ପଶ୍ଚିମବଙ୍ଗ ଓ ତାମିଲନାଡୁରେ ନିର୍ବାଚନୀ ପ୍ରଚାର ସମାପ୍ତ ହୋଇଛି। ହେଲେ ପ୍ରଚାରର ଶେଷ ଦିନରେ ପଶ୍ଚିମବଙ୍ଗରେ ନିର୍ବାଚନୀ ହିଂସା ଘଟିଥିବା ଖବର ସାମ୍ନାକୁ ଆସିଛି।
ପଶ୍ଚିମବଙ୍ଗର ମୋହନପୁର ଅଞ୍ଚଳ ପ୍ରଚାରର ଶେଷ ଦିନରେ ରଣକ୍ଷେତ୍ରରେ ପରିଣତ ହୋଇଯାଇଥିଲା। ଦାନ୍ତଣ ବିଧାନସଭା ନିର୍ବାଚନମଣ୍ଡଳୀର ବିଜେପି ପ୍ରାର୍ଥୀ ଅଜିତ କୁମାର ଜାନା ଙ୍କ ସମର୍ଥନରେ ଆୟୋଜିତ ବାଇକ୍ ଶୋଭାଯାତ୍ରାକୁ ନେଇ ହିଂସାକାଣ୍ଡ ଘଟିଥିଲା।
ବିଜେପି ପକ୍ଷରୁ ଅଭିଯୋଗ କରାଯାଇଛି ଯେ, ସେମାନଙ୍କ ବାଇକ୍ ର୍ୟାଲି ଉପରେ ତୃଣମୂଳ କଂଗ୍ରେସ (TMC) କର୍ମୀମାନେ ଅତର୍କିତ ଆକ୍ରମଣ କରିଥିଲେ। ଏହି ଆକ୍ରମଣରେ ପ୍ରାର୍ଥୀଙ୍କ କାର ଭଙ୍ଗାଯାଇଥିବା ସହ ୩୫ରୁ ଅଧିକ ବିଜେପି କର୍ମୀ ଗୁରୁତର ଆହତ ହୋଇଥିବା ବିଜେପି ଦାବି କରିଛି।
ହିଂସା ପରେ ପରିସ୍ଥିତି ଅତ୍ୟନ୍ତ ଉତ୍ତେଜନାପୂର୍ଣ୍ଣ ହୋଇଯାଇଥିଲା। ଏହା ସହ ଅନେକ ବାଇକ୍ ଭଙ୍ଗାଯାଇଥିବା ଓ କିଛି ବିଜେପି କର୍ମୀ ଏପର୍ଯ୍ୟନ୍ତ ନିଖୋଜ ଥିବା ଦାବି ମଧ୍ୟ କରାଯାଇଛି।
ଘଟଣାକୁ ନେଇ ପୋଲିସର ଭୂମିକା ଉପରେ ଅସନ୍ତୋଷ ପ୍ରକାଶ କରି ବିଜେପି କହିଛି, ହିଂସା ରୋକିବା ପାଇଁ ପୋଲିସ କୌଣସି ଯଥେଷ୍ଟ କାର୍ଯ୍ୟାନୁଷ୍ଠାନ ନେଇନାହିଁ।
ଅନ୍ୟପକ୍ଷରେ, ତୃଣମୂଳ କଂଗ୍ରେସ ସମସ୍ତ ଅଭିଯୋଗକୁ ଖଣ୍ଡନ କରିଛି। ଟିଏମସି କହିଛି, ନିର୍ବାଚନ କମିଶନଙ୍କ ଅନୁମତି ଥିଲେ ମଧ୍ୟ ବିଜେପି ଜୋରଜବରଦସ୍ତ ଭାବେ ବାଇକ୍ ଶୋଭାଯାତ୍ରା ସହ ଅଞ୍ଚଳରେ ପ୍ରବେଶ କରିଥିଲା। ତୃଣମୂଳ ଦାବି କରିଛି, ବିଜେପି କର୍ମୀମାନେ ପ୍ରଥମେ ସ୍ଥାନୀୟ ଲୋକ ଓ ତୃଣମୂଳ କର୍ମୀଙ୍କ ଉପରେ ଆକ୍ରମଣ କରିଥିଲେ, ଯାହାରେ ଟିଏମସିର ଅନେକ ସମର୍ଥକ ଆହତ ହୋଇଛନ୍ତି।
ଏହି ଘଟଣା ପରେ ଅଞ୍ଚଳରେ ଉତ୍ତେଜନା ଜାରି ରହିଥିବା ବେଳେ ପୋଲିସ ପକ୍ଷରୁ ପରିସ୍ଥିତି ନିୟନ୍ତ୍ରଣ ପାଇଁ ସୁରକ୍ଷା ବଢ଼ାଯାଇଛି।
ଓଡ଼ିଶାକୁ ମିଳିଛି ଆଉ ଏକ ବଡ଼ ଶିଳ୍ପ ପ୍ରକଳ୍ପ। କେନ୍ଦ୍ର ସ...
ସାଗରମାଳା କାର୍ଯ୍ୟକ୍ରମ ଅଧୀନରେ ଓଡ଼ିଶା ଦେଶର ଅଗ୍ରଣୀ ରାଜ...
ନିର୍ଦ୍ଦେଶକ ନୀତେଶ ତିୱାରୀଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍...
ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆସନ୍ତା ଅଗଷ୍ଟ ୩ରୁ ୫ ତାରିଖ...
ଲୋକପ୍ରିୟ ଅଭିନେତ୍ରୀ ଜେନିଫର ୱିଙ୍ଗେଟ୍ ନିଜ ଜୀବନର ଏକ ନୂ...
ଅଦାନୀ ଗ୍ରୁପ୍‌ର ଅଦାନୀ ଏନର୍ଜି ସଲ୍ୟୁସନ୍ସ ଲିମିଟେଡ...
ବଲିଉଡ୍‌ର ‘ଶେହେନଶାହ’ ଅମିତାଭ ବଚ୍ଚନଙ...
ବଲାଙ୍ଗିର ଜିଲ୍ଲାର ଲୋୟର ସୁକତେଲ ପ୍ରକଳ୍ପକୁ ନେଇ ମଙ୍ଗଳବା...
ହଲିଉଡ୍ ଚଳଚ୍ଚିତ୍ର‘Godzilla vs. Kong’ଏବଂ...
