UPI ବ୍ୟବହାରକାରୀ ଓ ବ୍ୟବସାୟୀଙ୍କ ପାଇଁ ବଡ଼ ଖବର। ₹୨,୦୦୦ରୁ ଅଧିକ କିଛି UPI Merchant Transactions ଉପରେ ୦.୪% MDR ଲାଗୁ କରିବା ନିୟମକୁ ଏବେ ଘୁଞ୍ଚାଇ ଦିଆଯାଇପାରେ। National Payments Corporation of India (NPCI) ଏହି ନିୟମକୁ ଉତ୍ସବ ଋତୁ ଶେଷ ପର୍ଯ୍ୟନ୍ତ ସ୍ଥଗିତ କରି ଜାନୁଆରୀ ୨୦୨୭ରୁ ଲାଗୁ କରିବା ନେଇ ବିଚାର କରୁଥିବା ରିପୋର୍ଟ ପ୍ରକାଶ ପାଇଛି। 

ମୂଳ ଯୋଜନା ଅନୁସାରେ, ଏହି ୦.୪% MDR ଅକ୍ଟୋବର ୧୫, ୨୦୨୬ରୁ ଲାଗୁ ହେବାର ଥିଲା। କିନ୍ତୁ Merchant Bodies, Fintech Companies ଓ Payment Companies ପକ୍ଷରୁ NPCIକୁ ଏହାର ରୋଲଆଉଟ୍ ବିଳମ୍ବ କରିବାକୁ ଅନୁରୋଧ କରାଯାଇଛି।

କାହିଁକି ହେଉଛି ବିଳମ୍ବ?

ରିପୋର୍ଟ ଅନୁସାରେ, UPIର ବିଭିନ୍ନ ପ୍ରକାର ଲେଣଦେଣରେ MDR କିପରି ଲାଗୁ ହେବ, ସେନେଇ ବ୍ୟବସାୟୀ ଓ Payment Industry ମଧ୍ୟରେ ଏବେ ବି ଅନେକ ଦ୍ୱନ୍ଦ୍ୱ ରହିଛି।

ବିଶେଷକରି Utility Payments, Loan Repayments, Capital Market Transactions ଭଳି ଲେଣଦେଣରେ ଭିନ୍ନ ଭିନ୍ନ MDR ବା Flat Fee ରହିଥିବାରୁ ଏହାକୁ କାର୍ଯ୍ୟକାରୀ କରିବା ନେଇ Payment Companies ଅଧିକ ସ୍ପଷ୍ଟତା ଚାହୁଁଛନ୍ତି। 

୦.୪% MDR ମାନେ କେତେ ଟଙ୍କା?

ଯଦି ଏହି ନିୟମ ଲାଗୁ ହୁଏ, ତେବେ ୦.୪% ହାରରେ—

• ₹୨,୦୦୦ ଲେଣଦେଣରେ MDR = ₹୮
• ₹୫,୦୦୦ ଲେଣଦେଣରେ MDR = ₹୨୦
• ₹୧୦,୦୦୦ ଲେଣଦେଣରେ MDR = ₹୪୦

ଏହି ଚାର୍ଜ ବିଶେଷ କିଛି ₹୨,୦୦୦ରୁ ଅଧିକ Person-to-Merchant (P2M) UPI Transactions ପାଇଁ ପ୍ରସ୍ତାବିତ। 

ସାଧାରଣ UPI ବ୍ୟବହାରକାରୀଙ୍କୁ ଚାର୍ଜ ଦେବାକୁ ପଡ଼ିବ କି?

ସରକାରଙ୍କ ପୂର୍ବ ଘୋଷଣା ଅନୁସାରେ, MDR ମୁଖ୍ୟତଃ Merchant Sideରେ ଲାଗୁ ହେବ ଏବଂ ଗ୍ରାହକଙ୍କ ଉପରେ ଏହାକୁ ସିଧାସଳଖ ଚାର୍ଜ ଭାବେ ଲଗାଯିବା ଉଚିତ ନୁହେଁ। ₹୨,୦୦୦ ପର୍ଯ୍ୟନ୍ତ UPI Merchant Payments ଏବଂ Person-to-Person (P2P) Payments ମଧ୍ୟ ମୁକ୍ତ ରହିବାକୁ କୁହାଯାଇଛି। 

Loan Repaymentକୁ ନେଇ ମଧ୍ୟ ଦ୍ୱନ୍ଦ୍ୱ

Loan Repayment ମଧ୍ୟ MDR ନିୟମର ଏକ ଜଟିଳ ଅଂଶ ହୋଇଛି। NPCI ନିର୍ଦ୍ଦେଶ ଅନୁସାରେ Auto-debit ମାଧ୍ୟମରେ Loan Payment ପାଇଁ ₹୫ Flat Feeର ବ୍ୟବସ୍ଥା ରହିଛି। କିନ୍ତୁ Auto-debit ବିଫଳ ହୋଇ ପରେ ଗ୍ରାହକ Manual Payment କଲେ ତାହାକୁ କେଉଁ ଶ୍ରେଣୀରେ ରଖାଯିବ, ସେନେଇ ଏବେ ବି ସ୍ପଷ୍ଟତାର ଆବଶ୍ୟକତା ରହିଛି। 

ଅନ୍ତିମ ନିଷ୍ପତ୍ତି ହୋଇଛି କି?

ନା। NPCI ଏପର୍ଯ୍ୟନ୍ତ MDR ବିଳମ୍ବ କରିବା ନେଇ ଅନ୍ତିମ ନିଷ୍ପତ୍ତି ଘୋଷଣା କରିନାହିଁ। ରିପୋର୍ଟ ଅନୁସାରେ Finance Ministry ସହ ଆଲୋଚନା ଚାଲିଛି ଏବଂ ଖୁବଶୀଘ୍ର ନିଷ୍ପତ୍ତି ଆସିପାରେ। ତେଣୁ ଜାନୁଆରୀ ୨୦୨୭ରୁ MDR ଲାଗୁ ହେବ ବୋଲି ଏବେଠାରୁ ନିଶ୍ଚିତ ଭାବେ କୁହାଯାଇପାରିବ ନାହିଁ।