ଆମେରିକା–ଇରାନ ମଧ୍ୟରେ ହୋଇଥିବା ଚୁକ୍ତି ପରେ ବିଶ୍ୱ ବାଣିଜ୍ୟ ଓ ଉର୍ଜା କ୍ଷେତ୍ର ପାଇଁ ଏକ ସକାରାତ୍ମକ ସଙ୍କେତ ମିଳିଛି। ବିଶ୍ୱର ଅତ୍ୟନ୍ତ ଗୁରୁତ୍ୱପୂର୍ଣ୍ଣ ତେଲ ପରିବହନ ମାର୍ଗହର୍ମୁଜ୍ ପ୍ରଣାଳୀଦେଇ ତେଲ, ଗ୍ୟାସ୍ ଏବଂ ଅନ୍ୟାନ୍ୟ ବାଣିଜ୍ୟିକ ସାମଗ୍ରୀ ବୋଝେଇ୩୦ଟି ଜାହାଜସୁରକ୍ଷିତ ଭାବେ ଭାରତ ଅଭିମୁଖେ ଯାତ୍ରା କରିଛି।

ସୂଚନା ଅନୁଯାୟୀ, ଏହି ୩୦ଟି ଜାହାଜ ମଧ୍ୟରେ୧୫ଟି ଏଲଏନଜି (LNG) ଓ ଏଲପିଜି (LPG) ଗ୍ୟାସ୍ ବାହୀ ଜାହାଜ,୮ଟି ବଲ୍କ କାର୍ଗୋ ଜାହାଜଏବଂ୭ଟି ଅଶୋଧିତ ତେଲ ବୋଝେଇ ଟ୍ୟାଙ୍କରରହିଛି। ଏହା ବ୍ୟତୀତ ଅନ୍ୟ ଜାହାଜଗୁଡ଼ିକରେ ଉର୍ଜା ସାମଗ୍ରୀ, ସାର ଓ ଅନ୍ୟାନ୍ୟ ଜରୁରୀ ପଣ୍ୟ ପରିବହନ କରାଯାଉଛି।

ରିପୋର୍ଟ ଅନୁସାରେ,୩ଟି ଏନର୍ଜି କାର୍ଗୋ ଜାହାଜ, ୧୦ଟି ସାର ବୋଝେଇ ଜାହାଜ ଏବଂ ୧୩ଟି ଅନ୍ୟାନ୍ୟ ଜରୁରୀ ସାମଗ୍ରୀ ବୋଝେଇ ଜାହାଜମଧ୍ୟ ଏହି ମାର୍ଗରେ ଭାରତ ଅଭିମୁଖେ ଯାତ୍ରା କରୁଛି।

ଏହା ସହ ଆଉ୨୬ଟି ବାଣିଜ୍ୟିକ ଜାହାଜହର୍ମୁଜ୍ ପ୍ରଣାଳୀ ଅତିକ୍ରମ କରିବା ପାଇଁ ପ୍ରସ୍ତୁତ ଥିବା ଜଣାପଡ଼ିଛି। ସାମୁଦ୍ରିକ ଯାତାୟାତ ସ୍ୱାଭାବିକ ହେବା ପରେ ବିଶ୍ୱ ବଜାରରେ ଅଶୋଧିତ ତେଲ ଦରରେ ମଧ୍ୟ ଉଲ୍ଲେଖନୀୟ ହ୍ରାସ ଦେଖାଯାଇଛି, ଯାହା ତେଲ ଆମଦାନୀ ଉପରେ ନିର୍ଭରଶୀଳ ଭାରତ ପାଇଁ ସକାରାତ୍ମକ ଖବର।

ଜାହାଜ ଚଳାଚଳ ମନ୍ତ୍ରଣାଳୟ ଏବଂ ବିଭିନ୍ନ ଗଣମାଧ୍ୟମ ରିପୋର୍ଟ ଅନୁଯାୟୀ, ଭାରତ ଅଭିମୁଖେ ଯାଉଥିବା ସମସ୍ତ ୩୦ଟି ଜାହାଜ ସୁରକ୍ଷିତ ଭାବେ ହର୍ମୁଜ୍ ପ୍ରଣାଳୀ ପାର୍ କରିସାରିଛି। ଏହି ଜାହାଜ ମଧ୍ୟରୁ୧୭ଟି ବିଦେଶୀ ପତାକା ବହନ କରୁଥିବା ଜାହାଜହୋଇଥିଲେ ମଧ୍ୟ ସେଗୁଡ଼ିକର ଗନ୍ତବ୍ୟ ସ୍ଥଳ ଭାରତ ରହିଛି।

ସେଥିମଧ୍ୟରୁ ସର୍ବାଧିକ୫ଟି ଜାହାଜ ମାର୍ଶଲ ଆଇଲ୍ୟାଣ୍ଡରେ ପଞ୍ଜୀକୃତବୋଲି ଜଣାପଡ଼ିଛି। ହର୍ମୁଜ୍ ପ୍ରଣାଳୀରେ ସାମୁଦ୍ରିକ ଚଳାଚଳ ସ୍ୱାଭାବିକ ହେବା ଫଳରେ ଭାରତର ଉର୍ଜା ଯୋଗାଣ, ତେଲ ଆମଦାନୀ ଏବଂ ବିଶ୍ୱ ବାଣିଜ୍ୟ ପାଇଁ ଏହା ଏକ ବଡ଼ ଆଶ୍ୱସ୍ତି ବୋଲି ଧରାଯାଉଛି।