ମୟୂରଭଞ୍ଜ ଜିଲ୍ଲାର ଉଡଳା ଅଞ୍ଚଳରେ ଚିକିତ୍ସା ସେବାକୁ ନେଇ ଗୁରୁତର ପ୍ରଶ୍ନ ଉଠିଛି। ଖଳାଡ଼ି ଗ୍ରାମର ଲରେନ୍ସ ଖଣ୍ଡେଇ ନାମକ ଜଣେ ବ୍ୟକ୍ତିଙ୍କୁ ମେୟାଦଉତ୍ତୀର୍ଣ୍ଣ ଓ ଅଯୋଗ୍ୟ ଔଷଧ ଦିଆଯାଇଥିବା ଅଭିଯୋଗ ସମ୍ମୁଖକୁ ଆସିଛି।
ସୂଚନା ଅନୁଯାୟୀ, ଲରେନ୍ସ ଦୀର୍ଘଦିନ ଧରି ଖୁଜୁଳି ସମସ୍ୟାରେ ପୀଡ଼ିତ ଥିଲେ ଏବଂ ଏଥିରୁ ଘାଁ ହୋଇଥିଲା। ସେ ଉଡଳା ମେଡିକାଲକୁ ଯାଇ ଚିକିତ୍ସା କରାଇଥିଲେ ଓ ଡାକ୍ତରଙ୍କ ଦେଇଥିବା ଔଷଧ ନେଇ ଘରକୁ ଫେରିଥିଲେ।
କିନ୍ତୁ ପରେ ଔଷଧ ପରୀକ୍ଷା କରି ସେ ଜାଣିଥିଲେ ଯେ, ତାଙ୍କୁ ଦିଆଯାଇଥିବା ଔଷଧ ୨୦୨୫ରେ ମେୟାଦ ଶେଷ ହୋଇଯାଇଛି। ସେଥିସହ ତାଙ୍କ ପରିବାର ଅଭିଯୋଗ କରିଛନ୍ତି ଯେ, ଯେଉଁ ଲୋସନ୍ ଦିଆଯାଇଥିଲା ସେଟି ଚର୍ମ ରୋଗ ପାଇଁ ଉପଯୁକ୍ତ ନୁହେଁ, ବରଂ କାନରେ ବ୍ୟବହାର କରାଯାଉଥିବା ଡ୍ରପ୍ସ ଥିଲା।
ଅଭିଯୋଗକାରୀ ଝରମଣୀ ଖଣ୍ଡେଇ କହିଛନ୍ତି ଯେ, ଔଷଧ ନେଇ ଆସିବା ପରେ ତାଙ୍କ ପୁଅ ଏହା ବ୍ୟବହାର କରିଥିଲେ, କିନ୍ତୁ ପରେ ଏହାର ମେୟାଦ ଶେଷ ହୋଇଥିବା ଜାଣିଥିଲେ। ସେ ତାଙ୍କୁ ଏହା ବ୍ୟବହାର ନକରିବାକୁ କହିଥିଲେ ଓ ପୁଣି ହସ୍ପିଟାଲକୁ ନେଇଯାଇଥିଲେ। କିନ୍ତୁ ସେଠାରେ ହସ୍ପିଟାଲ ପକ୍ଷରୁ ଏହି ଔଷଧ ଦେଇନଥିବା କଥା କୁହାଯାଇଥିଲା।
ଉଡଳାର ସବ୍-ଡିଭିଜନାଲ ମେଡିକାଲ ଅଫିସର (SDMO) ଏହି ଅଭିଯୋଗକୁ ଖଣ୍ଡନ କରିଛନ୍ତି। ସେ କହିଛନ୍ତି ଯେ, ଏହି ଔଷଧ ନାହିଁ ହସ୍ପିଟାଲରୁ ଦିଆଯାଇଛି, ନାହିଁ ଏହା ତାଙ୍କ ଷ୍ଟକ୍ରେ ରହିଛି।
ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଚିନ୍ତା ଓ ଆଲୋଚନା ବଢ଼ିଛି। ରୋଗୀ ପକ୍ଷ ଓ ହସ୍ପିଟାଲ ପକ୍ଷର ମଧ୍ୟରେ ବିପରୀତ ଦାବି ଥିବାରୁ ଘଟଣାର ସତ୍ୟାସତ୍ୟ ନେଇ ପ୍ରଶ୍ନ ଉଠିଛି।
୨୦୨୭ ମସିହାର ODI ବିଶ୍ୱକପ୍ରେ ବିରାଟ କୋହଲି ଓ ରୋହିତ ଶର୍...
ମେଷ : ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ପରିଶ୍...
ଭାରତୀୟ କ୍ରିକେଟ ଦଳର ଯୁବ ଦ୍ରୁତ ବୋଲର ଆକାଶ ଦୀପ ନିଜ ଜୀବ...
ମେଷ : ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ଦକ୍ଷତାର...
ନୂତନ ସପ୍ତାହର ଆରମ୍ଭ ସହ ଗ୍ରହ-ନକ୍ଷତ୍ରର ଗତିବିଧିରେ ହେଉଥ...
କିଛି ସ୍ୱପ୍ନ ବୟସ ଦେଖି ଆସେ ନାହିଁ, ବରଂ ଦୃଢ଼ ପରିଶ୍ରମ ଓ...
ଚଳିତ ଫିଫା ବିଶ୍ୱକପ୍ରେ ୨୦୧୮ ଉପବିଜେତା କ୍ରୋଏସିଆ ନିଜର ପ...
ନୂତନ ସପ୍ତାହର ଆରମ୍ଭ ସହ ଗ୍ରହ-ନକ୍ଷତ୍ରର ସ୍ଥିତିରେ ହେଉଥି...
