ପୁରୀ ଶ୍ରୀଜଗନ୍ନାଥ ମନ୍ଦିରର ସଂରକ୍ଷଣ ଏବଂ ରକ୍ଷଣାବେକ୍ଷଣକୁ ନେଇ ଭାରତୀୟ ପ୍ରତ୍ନତତ୍ତ୍ୱ ସର୍ବେକ୍ଷଣ (ASI) ପକ୍ଷରୁ ଗୁରୁତ୍ୱପୂର୍ଣ୍ଣ ବୈଷୟିକ ଯାଞ୍ଚ କରାଯିବ। ଶନିବାର ଶ୍ରୀମନ୍ଦିରର ଗର୍ଭଗୃହ (ବେହରଣ ମଣ୍ଡପ)ର ସ୍ଥିତି ସମ୍ପର୍କରେ ବିଶେଷଜ୍ଞ ଟିମ୍ ତଦାରଖ କରିବେ।
ସୂଚନା ଅନୁସାରେ, ଗର୍ଭଗୃହ ଭିତରେ ଜମି ରହିଥିବା କଳା ଆସ୍ତରଣ (Black Deposits) ହଟାଇବା କାର୍ଯ୍ୟ ମଧ୍ୟ ଏହି ଯାଞ୍ଚ ସମୟରେ କରାଯିବ। ଏହି ଟିମ୍ରେ IIT ଦିଲ୍ଲୀର ବିଶେଷଜ୍ଞ, ASIର ଅଧିକାରୀ ଏବଂ ଶ୍ରୀମନ୍ଦିର କୋର କମିଟିର ସଦସ୍ୟମାନେ ସାମିଲ ହେବେ।
କେବଳ ଗର୍ଭଗୃହ ନୁହେଁ, ଶ୍ରୀମନ୍ଦିରର ଜଗମୋହନ, ନାଟମଣ୍ଡପ ଏବଂ ଭୋଗମଣ୍ଡପର ସ୍ଥିତିର ମଧ୍ୟ ତଦାରଖ କରାଯିବ। ଯାଞ୍ଚ ପରେ ଏକ ସମୀକ୍ଷା ବୈଠକ ଅନୁଷ୍ଠିତ ହେବ ଏବଂ ବିଶେଷଜ୍ଞ କମିଟିର ସୁପାରିସ ଅନୁଯାୟୀ ଆବଶ୍ୟକ ମରାମତି କାର୍ଯ୍ୟ ହାତକୁ ନିଆଯିବ।
ଯାଞ୍ଚ ସମୟରେ ପୂର୍ବରୁ ମରାମତି ହୋଇଥିବା ଫାଟ ସ୍ଥାନଗୁଡ଼ିକର ଭାର ବହନ କ୍ଷମତା (Load Assessment) ସମ୍ପର୍କିତ ତଥ୍ୟ ସଂଗ୍ରହ କରାଯିବ। ଏଥିସହ ପୂର୍ବରୁ କେମିକାଲ ଟ୍ରିଟମେଣ୍ଟ କରାଯାଇଥିବା ସ୍ଥାନଗୁଡ଼ିକର ମଧ୍ୟ ସମୀକ୍ଷା କରାଯିବ।
ଏହା ବ୍ୟତୀତ ଶ୍ରୀମନ୍ଦିର ପରିସରରେ ପାଇପ୍ ମରାମତି କାର୍ଯ୍ୟ ଏବଂ ଜଳ ନିଷ୍କାସନରେ ସମସ୍ୟା ଥିବା ସ୍ଥାନଗୁଡ଼ିକୁ ଚିହ୍ନଟ କରି ସେଗୁଡ଼ିକର ସମାଧାନ ପାଇଁ ପଦକ୍ଷେପ ନିଆଯିବ। ଶ୍ରୀମନ୍ଦିରର ଦୀର୍ଘସ୍ଥାୟୀ ସଂରକ୍ଷଣ ଏବଂ ସୁରକ୍ଷା ଦୃଷ୍ଟିରୁ ଏହି ଯାଞ୍ଚକୁ ଗୁରୁତ୍ୱପୂର୍ଣ୍ଣ ବୋଲି କୁହାଯାଉଛି।
କାନାଡାରେ ଲାଗିଥିବା ଭୟାବହ ଜଙ୍ଗଲ ନିଆଁର ଧୂଆଁ ଆମେରିକାର...
ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ପ୍ରାଇମ୍-ଟାଇମ...
ଆମେରିକାର ରାଷ୍ଟ୍ରପତିଡୋନାଲ୍ଡ ଟ୍ରମ୍ପଗୁରୁବାର ପୁଣିଥରେ ୨...
ବିଶ୍ୱର ସବୁଠାରୁ ଶକ୍ତିଶାଳୀ ଦେଶ ଆମେରିକା ଏବେ ପ୍ରକୃତିର...
ଜୁଲାଇ ୨୦ରୁ ଆରମ୍ଭ ହେଉଥିବା ସଂସଦର ମୌସୁମୀ ଅଧିବେଶନରେ ପର...
ପଶ୍ଚିମବଙ୍ଗରେ ଟିଏମସି ନେତା ତଥା ଡାଇମଣ୍ଡ ହାର୍ବର ସାଂସ...
ପାକିସ୍ତାନରେ ଆର୍ଥିକ ସଙ୍କଟ ମଧ୍ୟରେ ଏବେ ଖାଦ୍ୟ ସଙ୍କଟ ଆହ...
ହର୍ମୁଜ୍ ପ୍ରଣାଳୀରେ ଲାଗି ରହିଥିବା ସଙ୍କଟ ମଧ୍ୟରେ ଇରାକ ଆ...
