ତୁର୍କୀର Ayser Calık Secondary School ରେ ଏକ ଦୁଃଖଦ ଓ ଭୟାବହ ଗୁଳିକାଣ୍ଡ ଘଟିଛି। ଏହି ଘଟଣାରେ କମ୍ତରେ ୪ ଜଣଙ୍କ ମୃତ୍ୟୁ ଘଟିଥିବା ବେଳେ, ମୃତକମାନଙ୍କ ମଧ୍ୟରେ ୩ ଜଣ ଛାତ୍ର ଏବଂ ୧ ଜଣ ଶିକ୍ଷକ ଅଛନ୍ତି।

ସ୍ଥାନୀୟ ପ୍ରଶାସନ ଅନୁସାରେ ଏହି ଗୁଳିକାଣ୍ଡରେ ପ୍ରାୟ ୨୦ ଜଣ ଆହତ ହୋଇଛନ୍ତି। ଆହତମାନଙ୍କୁ ତୁରନ୍ତ ଆମ୍ବୁଲାନ୍ସ ଯୋଗେ ହସ୍ପିଟାଲକୁ ନିଆଯାଇଛି ଏବଂ ଚିକିତ୍ସା ଜାରି ରହିଛି।

ପ୍ରଶାସନ ପକ୍ଷରୁ ସ୍ପଷ୍ଟ କରାଯାଇଛି ଯେ ଆକ୍ରମଣକାରୀ ସେହି ସ୍କୁଲରେ ପଢୁଥିବା ୮ମ ଶ୍ରେଣୀର ଜଣେ ଛାତ୍ର ଥିଲା। ରିପୋର୍ଟ ଅନୁଯାୟୀ, ସେ ତାଙ୍କ ବାପାଙ୍କ ଗନ୍କୁ ବ୍ୟାଗ୍ରେ ନେଇ ସ୍କୁଲକୁ ଆଣିଥିଲା। ଆକ୍ରମଣ ସମୟରେ ଆକ୍ରମଣକାରୀ ମଧ୍ୟ ମୃତ୍ୟୁବରଣ କରିଛି। ଏହି ଘଟଣାର କାରଣ (ମୋଟିଭ୍) ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ ଏବଂ ତଦନ୍ତ ଚାଲିଛି।

ଘଟଣା ସହିତ ସହିତ ଆପାତକାଳୀନ ଟିମ୍, ସୁରକ୍ଷା ବାହିନୀ ଏବଂ ପୋଲିସ ଘଟଣାସ୍ଥଳରେ ପହଞ୍ଚି ସ୍କୁଲ ପରିସରକୁ ସିଲ୍ କରିଥିଲେ। ଅଞ୍ଚଳକୁ କର୍ଡନ୍ କରାଯାଇ ସୁରକ୍ଷା ବଢ଼ାଯାଇଛି। ଗଭର୍ନର Mukerrem Unluer ମୃତ୍ୟୁ ଓ ଆହତ ସଂଖ୍ୟା ନିଶ୍ଚିତ କରିଥିବା ସହ ତଦନ୍ତ ଜାରି ଥିବା କଥା କହିଛନ୍ତି।

ଏହା ଗତ ୪୮ ଘଣ୍ଟା ମଧ୍ୟରେ ତୁର୍କୀର ଦ୍ୱିତୀୟ ସ୍କୁଲ ଗୁଳିକାଣ୍ଡ। ଏହା ପୂର୍ବଦିନ Sanliurfa ଅଞ୍ଚଳରେ ଘଟିଥିବା ଗୁଳିକାଣ୍ଡରେ ୧୬ ଜଣ ଆହତ ହୋଇଥିଲେ। ସେହି ଘଟଣାରେ ଆକ୍ରମଣକାରୀ ୧୭ ବର୍ଷୀୟ ପୂର୍ବତନ ଛାତ୍ର ଥିଲା ଏବଂ ଗୁଳିକାଣ୍ଡ ପରେ ସେ ଆତ୍ମହତ୍ୟା କରିଥିଲା।

ଲଗାତାର ଦୁଇଟି ଘଟଣା ପରେ ତୁର୍କୀରେ ସ୍କୁଲ ସୁରକ୍ଷା, ଛାତ୍ରଛାତ୍ରୀଙ୍କ ହାତକୁ ଅସ୍ତ୍ର ପହଞ୍ଚିବା ଓ ମାନସିକ ସ୍ୱାସ୍ଥ୍ୟ ସମସ୍ୟା ନେଇ ଚର୍ଚ୍ଚା ତୀବ୍ର ହୋଇଛି। ସରକାର ଓ ପ୍ରଶାସନ ସ୍କୁଲ ସୁରକ୍ଷା ବ୍ୟବସ୍ଥାକୁ ପୁନଃ ସମୀକ୍ଷା କରିବା ନେଇ ପଦକ୍ଷେପ ନେବାର ସମ୍ଭାବନା ରହିଛି।