାଲ୍ ପେମେଣ୍ଟ୍ କମ୍ପାନୀ ପେଟିଏମ୍ର ଶେୟର ଦର ଆଜି ଶେୟ...
ମାର୍ଭେଲ୍ ଷ୍ଟୁଡିଓଜ୍ର ବହୁ ପ୍ରତୀକ୍ଷିତ ଫିଲ୍ମ‘ସ୍ପ...
