ଚୀନ ରାଷ୍ଟ୍ରପତି ସି ଜିନପିଙ୍ଗଙ୍କ ତିନିଦିନିଆ ଆମେରିକା ଗସ୍ତ ଶେଷ ହେବା ପରେ ଆମେରିକା ଓ ଚୀନ ମଧ୍ୟରେ ବାଣିଜ୍ୟ ସମ୍ପର୍କକୁ ନେଇ ଏକାଧିକ ପଦକ୍ଷେପ ସାମ୍ନାକୁ ଆସିଛି। ଉଭୟ ପକ୍ଷ ୩୦ ବିଲିୟନ ଡଲାର ମୂଲ୍ୟର ଅଣ-ସମ୍ବେଦନଶୀଳ ସାମଗ୍ରୀ ପାଇଁ ପରସ୍ପରକୁ ଅଧିକ ଅନୁକୂଳ ଟାରିଫ୍ ବ୍ୟବସ୍ଥା ଦେବା ନେଇ ସହମତ ହୋଇଛନ୍ତି।

ଏହି ବ୍ୟବସ୍ଥା ଅନୁସାରେ ଆମେରିକାରୁ ରପ୍ତାନି ହେଉଥିବା କୃଷିଜାତ ସାମଗ୍ରୀ, କାଠ ଓ କସମେଟିକ୍ସ ଭଳି ଉତ୍ପାଦ ଏବଂ ଚୀନରୁ ଆମେରିକାକୁ ଆସୁଥିବା କିଛି ଛୋଟ ଘରୋଇ ଉପକରଣ, ଖେଳନା ଓ ସଜାବଟ ସାମଗ୍ରୀ ସାମିଲ ହୋଇପାରେ।

ଏଥିସହ ଉଭୟ ଦେଶAI ନେଇ ଏକ ଔପଚାରିକ ଦ୍ୱିପାକ୍ଷିକ ଆଲୋଚନାଆରମ୍ଭ କରିବାକୁ ସହମତ ହୋଇଛନ୍ତି। AIର ସମ୍ଭାବ୍ୟ ବିପଦ ଓ ଲାଭ ଉପରେ ଆଲୋଚନା ପାଇଁ ପରବର୍ତ୍ତୀ ବୈଠକ ନଭେମ୍ବରରେ ହେବାର କଥା ରହିଛି। AI ସମ୍ବନ୍ଧୀୟ ଘଟଣା ଘଟିଲେ ଦୁଇ ଦେଶ ମଧ୍ୟରେ ଯୋଗାଯୋଗ ପାଇଁ ଏକ ଅଲଗା ଚ୍ୟାନେଲ ମଧ୍ୟ ସ୍ଥାପନ କରାଯିବ।

ବାଣିଜ୍ୟ ଆଲୋଚନାକୁ ଆଗକୁ ବଢ଼ାଇବା ପାଇଁ ଉଭୟ ପକ୍ଷ ଏକTrade Councilଗଠନ କରିବା ଏବଂ ପୂର୍ବରୁ କୁଆଲାଲମ୍ପୁରରେ ହୋଇଥିବା ଆଲୋଚନାର ଫଳାଫଳକୁ ଆଗକୁ ନେବାକୁ ମଧ୍ୟ ସହମତ ହୋଇଛନ୍ତି।

ଏହି ବୁଝାମଣା ପୂର୍ବରୁ ଥିବା ଆମେରିକା-ଚୀନ ଟାରିଫ୍ ଟ୍ରୁସ୍କୁ ଆଉ ଦୁଇ ମାସ ବଢ଼ାଇବା ପରେ ଆସିଛି। ତେବେ ଉଭୟ ଦେଶ ମଧ୍ୟରେ ବାଣିଜ୍ୟ, ପ୍ରଯୁକ୍ତି ଓ ଅନ୍ୟାନ୍ୟ ରଣନୈତିକ ପ୍ରସଙ୍ଗରେ ମତଭେଦ ଜାରି ରହିଛି।

ସି ଜିନପିଙ୍ଗ ତିନିଦିନିଆ ଗସ୍ତ ଶେଷ କରି ଚୀନ ଫେରିଛନ୍ତି। ଏହି ଗସ୍ତରେ ଉଭୟ ଦେଶର ନେତା ବାଣିଜ୍ୟ ସହିତ AI, ନିବେଶ ଓ ସାମରିକ ସଙ୍କଟ ସମୟରେ ଯୋଗାଯୋଗ ଭଳି ବିଷୟ ଉପରେ ମଧ୍ୟ ଆଲୋଚନା କରିଛନ୍ତି।