ଭାରତୀୟ କ୍ରିକେଟ୍ ଦଳରେ ପରିବର୍ତ୍ତନ ହୋଇଛି। ଆହତ ସମସ୍ୟା ଯୋଗୁଁ ଦ୍ରୁତ ବୋଲର ହର୍ଷିତ ରାଣା ଆଗାମୀ ଆଫଗାନିସ୍ତାନ ବିପକ୍ଷ ଟି-୨୦ ଶୃଙ୍ଖଳା ଏବଂ ଏସୀୟ କ୍ରୀଡ଼ା ଦଳରୁ ବାଦ୍ ପଡ଼ିଛନ୍ତି। ତାଙ୍କ ସ୍ଥାନରେ ବିଦର୍ଭର ଦ୍ରୁତ ବୋଲର ୟଶ୍ ଠାକୁରଙ୍କୁ ଭାରତୀୟ ଦଳରେ ସାମିଲ କରାଯାଇଛି।
ବେଙ୍ଗାଲୁରୁସ୍ଥିତ ବିସିସିଆଇ ଉତ୍କର୍ଷ କେନ୍ଦ୍ରରେ ହର୍ଷିତ ରାଣା ବର୍ତ୍ତମାନ ପୁନର୍ବାସ ପ୍ରକ୍ରିୟାରେ ଥିଲେ। ଏହି ସମୟରେ ଏକ ଅଭ୍ୟାସ ମ୍ୟାଚ୍ରେ ବୋଲିଂ କରୁଥିବା ବେଳେ ତାଙ୍କ ଜଙ୍ଘ ମାଂସପେସୀରେ ଟାଣ ଅନୁଭବ ହୋଇଥିଲା। ଫଳରେ ଆଗାମୀ ମ୍ୟାଚ୍ଗୁଡ଼ିକରେ ସେ ଖେଳିପାରିବେ ନାହିଁ ବୋଲି ବିସିସିଆଇ ପକ୍ଷରୁ ସୂଚନା ଦିଆଯାଇଛି।
ହର୍ଷିତ ରାଣା ଶେଷଥର ପାଇଁ ନଟିଂହାମ୍ରେ ଇଂଲଣ୍ଡ ବିପକ୍ଷ ଟି-୨୦ ମ୍ୟାଚ୍ରେ ଭାରତ ପକ୍ଷରୁ ଖେଳିଥିଲେ। ଏହାପରେ ହାମ୍ଷ୍ଟ୍ରିଙ୍ଗ୍ ସମସ୍ୟା ଯୋଗୁଁ ସେ ଦଳରୁ ବାଦ୍ ପଡ଼ିଥିଲେ।
ପରେ ଆଣ୍ଠୁ ଯନ୍ତ୍ରଣା କାରଣରୁ ସେ କୋଲକାତା ନାଇଟ୍ ରାଇଡର୍ସ ପକ୍ଷରୁ ଆଇପିଏଲ୍ ୨୦୨୬ର ସମ୍ପୂର୍ଣ୍ଣ ସିଜନ୍ ମଧ୍ୟ ଖେଳିପାରିନଥିଲେ। ଏବେ ପୁଣି ଆହତ ହେବାରୁ ତାଙ୍କୁ ଭାରତୀୟ ଦଳରୁ ବାହାରିବାକୁ ପଡ଼ିଛି।
ହର୍ଷିତଙ୍କ ସ୍ଥାନରେ ଦଳରେ ସାମିଲ ହୋଇଥିବା ୟଶ୍ ଠାକୁରଙ୍କ ପାଇଁ ଏହା ଏକ ବଡ଼ ସୁଯୋଗ। ନିକଟରେ ଜିମ୍ବାୱେ ବିପକ୍ଷ ଶୃଙ୍ଖଳାରେ ସେ ଟି-୨୦ ଅନ୍ତର୍ଜାତୀୟ କ୍ରିକେଟ୍ରେ ପଦାର୍ପଣ କରିଥିଲେ।
ଜିମ୍ବାୱେ ଗସ୍ତରେ ୟଶ୍ ଦୁଇଟି ମ୍ୟାଚ୍ ଖେଳି ୪ଟି ୱିକେଟ୍ ନେଇଥିଲେ। ଏହାପରେ ସେ ଶ୍ରୀଲଙ୍କା ଗସ୍ତରେ ଭାରତୀୟ-ଏ ଦଳ ପକ୍ଷରୁ ବହୁଦିବସୀୟ ଓ ଦିନିକିଆ ଶୃଙ୍ଖଳାରେ ମଧ୍ୟ ଖେଳିଥିଲେ।
ଘରୋଇ କ୍ରିକେଟ୍ରେ ମଧ୍ୟ ୟଶ୍ଙ୍କ ପ୍ରଦର୍ଶନ ଭଲ ରହିଛି। ଦଲୀପ ଟ୍ରଫି ସେମିଫାଇନାଲ୍ରେ କେନ୍ଦ୍ରାଞ୍ଚଳ ପକ୍ଷରୁ ପୂର୍ବାଞ୍ଚଳ ବିପକ୍ଷରେ ଖେଳି ସେ ୪ଟି ୱିକେଟ୍ ନେବା ସହ ଅପରାଜିତ ୩୦ ରନ୍ର ଇନିଂସ ଖେଳିଥିଲେ।
ହର୍ଷିତଙ୍କ ଅନୁପସ୍ଥିତିରେ ଏବେ ଭାରତୀୟ ଦଳର ଦ୍ରୁତ ବୋଲିଂ ବିଭାଗରେ ୟଶ୍ ଠାକୁରଙ୍କ ଉପରେ ଗୁରୁତ୍ୱପୂର୍ଣ୍ଣ ଦାୟିତ୍ୱ ରହିବ।
ଭୁବନେଶ୍ୱର: ବାତ୍ୟା ‘ଅର୍ଣ୍ଣବ’ ଓ ଏହା ପରେ...
ଭୁବନେଶ୍ୱର: ବାତ୍ୟା ‘ଅର୍ଣ୍ଣବ’ ଓ ଏହା ପରେ...
ସୁପରଷ୍ଟାର ରଜନୀକାନ୍ତଙ୍କ ପ୍ରଶଂସକଙ୍କ ପାଇଁ ଖୁସି ଖବର। ବ...
ବହୁ ଦିନର ଅପେକ୍ଷା ପରେ ନଭେମ୍ବର ୫ ତାରିଖରେ ସାରା ବିଶ୍ୱର...
ଛତ୍ରପୁର: ପାର୍ବଣ ଋତୁ ପୂର୍ବରୁ ବେଆଇନ ବାଣ କାରବାର ଉପରେ...
ଭୁବନେଶ୍ୱର: ବାତ୍ୟା ‘ଅର୍ଣ୍ଣବ’ ପରବର୍ତ୍ତୀ...
ରିଲିଜ୍ ପୂର୍ବରୁ ‘ରାମାୟଣ’ର ବଡ଼ ରେକର୍ଡ...
ଭାରତୀୟ ସିନେମା ଜଗତର ବହୁ ପ୍ରତୀକ୍ଷିତ ଫିଲ୍ମ 'ରାମାୟ...
