ମହାପ୍ରଭୁ ଶ୍ରୀଜଗନ୍ନାଥଙ୍କ ପ୍ରତି ଓଡ଼ିଆଙ୍କ ଅଗାଧ ଭକ୍ତି ଓ ଆସ୍ଥାକୁ ସମ୍ମାନ ଜଣାଇ Tarang+ OTT ଏକ ସ୍ୱତନ୍ତ୍ର ‘ଜଗନ୍ନାଥ ସ୍ପେଶାଲ୍ କଲେକ୍ସନ୍’ ଆରମ୍ଭ କରିଛି। ଏହି କଲେକ୍ସନ୍ରେ ମହାପ୍ରଭୁଙ୍କ ମହିମା, ଓଡ଼ିଆ ସଂସ୍କୃତି ଓ ପରିବାରିକ ମୂଲ୍ୟବୋଧକୁ ନେଇ ନିର୍ମିତ ବହୁ ଲୋକପ୍ରିୟ ଚଳଚ୍ଚିତ୍ର ନିଳାଦ୍ରି ବିଜେ ଅର୍ଥାତ୍ ଜୁଲାଇ ୨୭ ପର୍ଯ୍ୟନ୍ତ ସମ୍ପୂର୍ଣ୍ଣ ମାଗଣାରେ ଦେଖିହେବ।

ଏହି ତାଲିକାରେ ‘ଚାରିଧାମ’, ‘ଡୋରି ଲାଗିଛି କାଳିଆ ପାଖେ’, ‘ବିଶ୍ୱକର୍ମା’, ‘ଜଗା ହାତରେ ପଘା’, ‘ବିନ୍ଦୁସାଗର’, ‘ତୁ ମୋ ସୁଭଦ୍ରା ମୁଁ ତୋ ଜଗା’ ଏବଂ ‘ମୋ ଭାଇ ଜଗା’ ଭଳି ଚଳଚ୍ଚିତ୍ର ସାମିଲ ହୋଇଛି।

ଅନୁଭବ ମହାନ୍ତିଙ୍କ ଅଭିନୀତ ‘ଚାରିଧାମ’ ଏକ ପୁଅର ନିଜ ବାପା-ମାଆଙ୍କ ଚାରିଧାମ ଯାତ୍ରା ସ୍ୱପ୍ନ ପୂରଣର ସଂଘର୍ଷକୁ ନେଇ ନିର୍ମିତ ହୋଇଥିବା ବେଳେ, ‘ବିନ୍ଦୁସାଗର’ ଭୁବନେଶ୍ୱରର ଆଧ୍ୟାତ୍ମିକ ପରିବେଶକୁ ନେଇ ଏକ ଭାବପ୍ରବଣ କାହାଣୀ ପ୍ରସ୍ତୁତ କରିଛି।

‘ଡୋରି ଲାଗିଛି କାଳିଆ ପାଖେ’ ଭଳି ଚଳଚ୍ଚିତ୍ର ଭକ୍ତ ଓ ମହାପ୍ରଭୁଙ୍କ ମଧ୍ୟରେ ଥିବା ଅଦୃଶ୍ୟ ଭକ୍ତିର ସମ୍ପର୍କକୁ ଉଜାଗର କରୁଛି। ଏହା ସହିତ ଅନ୍ୟ ଚଳଚ୍ଚିତ୍ରଗୁଡ଼ିକ ମଧ୍ୟ ଓଡ଼ିଆ ପରମ୍ପରା, ପରିବାର ଓ ଭକ୍ତିଭାବର ସୁନ୍ଦର ସମନ୍ୱୟକୁ ଦର୍ଶାଉଛି।

Tarang+ ପକ୍ଷରୁ କୁହାଯାଇଛି ଯେ, ନିଳାଦ୍ରି ବିଜେ ଦିନ ପର୍ଯ୍ୟନ୍ତ ଏହି ସମସ୍ତ ଚଳଚ୍ଚିତ୍ର ମାଗଣାରେ ଉପଲବ୍ଧ ରହିବ। ତେଣୁ ଭକ୍ତମାନେ ଘରେ ବସି ମହାପ୍ରଭୁଙ୍କ ମହିମାକୁ ଅନୁଭବ କରିବାର ଏହି ସୁଯୋଗକୁ ହାତଛଡ଼ା ନ କରିବାକୁ ଆହ୍ୱାନ କରାଯାଇଛି।