କ୍ରିକେଟ ପଡ଼ିଆରେ ବିସ୍ଫୋରକ ବ୍ୟାଟିଂ ପାଇଁ ପରିଚିତ ପୂର୍ବତନ ଭାରତୀୟ ଓପନର ବୀରେନ୍ଦ୍ର ସେହ୍ୱାଗ ଏବେ ତାଙ୍କ ନୂଆ ଅବତାରକୁ ନେଇ ଚର୍ଚ୍ଚାରେ। ନିକଟରେ ସେ ଯମରାଜଙ୍କ ଲୁକ୍ରେ କିଛି ଫଟୋ ସୋସିଆଲ ମିଡିଆରେ ସେୟାର କରିଛନ୍ତି। ଏହି ଲୁକ୍ ପରେ ପ୍ରଶଂସକମାନଙ୍କ ମଧ୍ୟରେ ତାଙ୍କ ନୂଆ ପ୍ରୋଜେକ୍ଟକୁ ନେଇ ଉତ୍ସୁକତା ବଢ଼ିଛି।
ସେହ୍ୱାଗଙ୍କ ଏହି ନୂଆ ଲୁକ୍ ତାଙ୍କ ଆଗାମୀ ରିଆଲିଟି ଶୋ’ ‘Rise & Fall’ Season 2ର ପ୍ରଚାର ସହ ଜଡ଼ିତ। ଏହା ପୂର୍ବରୁ ମଧ୍ୟ ସେ ବିଭିନ୍ନ ଭିନ୍ନ ଚରିତ୍ରରେ ପ୍ରୋମୋସନାଲ୍ ଲୁକ୍ରେ ନଜର ଆସିଛନ୍ତି। ଶୋ’ର ଦ୍ୱିତୀୟ ସିଜନ୍ରେ ସେ ହୋଷ୍ଟ ଭାବେ ଦାୟିତ୍ୱ ନେଇଛନ୍ତି।
‘Rise & Fall’ର ଦ୍ୱିତୀୟ ସିଜନ୍ ସେପ୍ଟେମ୍ବର ୨୬ରୁ ଷ୍ଟ୍ରିମିଂ ହେବ। ଏହି ସିଜନ୍ରେ ୧୫ ଜଣ ସେଲିବ୍ରିଟି ପ୍ରତିଯୋଗୀ ରହିବେ ଏବଂ ସେମାନଙ୍କୁ ‘Rulers’ ଓ ‘Workers’ ଭଳି ଦୁଇଟି ଗୋଷ୍ଠୀରେ ବିଭକ୍ତ କରାଯିବ। ଖେଳରେ ପାୱାର, ରଣନୀତି, ମେଣ୍ଟାଲ୍ ଗେମ୍ ଓ ବଦଳୁଥିବା ସମୀକରଣ ଉପରେ ଗୁରୁତ୍ୱ ରହିବ।
ଏପର୍ଯ୍ୟନ୍ତ ଶୋ’ ପାଇଁ ସ୍ୱରା ଭାସ୍କର, ପ୍ରିୟଙ୍କା ଚହର ଚୌଧୁରୀ, କରଣ ପଟେଲ ଓ ଶହଜାଦ ପୁନାୱାଲାଙ୍କୁ ପ୍ରଥମ ଚାରିଜଣ ପ୍ରତିଯୋଗୀ ଭାବେ ଘୋଷଣା କରାଯାଇଛି। ଅବଶିଷ୍ଟ ପ୍ରତିଯୋଗୀଙ୍କ ତାଲିକା ପର୍ଯ୍ୟାୟକ୍ରମେ ସାମ୍ନାକୁ ଆସିବ।
କ୍ରିକେଟ ପଡ଼ିଆରୁ ଏବେ ରିଆଲିଟି ଶୋ’ର ମଞ୍ଚକୁ ଯାଉଥିବା ସେହ୍ୱାଗଙ୍କ ଏହି ନୂଆ ଇନିଂସ କିପରି ରହିବ, ତାହା ଦେଖିବାକୁ ପ୍ରଶଂସକଙ୍କ ନଜର ରହିଛି।
ଗବେଷଣା ଓ ଉଚ୍ଚଶିକ୍ଷା କ୍ଷେତ୍ରରେ ନୂଆ ସହଯୋଗ ଉଚ୍ଚଶିକ...
ଦେଶରେ ଗବେଷଣା ଓ ନୂତନ ଉଦ୍ଭାବନକୁ ଉତ୍ସାହିତ କରିବା ଲକ୍ଷ୍...
ବିହାର ବୋର୍ଡର ଦଶମ ଓ ଦ୍ୱାଦଶ ଶ୍ରେଣୀର ୨୦୨୭ ବାର୍ଷିକ ପରୀ...
‘ଅରାଜକତା ହଟାଅ, ଗଣତନ୍ତ୍ର ବଞ୍ଚାଅ’ ସ୍ଲୋଗା...
ସୁସ୍ଥ ରହିବା ପାଇଁ ପ୍ରତିଦିନ ସପ୍ଲିମେଣ୍ଟ ଖାଇବା ଜରୁରୀ କ...
କର୍କଟ ରୋଗର ଚିକିତ୍ସା ଖର୍ଚ୍ଚ ଅନେକ ପରିବାର ପାଇଁ ବଡ଼ ଆର...
ଓଡ଼ିଶାର ଉଚ୍ଚଶିକ୍ଷା କ୍ଷେତ୍ରରେ କଲେଜ ପରିଚାଳନାକୁ ଅଧିକ...
ଓଡ଼ିଶାର ଉଚ୍ଚଶିକ୍ଷା କ୍ଷେତ୍ରରେ କଲେଜ ପରିଚାଳନାକୁ ଅଧିକ...
