ନିର୍ବାଚନ କମିଶନରେ SIRକୁ ନେଇ ମତଭେଦର ରିପୋର୍ଟ ପ୍ରକାଶ ପାଇବା ପରେ CEC ଜ୍ଞାନେଶ କୁମାର, ନିର୍ବାଚନ କମିଶନର ସୁଖବୀର ସିଂହ ସାନ୍ଧୁ ଓ ବିବେକ ଯୋଶୀ ଶନିବାର ନୂଆଦିଲ୍ଲୀର ନିର୍ବାଚନ ସଦନରେ ବୈଠକ କରିଛନ୍ତି। ବୈଠକ ପରେ କମିଶନ ପକ୍ଷରୁ SIR, ନୂଆ ଭୋଟର ପଞ୍ଜୀକରଣ, ECINET ଓ ଆଭ୍ୟନ୍ତରୀଣ ପ୍ରଶାସନ ସମ୍ପର୍କରେ ବିଭିନ୍ନ ନିଷ୍ପତ୍ତି ଓ ସ୍ପଷ୍ଟୀକରଣ ଜାରି କରାଯାଇଛି।

SIR ନୋଟିସ୍ ଓ ଶୁଣାଣିରେ ପରିବର୍ତ୍ତନ

SIR ସମୟରେ ଯେଉଁ ଭୋଟରଙ୍କୁ ‘unmapped’ କିମ୍ବା ‘logical discrepancy’ ଦର୍ଶାଇ ନୋଟିସ୍ ଦିଆଯାଇଛି, ସେମାନଙ୍କୁ ସାଧାରଣତଃ ERO କିମ୍ବା AEROଙ୍କ ନିକଟରେ ବ୍ୟକ୍ତିଗତ ଭାବେ ହାଜର ହେବାକୁ ପଡ଼ିବ ନାହିଁ। BLOମାନେ ଘରକୁ ଯାଇ ଆବଶ୍ୟକ ଦସ୍ତାବିଜ ସଂଗ୍ରହ କରି ECINETରେ ଅପଲୋଡ୍ କରିବେ। ଏହା ଆଧାରରେ ERO ନିଷ୍ପତ୍ତି ନେବେ। ବିଶେଷ ପରିସ୍ଥିତିରେ ଶୁଣାଣି ଆବଶ୍ୟକ ହେଲେ ଅନଲାଇନ୍ ମାଧ୍ୟମକୁ ପ୍ରାଥମିକତା ଦିଆଯିବ।

Form 6 ନେଇ ECIର ସ୍ପଷ୍ଟୀକରଣ

ନୂଆ ଭୋଟରଙ୍କ ପଞ୍ଜୀକରଣ ପାଇଁ ବ୍ୟବହୃତ Form 6 ସମ୍ପର୍କରେ ECI କହିଛି ଯେ SIR ସହିତ ଦିଆଯାଉଥିବା ଅତିରିକ୍ତ declarationକୁ ସୁପ୍ରିମକୋର୍ଟ ସମର୍ଥନ କରିଛନ୍ତି। SIR ବାହାରେ Registration of Electors Rules, 1960 ଅନୁସାରେ ନିର୍ଦ୍ଧାରିତ Form 6 ବ୍ୟବହାର କରାଯିବ।

ତେବେ ଏହି ପ୍ରସଙ୍ଗକୁ ନେଇ ପୂର୍ବରୁ ଇଣ୍ଡିଆନ୍ ଏକ୍ସପ୍ରେସ୍‌ର ରିପୋର୍ଟରେ ସାନ୍ଧୁ ଓ ଯୋଶୀଙ୍କ ଆପତ୍ତି ସାମ୍ନାକୁ ଆସିଥିଲା। ସେମାନେ Form 6ରେ SIR ସମ୍ପର୍କିତ ତଥ୍ୟ ଯୋଡ଼ିବାର ପ୍ରକ୍ରିୟା ନେଇ ପ୍ରଶ୍ନ ଉଠାଇଥିବା ରିପୋର୍ଟ ହୋଇଥିଲା।

