ଭାରତୀୟ ମହିଳା କ୍ରିକେଟ ଦଳ ଆଇସିସି ମହିଳା ଟି-୨୦ ବିଶ୍ୱକପ୍ ୨୦୨୬ରୁ ଶୀଘ୍ର ବିଦାୟ ନେଇଥିଲେ ମଧ୍ୟ ଫାଇନାଲ ମଞ୍ଚରେ ଭାରତର ଗୌରବମୟ ଉପସ୍ଥିତି ଦେଖିବାକୁ ମିଳିବ। ଲଣ୍ଡନର ଐତିହାସିକ ଲର୍ଡସ୍ ଗ୍ରାଉଣ୍ଡରେ ଜୁଲାଇ ୫ରେ ଖେଳାଯିବାକୁ ଥିବା ଫାଇନାଲ ମ୍ୟାଚ୍ରେ ଭାରତୀୟ ଅମ୍ପାୟାର ବୃନ୍ଦା ରାଠୀ ଇତିହାସ ରଚିବାକୁ ଯାଉଛନ୍ତି।
ଆଇସିସି ପକ୍ଷରୁ ଘୋଷିତ ମ୍ୟାଚ୍ ଅଫିସିଆଲ୍ ତାଲିକା ଅନୁଯାୟୀ ବୃନ୍ଦା ରାଠୀ ମହିଳା ଟି-୨୦ ବିଶ୍ୱକପ୍ ଫାଇନାଲରେ ଅନ୍-ଫିଲ୍ଡ ଅମ୍ପାୟାରିଂ କରିବାରେ ପ୍ରଥମ ଭାରତୀୟ ମହିଳା ହେବେ। ଏହା ଭାରତୀୟ କ୍ରିକେଟ ପାଇଁ ଏକ ଐତିହାସିକ ସଫଳତା ଭାବେ ଗଣାଯାଉଛି।
ଆୟୋଜକ ଇଂଲଣ୍ଡ ଓ ଛଅ ଥରର ଚାମ୍ପିଅନ୍ ଅଷ୍ଟ୍ରେଲିଆ ମଧ୍ୟରେ ହେବାକୁ ଥିବା ଫାଇନାଲ ମୁକାବିଲାରେ ବୃନ୍ଦା ରାଠୀଙ୍କ ସହ ଜାମାଇକାର ଜ୍ୟାକଲିନ୍ ୱିଲିୟମ୍ସ ଅନ୍-ଫିଲ୍ଡ ଅମ୍ପାୟାର ଭାବେ କାର୍ଯ୍ୟ କରିବେ। ବୃନ୍ଦା ଏହି ଟୁର୍ଣ୍ଣାମେଣ୍ଟରେ ଅନେକ ଗୁରୁତ୍ୱପୂର୍ଣ୍ଣ ମ୍ୟାଚ୍ ସଫଳତାର ସହ ପରିଚାଳନା କରି ପ୍ରଶଂସା ସାଉଁଟିଛନ୍ତି। ବିଶେଷକରି ଅଷ୍ଟ୍ରେଲିଆ-ଦକ୍ଷିଣ ଆଫ୍ରିକା ସେମିଫାଇନାଲରେ ତାଙ୍କର ନିର୍ଣ୍ଣୟ କ୍ଷମତା ଆନ୍ତର୍ଜାତୀୟ ସ୍ତରରେ ପ୍ରଶଂସିତ ହୋଇଥିଲା।
ଏହି ଫାଇନାଲରେ ଭାରତର ଆଉ ଏକ ଗର୍ବର କାରଣ ହେଉଛନ୍ତି ଜିଏସ ଲକ୍ଷ୍ମୀ। ସେ ମ୍ୟାଚ୍ ରେଫରି ଭାବେ ଦାୟିତ୍ୱ ତୁଲାଇବେ। ଏହା ବିଶ୍ୱ କ୍ରିକେଟର ସର୍ବୋଚ୍ଚ ମଞ୍ଚରେ ଭାରତର ଦୁଇଜଣ ମହିଳା ଅଧିକାରୀଙ୍କ ଉପସ୍ଥିତିକୁ ସ୍ପଷ୍ଟ କରୁଛି।
