ଓଡ଼ିଶାର ଅନୁଗୁଳ ଜିଲ୍ଲାରେ ଶନିବାର ଏକ ଭୟାବହ ସଡ଼କ ଦୁର୍ଘଟଣା ଘଟିଛି। ଜାତୀୟ ରାଜପଥ-୧୪୯ର ଗଙ୍ଗାଧରପୁର ନିକଟରେ ହାଇୱା ଓ ଏକ ଟ୍ରକ୍ ମଧ୍ୟରେ ମୁହାଁମୁହିଁ ଧକ୍କା ହେବାରୁ ଜଣେ ଟ୍ରକ୍ ଚାଳକଙ୍କ ମୃତ୍ୟୁ ଘଟିଛି।
ମୃତକଙ୍କୁ ପ୍ରଶାନ୍ତ ସାହୁ ବୋଲି ଚିହ୍ନଟ କରାଯାଇଛି। ସେ ଦୁର୍ଘଟଣାଗ୍ରସ୍ତ ଟ୍ରକ୍ର ଚାଳକ ଥିଲେ। ଅନ୍ୟପଟେ ହାଇୱା ଚାଳକ ଗୁରୁତର ଆହତ ହୋଇଥିବାବେଳେ ତାଙ୍କୁ ଉଦ୍ଧାର କରି ଖମାର କମ୍ୟୁନିଟି ହେଲ୍ଥ ସେଣ୍ଟରରେ ଭର୍ତ୍ତି କରାଯାଇଛି।
ସୂଚନା ଅନୁସାରେ, ଖମାର ପଟୁ ଆସୁଥିବା ପାଉଁଶ ବୋଝେଇ ହାଇୱାଟି ଗଙ୍ଗାଧରପୁର ନିକଟରେ ବିପରୀତ ଦିଗରୁ ଆସୁଥିବା ଏକ ଖାଲି ଟ୍ରକ୍ ସହ ଧକ୍କା ହୋଇଥିଲା। ଧକ୍କା ପରେ ହାଇୱାରେ ହଠାତ୍ ନିଆଁ ଲାଗି ଯାଇଥିଲା ଏବଂ ଗାଡ଼ିଟି ସମ୍ପୂର୍ଣ୍ଣ ଜଳି ଯାଇଥିଲା।
ଖବର ପାଇ ସାମଲ ପୋଲିସ ଓ କଣିହା ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ। ଦୁର୍ଘଟଣା ଯୋଗୁଁ ଏନ୍ଏଚ୍-୧୪୯ରେ ଦୀର୍ଘ ସମୟ ଧରି ଯାତାୟାତ ବାଧାପ୍ରାପ୍ତ ହୋଇଥିଲା। ପୋଲିସ ଗାଡ଼ିଗୁଡ଼ିକୁ ରାସ୍ତାରୁ ହଟାଇ ଯାତାୟାତ ସ୍ୱାଭାବିକ କରିଥିଲା।
ମୃତ ଚାଳକଙ୍କ ମୃତଦେହ ବ୍ୟବଚ୍ଛେଦ ପାଇଁ ପଠାଯାଇଛି। ଦୁର୍ଘଟଣାର ପ୍ରକୃତ କାରଣ ଜାଣିବାକୁ ସାମଲ ପୋଲିସ ତଦନ୍ତ ଆରମ୍ଭ କରିଛି।
ହୀରାକୁଦ ଜଳଭଣ୍ଡାରରୁ ଛଡ଼ାଯାଇଥିବା ଚଳିତ ଋତୁର ପ୍ରଥମ ବନ୍...
ଉତ୍ତର ପ୍ରଦେଶର ଗାଜିଆବାଦରେ ପ୍ରବଳ ବର୍ଷା ଏକ ଦୁଃଖଦ ଘଟଣା...
ଓଡ଼ିଶାର ଷ୍ଟାର୍ ସ୍ପ୍ରିଣ୍ଟର ଅନୀମେଷ କୁଜୁର ଅନ୍ତର୍ଜାତୀୟ...
ଓଡ଼ିଶାରେ ଆସନ୍ତା ସାତ ଦିନ ଧରି ବର୍ଷାର ପ୍ରଭାବ ଜାରି ରହି...
ନିଶା କାରବାର ଓ କଫ୍ ସିରପ୍ର ଦୁରୁପଯୋଗକୁ ରୋକିବା ପାଇଁ କେ...
ରଥଯାତ୍ରା ପୂର୍ବରୁ ଓଡ଼ିଶାରେ ପୁଣି ବର୍ଷାର ପ୍ରଭାବ ବଢ଼ିବ...
ଡାଇବେଟିସ୍ ବା ମଧୁମେହରେ ପୀଡ଼ିତ ଲୋକଙ୍କ ପାଇଁ ଆସିଛି ବଡ଼...
ରାଜଧାନୀ ଭୁବନେଶ୍ୱରରେ ବିହାରୀ ଲାଲ ସ୍ପୋର୍ଟସ ଟ୍ରଷ୍ଟର ବା...
ଭାରତୀୟ ଟି-୨୦ ଦଳରେ ସଞ୍ଜୁ ସାମସନଙ୍କ ସ୍ଥାନରେ କିଶୋର ବ୍ୟ...
ଦେଶରେ ପୁଣିଥରେ କରୋନା ସଂକ୍ରମଣକୁ ନେଇ ସତର୍କତା ବଢ଼ିଛି।...
ମୟୂରଭଞ୍ଜ ଜିଲ୍ଲାରେ କର୍କଟ ରୋଗୀଙ୍କ ସଂଖ୍ୟା କ୍ରମାଗତ ଭାବ...
ଫିଫା ବିଶ୍ୱକପ୍ ୨୦୨୬ର କ୍ୱାର୍ଟର ଫାଇନାଲରେ ସ୍ପେନ୍ ଦମଦାର...
