ଭାରତକୁଲ୍ୟାବ୍ରେ ତିଆରି ହୀରା (Lab-grown Diamonds)ବ୍ୟବସାୟରେ ବିଶ୍ୱର ଏକ ପ୍ରମୁଖ ଦେଶ ଭାବେ ଗଢ଼ି ତୋଳିବାକୁ ଆହ୍ୱାନ ଦେଇଛନ୍ତି କେନ୍ଦ୍ର ଗୃହମନ୍ତ୍ରୀଅମିତ ଶାହ। ରବିବାର ମୁମ୍ବାଇରେ ୫୨ତମ India Gem & Jewellery Awards କାର୍ଯ୍ୟକ୍ରମରେ ଯୋଗଦେଇ ସେ କହିଛନ୍ତି, ଲ୍ୟାବ୍ରେ ତିଆରି ହୀରାର ସମଗ୍ର ଇକୋସିଷ୍ଟମ୍ ଭାରତୀୟଙ୍କ ନିୟନ୍ତ୍ରଣରେ ରହିବା ଆବଶ୍ୟକ।

ଶାହଙ୍କ କହିବା ଅନୁସାରେ,ପରିମାଣ ଦୃଷ୍ଟିରୁ ଲ୍ୟାବ୍ରେ ତିଆରି ହୀରାର ବଜାର ବର୍ତ୍ତମାନର ହୀରା ବଜାର ତୁଳନାରେ ପ୍ରାୟ ୫୦ ଗୁଣ ବଡ଼ ହୋଇପାରେ।ଏହା ଭାରତ ପାଇଁ ଏକ ବଡ଼ ବ୍ୟବସାୟିକ ସୁଯୋଗ ବୋଲି ସେ କହିଛନ୍ତି।

ସମଗ୍ର ଇକୋସିଷ୍ଟମ୍ ଭାରତୀୟଙ୍କ ହାତରେ ରହୁ

ଅମିତ ଶାହ କହିଛନ୍ତି ଯେ ଲ୍ୟାବ୍ରେ ତିଆରି ହୀରା ଶିଳ୍ପର କେବଳ ଉତ୍ପାଦନ ନୁହେଁ, ଏହା ସହ ଜଡ଼ିତ ସମଗ୍ର ମାନୁଫାକ୍ଚରିଂ ଚେନ୍ ଭାରତରେ ରହିବା ଉଚିତ।

ଏଥିରେ ହୀରା ତିଆରି ପାଇଁ ଆବଶ୍ୟକ ମେସିନ୍ ନିର୍ମାଣ, ହୀରା ଉତ୍ପାଦନ, ଅଳଙ୍କାର ତିଆରି, ଭାରତୀୟ ବ୍ରାଣ୍ଡ୍ ଗଠନ ଏବଂ ବିଶ୍ୱର ବିଭିନ୍ନ ଦେଶରେ ଭାରତୀୟ କମ୍ପାନୀର ଶୋ’ରୁମ୍ ଖୋଲିବା ଭଳି କ୍ଷେତ୍ର ସାମିଲ ରହିଛି।

ସୁରତ ଓ ମୁମ୍ବାଇର ଅଳଙ୍କାର ଶିଳ୍ପ ଏଭଳି ସୁଯୋଗକୁ ହାତେଇବାର କ୍ଷମତା ରଖିଛି ବୋଲି ମଧ୍ୟ ଶାହ କହିଛନ୍ତି।

ଲ୍ୟାବ୍-ଗ୍ରୋନ୍ ଡାଏମଣ୍ଡ ପାଇଁ ଆସିବ ନୂଆ ନୀତି

ଲ୍ୟାବ୍ରେ ତିଆରି ହୀରା ଶିଳ୍ପ ପାଇଁ କେନ୍ଦ୍ର ସରକାର ଏକ ନୂଆ ନୀତି ଆଣିବେ ବୋଲି ଅମିତ ଶାହ ସୂଚନା ଦେଇଛନ୍ତି। ଗୁଜରାଟ ଓ ମହାରାଷ୍ଟ୍ର ସରକାର ମଧ୍ୟ ଏହି କ୍ଷେତ୍ର ପାଇଁ ନିଜସ୍ୱ ନୀତି ଉପରେ କାମ କରୁଥିବା ସେ କହିଛନ୍ତି।

