ଆସାମରେ ଲଗାଣ ବର୍ଷା ଯୋଗୁଁ ସୃଷ୍ଟି ହୋଇଥିବା ବନ୍ୟା ପରିସ୍ଥିତି ଏବେ ଭୟଙ୍କର ରୂପ ନେଇଛି। ପ୍ରକୃତିର ଏହି କରାଳ ରୂପରେ ହଜାର ହଜାର ପରିବାର ଘରଦ୍ୱାର ହରାଇଥିବାବେଳେ ଅନେକ ଲୋକ ନିଜର ପ୍ରିୟଜନଙ୍କୁ ହରାଇଛନ୍ତି। ଏହି ବନ୍ୟାକୁ ଗତ ୫୨ ବର୍ଷ ମଧ୍ୟରେ ସବୁଠାରୁ ଭୟଙ୍କର ବୋଲି କୁହାଯାଉଛି।

ସରକାରୀ ସୂଚନା ଅନୁଯାୟୀ, ବନ୍ୟାରେ ଏପର୍ଯ୍ୟନ୍ତ ୭୦ରୁ ଅଧିକ ଲୋକଙ୍କ ମୃତ୍ୟୁ ଘଟିଥିବାବେଳେ ପ୍ରାୟ୬ ଲକ୍ଷ ୨୪ ହଜାରରୁ ଅଧିକ ଲୋକସିଧାସଳଖ ପ୍ରଭାବିତ ହୋଇଛନ୍ତି। କେବଳ ଚରାଇଦେଓ ଜିଲ୍ଲାରେ ପ୍ରାୟ୧ ଲକ୍ଷ ୯୦ ହଜାର ଲୋକବନ୍ୟା ଜଳ ମଧ୍ୟରେ ଫସି ରହିଛନ୍ତି।

ଚରାଇଦେଓ, ଜୋରହାଟ, ଶିବସାଗର ଓ ଗୋଲାଘାଟ ଜିଲ୍ଲାରେ ପରିସ୍ଥିତି ସବୁଠାରୁ ଅଧିକ ସଙ୍କଟଜନକ ରହିଛି। ଗାଁ, ରାସ୍ତା, ଚାଷଜମି ଓ ଘରବାଡ଼ି ପାଣିରେ ବୁଡ଼ି ରହିଛି। ହଜାର ହଜାର ଲୋକ ନିଜ ଘର ଛାଡ଼ି ରିଲିଫ୍ କ୍ୟାମ୍ପରେ ଆଶ୍ରୟ ନେବାକୁ ବାଧ୍ୟ ହୋଇଛନ୍ତି।

ସ୍ଥିତିର ଗମ୍ଭୀରତାକୁ ଦୃଷ୍ଟିରେ ରଖି ସେନା,ଏନଡିଆରଏଫ୍ (NDRF)ଏବଂଏସଡିଆରଏଫ୍ (SDRF)ଟିମ୍ ଉଦ୍ଧାର କାର୍ଯ୍ୟରେ ନିୟୋଜିତ ରହିଛନ୍ତି। ରାଜ୍ୟରେ ପ୍ରାୟ୩୫୪ଟି ରିଲିଫ୍ କ୍ୟାମ୍ପଖୋଲାଯାଇଥିବାବେଳେ ସେଠାରେ୩୭ ହଜାରରୁ ଅଧିକ ଲୋକଙ୍କୁଆଶ୍ରୟ ଦିଆଯାଇଛି।

ରିପୋର୍ଟ ଅନୁଯାୟୀ, ଏଥର ଆସାମରେ ସାଧାରଣଠାରୁ୪୦୦ରୁ ୫୦୦ ପ୍ରତିଶତ ଅଧିକ ବର୍ଷାରେକର୍ଡ କରାଯାଇଛି, ଯାହା ଗତ ପାଞ୍ଚ ଦଶନ୍ଧିରେ କେବେ ଦେଖାଯାଇନଥିଲା। ଯେଉଁ ଅଞ୍ଚଳରେ ପୂର୍ବରୁ କେବେ ବନ୍ୟା ହୋଇନଥିଲା, ସେଠାରେ ମଧ୍ୟ ଏବେ ଜଳବନ୍ଦୀ ପରିସ୍ଥିତି ସୃଷ୍ଟି ହୋଇଛି।

ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମା କହିଛନ୍ତି ଯେ ବନ୍ୟା ପରବର୍ତ୍ତୀ ସମୟରେ ବିଦ୍ୟୁତ୍ ସେବା ସ୍ୱାଭାବିକ କରିବା, କ୍ଷତିଗ୍ରସ୍ତଙ୍କ ପୁନର୍ବାସ ଓ ଆବଶ୍ୟକ ସହାୟତା ପ୍ରଦାନ ସରକାରଙ୍କ ପ୍ରାଥମିକତା ରହିଛି।

ଅନ୍ୟପଟେ ବିରୋଧୀ କଂଗ୍ରେସ ସରକାରଙ୍କ ବନ୍ୟା ପରିଚାଳନାକୁ ନେଇ ପ୍ରଶ୍ନ ଉଠାଇଛି। କଂଗ୍ରେସ ନେତା ରାହୁଲ ଗାନ୍ଧୀ ଓ ମଲ୍ଲିକାର୍ଜୁନ ଖଡ଼ଗେ ବନ୍ୟା ପୀଡ଼ିତଙ୍କୁ ତୁରନ୍ତ ଓ ପର୍ଯ୍ୟାପ୍ତ ସହାୟତା ଯୋଗାଇବାକୁ ଦାବି କରିଛନ୍ତି।