ଦେଶରେ UPI ବ୍ୟବହାରକୁ ନେଇ କେନ୍ଦ୍ର ସରକାର ଏକ ବଡ଼ ପରିବର୍ତ୍ତନ ଆଣିବାକୁ ଯାଉଛନ୍ତି।୨,୦୦୦ ଟଙ୍କାରୁ ଅଧିକ ବ୍ୟବସାୟିକ (Merchant) UPI ପେମେଣ୍ଟଉପରେ୦.୨୫%ରୁ ୦.୪୦% ପର୍ଯ୍ୟନ୍ତ Merchant Discount Rate (MDR)ଲାଗୁ କରାଯାଇପାରେ।

ଏହି ପ୍ରସ୍ତାବଟ୍ୟାକ୍ସେସନ୍ ଆଣ୍ଡ ଅଦର୍ ଲଜ୍ (ସଂଶୋଧନ) ବିଲ୍ମାଧ୍ୟମରେ ଆସିଛି, ଯାହାକୁ ଅର୍ଥମନ୍ତ୍ରୀନିର୍ମଳା ସୀତାରମଣଲୋକସଭାରେ ଉପସ୍ଥାପନ କରିଛନ୍ତି। ଏହି ବିଲ୍ ଇଲେକ୍ଟ୍ରୋନିକ୍ ପେମେଣ୍ଟ ଉପରେ MDR ଲାଗୁ କରିବାର ବର୍ତ୍ତମାନର ପ୍ରତିବନ୍ଧକକୁ ହଟାଇବାକୁ ପ୍ରସ୍ତାବ ଦେଇଛି।

ସରକାରୀ ସୂତ୍ର ଅନୁଯାୟୀ,ବ୍ୟକ୍ତିରୁ ବ୍ୟକ୍ତି (P2P) UPI ଟ୍ରାଞ୍ଜାକ୍ସନ ଉପରେ କୌଣସି MDR ଲାଗିବ ନାହିଁ।କେବଳ ବ୍ୟବସାୟିକ ପେମେଣ୍ଟ ଉପରେ ଏହା ଲାଗୁ ହୋଇପାରେ।

ସରକାରଙ୍କ ଆକଳନ ଅନୁଯାୟୀ,୨,୦୦୦ ଟଙ୍କାରୁ ଅଧିକ UPI ଟ୍ରାଞ୍ଜାକ୍ସନ ସଂଖ୍ୟାରେ କେବଳ ୫%, କିନ୍ତୁ ମୂଲ୍ୟ ଅନୁସାରେ ପ୍ରାୟ୬୫%ଅଟେ। ତେଣୁ ଦୈନିକ ଛୋଟ କାରବାର ଯେପରିକି କ୍ଷୀର, ପନିପରିବା, ରାସନ ସାମଗ୍ରୀ କିମ୍ବା ଅଟୋ ଓ ଟ୍ୟାକ୍ସି ଭଡ଼ା ପେମେଣ୍ଟ ଉପରେ ଏହାର କୌଣସି ପ୍ରଭାବ ପଡ଼ିବ ନାହିଁ।

ସରକାରୀ ଅଧିକାରୀମାନେ ସ୍ପଷ୍ଟ କରିଛନ୍ତି ଯେMDR କେବେଠାରୁ ଲାଗୁ ହେବ ସେନେଇ ଏପର୍ଯ୍ୟନ୍ତ ଅନ୍ତିମ ନିଷ୍ପତ୍ତି ହୋଇନାହିଁ।

ଶିଳ୍ପ ସୂତ୍ର ଅନୁଯାୟୀ, ଯଦି ଏହା ଲାଗୁ ହୁଏ ମଧ୍ୟ ସରକାର MDR ଉପରେ ସର୍ବାଧିକ ସୀମା (Cap) ନିର୍ଦ୍ଧାରଣ କରିପାରନ୍ତି। ବହୁ ବ୍ୟବସାୟୀ ଏହି ଅତିରିକ୍ତ ଖର୍ଚ୍ଚକୁ ଗ୍ରାହକଙ୍କ ଉପରେ ନ ପକାଇ ନିଜେ ବହନ କରିବାର ସମ୍ଭାବନା ମଧ୍ୟ ରହିଛି।