ସେହିପରି ନ୍ୟୁଜିଲ୍ୟାଣ୍ଡର କିମ୍ କଟନ୍ ତୃତୀୟ ଅମ୍ପାୟାର ଓ ଶ୍ରୀଲଙ୍କାର ନିମାଲି ପରେରା ଚତୁର୍ଥ ଅମ୍ପାୟାର ଭାବେ ନିଯୁକ୍ତ ହୋଇଛନ୍ତି।
ବୃନ୍ଦା ରାଠୀଙ୍କ ଏହି ସଫଳତା ଭାରତର ମହିଳା ଅମ୍ପାୟାରମାନଙ୍କ ପାଇଁ ଏକ ନୂଆ ପ୍ରେରଣା। ଏହା ପ୍ରମାଣ କରୁଛି ଯେ କ୍ରିକେଟରେ କେବଳ ଖେଳାଳି ନୁହେଁ, ଅମ୍ପାୟାର ଓ ଅଫିସିଆଲ୍ ଭାବେ ମଧ୍ୟ ଭାରତୀୟ ମହିଳାମାନେ ବିଶ୍ୱ ସ୍ତରରେ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରୁଛନ୍ତି। ଲର୍ଡସ୍ରେ ହେବାକୁ ଥିବା ଏହି ଐତିହାସିକ ଫାଇନାଲରେ ବୃନ୍ଦା ରାଠୀଙ୍କ ପ୍ରଦର୍ଶନ ଉପରେ ସମଗ୍ର ଦେଶର ନଜର ରହିବ।
ରାଜ୍ୟବାସୀଙ୍କ ପାଇଁ ପୁଣି ଥରେ ପାଣିପାଗ ବିଭାଗ ପକ୍ଷରୁ ବର...
ବଙ୍ଗୋପସାଗରରେ ସକ୍ରିୟ ସୁସ୍ପଷ୍ଟ ଲଘୁଚାପ ପ୍ରଭାବରେ ସମଗ୍ର...
ହର୍ମୁଜ୍ ପ୍ରଣାଳୀ ଦେଇ ଚଳାଚଳ କରୁଥିବା ବାଣିଜ୍ୟିକ ଜାହାଜଗ...
ଲଗାଣ ବର୍ଷା ପରେ ଭଦ୍ରକ ଜିଲ୍ଲାର ଚାନ୍ଦବାଲି ଗୋଷ୍ଠୀ ସ୍ୱା...
ଗ୍ଲୋବାଲ୍ ପାସପୋର୍ଟ ଇଣ୍ଡେକ୍ସ ୨୦୨୬ରେ ଭାରତର ସ୍ଥାନ ପୁଣି...
ଆୟାତୋଲ୍ଲା ଅଲି ଖେମିନିଙ୍କ ଅନ୍ତିମ ସଂସ୍କାରକୁ ନେଇ ଆମେରି...
ୟୁକ୍ରେନ-ରୁଷ ଯୁଦ୍ଧକୁ ନେଇ ଆନ୍ତର୍ଜାତିକ ସ୍ତରରେ କୂଟନୈତି...
ଇନଷ୍ଟାଗ୍ରାମରେ ଶିଶୁଙ୍କ ଯୌନ ଶୋଷଣ ଓ ନିର୍ଯାତନା ସମ୍ପର୍କ...
ଭୁବନେଶ୍ୱରରବାଣୀବିହାରନିକଟରେ ଡ୍ରେନ୍ରେ ଭାସି ନିଖୋଜ ହୋଇଥ...
ଅଷ୍ଟ୍ରେଲିଆ ଗସ୍ତ ପୂର୍ବରୁପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ...
ଆମେରିକାର ୨୫୦ତମ ସ୍ୱାଧୀନତା ଦିବସ ଅବସରରେ ଭାରତର ପ୍ରଧାନମ...