ECINET ନେଇ ରିଭ୍ୟୁ

ECI କହିଛି ଯେ ଫିଲ୍ଡ ଅଧିକାରୀମାନଙ୍କୁ ସେମାନଙ୍କ ଆଇନଗତ ଦାୟିତ୍ୱ ଅନୁଯାୟୀ ECINETରେ role-based access ଦିଆଯାଉଛି। ଏହା ସହିତ ଜଣେ Senior Deputy Election Commissionerଙ୍କ ଅଧ୍ୟକ୍ଷତାରେ ଏକ କମିଟି ଗଠନ କରାଯିବ। ଏଥିରେ IIT/IIITର ଜଣେ ସ୍ୱାଧୀନ ବିଶେଷଜ୍ଞ ରହିବେ ଏବଂ ECINET ଆଇନ ଓ ନିୟମ ସହ ସମନ୍ୱିତ କି ନାହିଁ, ତାହା ଯାଞ୍ଚ କରି ରିପୋର୍ଟ ଦେବେ।

ଦିଲ୍ଲୀ ଓ ମହାରାଷ୍ଟ୍ରରେ SIR ସମୟସୀମା ବଢ଼ିଲା

ଦିଲ୍ଲୀରେ claims ଓ objections ଦାଖଲ କରିବାର ଶେଷ ତାରିଖ ୩୦ ଅକ୍ଟୋବର ୨୦୨୬କୁ ବଢ଼ାଯାଇଛି। ଏହାର ନିଷ୍ପତ୍ତି ପାଇଁ ନଭେମ୍ବର ୩୦ ପର୍ଯ୍ୟନ୍ତ ସମୟ ଦିଆଯାଇଛି। ମହାରାଷ୍ଟ୍ରରେ claims ଓ objections ପାଇଁ ଶେଷ ତାରିଖ ୧୨ ଅକ୍ଟୋବର, ଏବଂ ନିଷ୍ପତ୍ତି ପାଇଁ ୧୦ ନଭେମ୍ବର ପର୍ଯ୍ୟନ୍ତ ସମୟ ରହିବ।

କ୍ୟାବିନେଟ୍ ସଚିବଙ୍କୁ ଚିଠି ନେଇ ସ୍ପଷ୍ଟୀକରଣ

ସାନ୍ଧୁ ଓ ଯୋଶୀ କ୍ୟାବିନେଟ୍ ସଚିବଙ୍କୁ ପଠାଇଥିବା ଚିଠିକୁ ନେଇ ECI କହିଛି ଯେ ଏହା ଜଣେ ଅଧିକାରୀଙ୍କ କାର୍ଯ୍ୟ ପରିଚାଳନା/ପ୍ରଶାସନିକ ବ୍ୟବସ୍ଥା ସମ୍ପର୍କିତ ଥିଲା; କୌଣସି ନୀତିଗତ ବିଷୟ କିମ୍ବା IT Division ସମ୍ପର୍କିତ ନଥିଲା। ଏହା ସହିତ ଦୁଇ କମିଶନରଙ୍କ ଆଦେଶ ପରେ କାର୍ଯ୍ୟ ବଣ୍ଟନ ସମ୍ପର୍କିତ ଆଦେଶ ଲାଗୁ ହୋଇନଥିବା ଏବଂ IT Division ଉପରେ Deputy Election Commissionerଙ୍କ ନଜରଦାରି କେବେ ହଟାଯାଇନଥିବା ECI କହିଛି।

ECI ଆହୁରି କହିଛି ଯେ କମିଶନରମାନଙ୍କ ମଧ୍ୟରେ ମତାମତ ଭିନ୍ନ ହେବା ନିଷ୍ପତ୍ତି ନେବା ପ୍ରକ୍ରିୟାର ଅଂଶ ଏବଂ ଗତ ବର୍ଷର ନିଷ୍ପତ୍ତିଗୁଡ଼ିକ କମିଶନର ସମ୍ମିଳିତ ଭାବେ ଅନୁମୋଦନ କରିଥିବା ଏହାର ପୂର୍ବ ମତ ରହିଛି।

ଗୋଆରେ SIRରୁ ବାଦ ପଡ଼ିଥିବା ୯୭ ଜଣ ଭୋଟରଙ୍କ ମଧ୍ୟରୁ ୮୧ ଜଣ Form 6 ଦାଖଲ କରିଥିବା ନେଇ ମଧ୍ୟ ECI ସୂଚନା ଦେଇଛି।