ତାଙ୍କ ମତରେ, ବଦଳୁଥିବା ବିଶ୍ୱ ବାଣିଜ୍ୟ ପରିବେଶ ଅନୁଯାୟୀ ଭାରତୀୟ ଶିଳ୍ପକୁ ପାରମ୍ପରିକ ଚିନ୍ତାଧାରାରୁ ବାହାରି ନିଜର ବ୍ୟବସାୟିକ ପରିମାଣ ବଢ଼ାଇବାକୁ ପଡ଼ିବ।

“ଭାରତ ଲ୍ୟାବ୍ରେ ତିଆରି ହୀରା ବ୍ୟବସାୟରେ ଫାଉଣ୍ଡର ଇଣ୍ଡଷ୍ଟ୍ରି ଭାବେ ଉଭା ହେବା ଉଚିତ ଏବଂ ଭାରତୀୟ ବ୍ରାଣ୍ଡ୍ଗୁଡ଼ିକ ବିଶ୍ୱସ୍ତରୀୟ ବ୍ରାଣ୍ଡ୍ ହେବା ଆବଶ୍ୟକ,”ବୋଲି ଶାହ କହିଛନ୍ତି।

ହୀରା ଶିଳ୍ପରେ ସୁରତର ବଡ଼ ଭୂମିକା

ଭାରତର ରତ୍ନ ଓ ଅଳଙ୍କାର ବ୍ୟବସାୟର ଇତିହାସ ପ୍ରାୟ ୬,୦୦୦ ବର୍ଷ ପୁରୁଣା ବୋଲି ଶାହ କହିଛନ୍ତି। ବିଶ୍ୱ ହୀରା ଶିଳ୍ପରେ ସୁରତର ଭୂମିକାକୁ ସେ ପ୍ରଶଂସା କରିଛନ୍ତି।

ଶାହଙ୍କ ଅନୁସାରେ, ବିଶ୍ୱର ପ୍ରାୟ୧୦ଟି ହୀରା ମଧ୍ୟରୁ ୯ଟି ସୁରତରେ କଟିଂ, ପଲିସିଂ ଓ ଡିଜାଇନ୍ହେଉଛି। ଭାରତର ଡାଏମଣ୍ଡ କଟିଂ ବ୍ୟବସାୟର ପ୍ରାୟ ୯୦% ସୁରତରେ କେନ୍ଦ୍ରୀଭୂତ ଥିବା ସେ କହିଛନ୍ତି।

ସୁରତର ଶ୍ରମିକମାନେ ଦେଶର ରପ୍ତାନି, ନିଯୁକ୍ତି ଓ ଅର୍ଥନୀତିରେ ବଡ଼ ଅବଦାନ ରଖୁଥିବା ଶାହ କହିଛନ୍ତି।

ଭାରତର ରତ୍ନ ଓ ଅଳଙ୍କାର ରପ୍ତାନି ₹୨.୪୪ ଲକ୍ଷ କୋଟି

ଶାହ କହିଛନ୍ତି,୨୦୨୫ରେ ଭାରତର ରତ୍ନ ଓ ଅଳଙ୍କାର ରପ୍ତାନି ₹୨.୪୪ ଲକ୍ଷ କୋଟିରେ ପହଞ୍ଚିଛି, ଯାହା ଦେଶର ମୋଟ ପଣ୍ୟ ରପ୍ତାନିର ପ୍ରାୟ ୬.୩%। ଏହି କ୍ଷେତ୍ର ପ୍ରତ୍ୟକ୍ଷ ଓ ପରୋକ୍ଷ ଭାବେ ପ୍ରାୟ୭୫ ଲକ୍ଷ ଲୋକଙ୍କୁ ନିଯୁକ୍ତିଦେଉଛି ବୋଲି ସେ କହିଛନ୍ତି।

ଆମେରିକା, ୟୁରୋପ୍, ପଶ୍ଚିମ ଏସିଆ ଓ ହଂକଂକୁ ଭାରତ ଅଳଙ୍କାର ରପ୍ତାନି କରୁଛି। ଦେଶରେ ବିଶ୍ୱର ୯୦%ରୁ ଅଧିକ କଟ୍ ଓ ପଲିସ୍ଡ୍ ଡାଏମଣ୍ଡ ପ୍ରକ୍ରିୟାକରଣ ହେଉଥିବା ମଧ୍ୟ ଶାହ କହିଛନ୍ତି।

