ହ୍ୱାଟ୍ସଆପ୍ର ପ୍ରସ୍ତାବିତ ୟୁଜରନେମ୍ ଫିଚରକୁ ନେଇ କେନ୍ଦ୍ର ସରକାର ସତର୍କ ହୋଇଛନ୍ତି। ଏହି ଫିଚର ସମ୍ପର୍କରେ ସ୍ପଷ୍ଟୀକରଣ ମାଗି ସରକାର ପୂର୍ବରୁ ମେଟାକୁ ନୋଟିସ୍ ଜାରି କରିଥିବା ବେଳେ, ବର୍ତ୍ତମାନ କମ୍ପାନିକୁ ଉତ୍ତର ଦେବା ପାଇଁ ଆଉ ୩ ଦିନର ମହଲତ ଦିଆଯାଇଛି।
ହ୍ୱାଟ୍ସଆପ୍ର ଏହି ନୂଆ ଫିଚର ମାଧ୍ୟମରେ ବ୍ୟବହାରକାରୀମାନେ ନିଜର ମୋବାଇଲ୍ ନମ୍ବର ସେୟାର୍ ନକରି କେବଳ ଏକ ୟୁଜରନେମ୍ ଦ୍ୱାରା ଅନ୍ୟମାନଙ୍କ ସହ ଯୋଗାଯୋଗ କରିପାରିବେ। ମେଟାର କହିବା ଅନୁଯାୟୀ, ଏହି ଫିଚର ବ୍ୟବହାରକାରୀଙ୍କ ଗୋପନୀୟତାକୁ ଆହୁରି ସୁଦୃଢ଼ କରିବ।
ତେବେ କେନ୍ଦ୍ର ସରକାରଙ୍କ ଆଶଙ୍କା ହେଉଛି, ଏହି ବ୍ୟବସ୍ଥାର ଅପବ୍ୟବହାର କରି ଠକମାନେ ନକଲି ପରିଚୟ ସୃଷ୍ଟି କରି ଅନଲାଇନ୍ ଠକେଇ, ସାଇବର ଅପରାଧ ଓ ଆର୍ଥିକ ଜାଲିଆତି ବଢ଼ାଇପାରନ୍ତି। ସେଥିପାଇଁ ଫିଚରର ସୁରକ୍ଷା ବ୍ୟବସ୍ଥା ନେଇ ସରକାର ମେଟାଠାରୁ ବିସ୍ତୃତ ସ୍ପଷ୍ଟୀକରଣ ମାଗିଛନ୍ତି।
ସୂଚନା ଅନୁଯାୟୀ, ମେଟାର ପ୍ରତିନିଧିମାନେ ସରକାରୀ ଅଧିକାରୀଙ୍କ ସହ ଏହି ବିଷୟରେ ଆଲୋଚନା କରିଛନ୍ତି। କମ୍ପାନିକୁ ଜୁଲାଇ ୯ ପର୍ଯ୍ୟନ୍ତ ନିଜ ପକ୍ଷ ଉପସ୍ଥାପନ କରିବାକୁ ସମୟ ଦିଆଯାଇଛି। ସେପର୍ଯ୍ୟନ୍ତ ଭାରତରେ ଏହି ଫିଚର ଆରମ୍ଭ କରାଯିବ ନାହିଁ ବୋଲି ମେଟା ସରକାରଙ୍କୁ ଆଶ୍ୱାସନ ଦେଇଛି।
କେନ୍ଦ୍ର ସରକାର କହିଛନ୍ତି ଯେ, ନୂଆ ପ୍ରଯୁକ୍ତି ଆଣିବା ସମୟରେ ବ୍ୟବହାରକାରୀଙ୍କ ସୁରକ୍ଷା ସର୍ବାଧିକ ଗୁରୁତ୍ୱପୂର୍ଣ୍ଣ। ୟୁଜରନେମ୍ ଆଧାରିତ ବ୍ୟବସ୍ଥା ଯଦି ଅପରାଧୀଙ୍କୁ ପରିଚୟ ଲୁଚାଇ ସାଇବର ଅପରାଧ କରିବାରେ ସହାୟକ ହୁଏ, ତେବେ ଏହାକୁ ରୋକିବା ପାଇଁ ଦୃଢ଼ ସୁରକ୍ଷା ବ୍ୟବସ୍ଥା ରହିବା ଆବଶ୍ୟକ।
ଅନ୍ୟପକ୍ଷରେ, ମେଟା ପକ୍ଷରୁ କୁହାଯାଇଛି ଯେ ୟୁଜରନେମ୍ ଫିଚରରେ ଆବଶ୍ୟକ ସୁରକ୍ଷା ବ୍ୟବସ୍ଥା ରହିଛି। ସରକାରଙ୍କ ସହ ଆଲୋଚନା ଓ ସମସ୍ତ ସନ୍ଦେହର ସମାଧାନ ହେବା ପରେ ହିଁ ଭାରତରେ ଏହି ଫିଚରକୁ ଲଞ୍ଚ କରାଯିବ।
ଲଗାତାର ବର୍ଷା ମଧ୍ୟରେ ଝାରସୁଗୁଡ଼ା ଜିଲ୍ଲାରେ ଏକ ବଡ଼ ଅଘଟ...
ଗତ କିଛି ଦିନ ଧରି ଲଗାଣ ବର୍ଷାରେ ଭିଜିଥିବା ଓଡ଼ିଶାରେ ଏବେ...
ମହାରାଷ୍ଟ୍ର ରାଜନୀତିରେ ପୁଣି ଥରେ ଦଳବଦଳ ପ୍ରସଙ୍ଗ ଚର୍ଚ୍ଚ...
ଓଡ଼ିଶାରେ ଚାଲିଥିବାସ୍ୱତନ୍ତ୍ର ନିବିଡ଼ ଭୋଟର ତାଲିକା ସଂଶୋ...
ପଶ୍ଚିମବଙ୍ଗ ରାଜନୀତିରେ ତୃଣମୂଳ କଂଗ୍ରେସ ପାଇଁ ଆଉ ଏକ ବଡ଼...
ମେଷ : ଏହି ସପ୍ତାହରେ ଆପଣଙ୍କ ପରିଶ୍ରମର ଫଳ ମିଳିବା ଆର...
ଇରାନର ସର୍ବୋଚ୍ଚ ନେତା ଅଲି ଖେମିନିଙ୍କ ମୃତ୍ୟୁ ପରେ ରବିବା...
ଗତ ତିନି ଦିନ ଧରି ଲଗାଣ ବର୍ଷା ଯୋଗୁଁ ବଲାଙ୍ଗିର ଜିଲ୍ଲାର...
ଉପର ଏବଂ ମଧ୍ୟ ଜଳଗ୍ରହଣ ଅଞ୍ଚଳରେ ଲଗାତାର ପ୍ରବଳ ବର୍ଷା ଯୋ...