ରଫ୍ ଡାଏମଣ୍ଡ ବ୍ୟବସାୟକୁ ମଧ୍ୟ ଗୁରୁତ୍ୱ

ରଫ୍ ଡାଏମଣ୍ଡ ବ୍ୟବସାୟ ଓ Special Notified Zonesରେ କାର୍ଯ୍ୟ କରୁଥିବା କମ୍ପାନୀଗୁଡ଼ିକୁTaxation and Other Laws (Amendment) Act, 2026ଅନୁଯାୟୀ ୧୫ ବର୍ଷର ଆୟକର ଛାଡ଼ ମିଳିବ ବୋଲି ଶାହ କହିଛନ୍ତି।

ଏହା ଭାରତକୁ ରଫ୍ ଡାଏମଣ୍ଡ ବ୍ୟବସାୟର ଏକ ପ୍ରମୁଖ କେନ୍ଦ୍ର କରିବାର ଆରମ୍ଭ ବୋଲି ସେ କହିଛନ୍ତି।

India Jewellery Parkରେ ₹୫୦,୦୦୦ କୋଟି ନିବେଶ ଆଶା

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଉଦ୍ଘାଟନ କରିଥିବାBharat Ratnam Mega Common Facility Centre୧.୨୫ ଲକ୍ଷ ବର୍ଗଫୁଟ୍ ଅଞ୍ଚଳରେ ରହିଛି। ଏଠାରେ 3D ପ୍ରିଣ୍ଟିଂ, କାଷ୍ଟିଂ ଓ ରିଫାଇନିଂ ଭଳି ସୁବିଧା ରହିଛି ବୋଲି ଶାହ କହିଛନ୍ତି।

ସେହିପରିIndia Jewellery Park ପ୍ରାୟ ₹୫୦,୦୦୦ କୋଟି ନିବେଶ ଆକର୍ଷଣ କରିବା ସହ ପ୍ରାୟ ୧ ଲକ୍ଷ ପ୍ରତ୍ୟକ୍ଷ ଓ ପରୋକ୍ଷ ନିଯୁକ୍ତିସୃଷ୍ଟି କରିପାରେ ବୋଲି ସେ କହିଛନ୍ତି।

ଭାରତକୁ ୨୦୪୭ ସୁଦ୍ଧା ବିଶ୍ୱର ଶୀର୍ଷ ଦେଶ କରିବା ଲକ୍ଷ୍ୟ

ଅମିତ ଶାହ କହିଛନ୍ତି, ଗତ ୧୨ ବର୍ଷରେ ଭାରତର ଭିତ୍ତିଭୂମି, ମାନୁଫାକ୍ଚରିଂ ଓ ରପ୍ତାନି କ୍ଷେତ୍ରରେ ବିଭିନ୍ନ ପରିବର୍ତ୍ତନ ଆସିଛି। ୨୦୧୪ରେ ଭାରତକୁ ‘Fragile Five’ ଅର୍ଥନୀତି ମଧ୍ୟରେ ଗଣାଯାଉଥିବା ବେଳେ ଏବେ ଦେଶ ବିଶ୍ୱର ଶୀର୍ଷ ପାଞ୍ଚ ଅର୍ଥନୀତି ମଧ୍ୟରେ ରହିଛି ବୋଲି ସେ କହିଛନ୍ତି।

ନିକଟରେ ପ୍ରକାଶିତ ପ୍ରଥମ ତ୍ରୈମାସିକ GDP ତଥ୍ୟ ଅନୁଯାୟୀ ଭାରତ ୭.୮% ଅଭିବୃଦ୍ଧି ହାସଲ କରିଛି ଏବଂ ପ୍ରମୁଖ ଦେଶଗୁଡ଼ିକ ମଧ୍ୟରେ ଦ୍ରୁତତମ ଅଭିବୃଦ୍ଧିଶୀଳ ଅର୍ଥନୀତି ଭାବେ ଉଭା ହୋଇଛି ବୋଲି ଶାହ କହିଛନ୍ତି।

୨୦୪୭ ସୁଦ୍ଧା ଭାରତକୁ ବିଭିନ୍ନ କ୍ଷେତ୍ରରେ ବିଶ୍ୱର ନମ୍ବର-୧ ଦେଶ କରିବାର ଲକ୍ଷ୍ୟ ରହିଛି ବୋଲି ସେ କହିଛନ୍ତି।