କେନ୍ଦ୍ରାପଡ଼ା ଜିଲ୍ଲାର ତାଳଚୁଆ ମେରିନ ଥାନା ବିରୋଧରେ ଗୁରୁତର ପୋଲିସ ନିର୍ଯାତନା ଅଭିଯୋଗ ସାମ୍ନାକୁ ଆସିଛି। ଜଣେ ମହିଳା ଓ ତାଙ୍କ ପୁଅ ପୋଲିସ କର୍ମଚାରୀଙ୍କ ଦ୍ୱାରା ଥାନା ଭିତରେ ଥର୍ଡ ଡିଗ୍ରୀ ଟର୍ଚର କରାଯାଇଥିବା ଅଭିଯୋଗ କରିଛନ୍ତି।
ଅଭିଯୋଗକାରୀ ମା’-ପୁଅଙ୍କ ପରିଚୟ ଅନ୍ନପୂର୍ଣ୍ଣା ମଣ୍ଡଳ ଓ ଅନନ୍ତ ମଣ୍ଡଳ ଭାବେ ଜଣାପଡ଼ିଛି। ପରିବାରିକ ବିବାଦକୁ ନେଇ ଅନ୍ନପୂର୍ଣ୍ଣାଙ୍କ ସ୍ୱାମୀ ପୋଲିସରେ ଅଭିଯୋଗ କରିଥିବା ପରେ ସେମାନଙ୍କୁ ଥାନାକୁ ଡାକାଯାଇଥିଲା।
ମା’-ପୁଅଙ୍କ ଅଭିଯୋଗ ଅନୁଯାୟୀ, ମହିଳା କନଷ୍ଟେବଳ ସନ୍ଧ୍ୟାରାଣୀ ଜେନା ସେମାନଙ୍କୁ ମଙ୍ଗଳବାର ସନ୍ଧ୍ୟା ପ୍ରାୟ ୪ଟା ସମୟରେ ଥାନାକୁ ଡାକିଥିଲେ ଏବଂ ମଧ୍ୟରାତ୍ରି ପର୍ଯ୍ୟନ୍ତ ଅଟକ ରଖିଥିଲେ। ଏହି ସମୟରେ ପୋଲିସ କର୍ମଚାରୀମାନେ ଅଶ୍ଳୀଳ ଭାଷାରେ ଗାଳିଗୁଲଜ କରିବା ସହ ମାଡ଼ ମାରିଥିବା ସେମାନେ ଅଭିଯୋଗ କରିଛନ୍ତି।
ଅନ୍ନପୂର୍ଣ୍ଣା ମଣ୍ଡଳ କହିଛନ୍ତି ଯେ, ଥାନା ଭିତରେ ତାଙ୍କୁ ଲାଠିରେ ପିଟାଯାଇଥିଲା। “ଶ୍ୱଶୁର ଓ ସ୍ୱାମୀଙ୍କ କଥା କାହିଁକି ଶୁଣୁନାହଁ ବୋଲି ପଚାରି ମୋତେ ନିରନ୍ତର ମାଡ଼ ମାରାଯାଇଥିଲା,” ବୋଲି ସେ ଅଭିଯୋଗ କରିଛନ୍ତି। ସେ ଆହୁରି ଦାବି କରିଛନ୍ତି ଯେ, ତାଙ୍କୁ ଅର୍ଦ୍ଧନଗ୍ନ ଅବସ୍ଥାରେ ପୁଅ ସାମ୍ନାରେ ନିର୍ଯାତନା ଦିଆଯାଇଥିଲା।
ଅନ୍ୟପଟେ ଅନନ୍ତ ମଣ୍ଡଳ ମଧ୍ୟ ପୋଲିସ ବିରୋଧରେ ମାଡ଼ ମାରିବା ଅଭିଯୋଗ କରିଛନ୍ତି। ସେ କହିଛନ୍ତି ଯେ, ପରିବାରିକ ଅଶାନ୍ତିକୁ ନେଇ ପୋଲିସ ସେମାନଙ୍କୁ ଥାନାକୁ ଡାକିଥିଲା ଏବଂ ପରେ ଟଏଲେଟ ଭିତରକୁ ନେଇ ଜଣେ ହାବିଲଦାର ଓ ଜଣେ ମହିଳା ଅଧିକାରୀ ତାଙ୍କୁ ଓ ତାଙ୍କ ମା’ଙ୍କୁ ମାଡ଼ ମାରିଥିଲେ।
ଏହି ଅଭିଯୋଗ ପରେ ସ୍ଥାନୀୟ ଅଞ୍ଚଳରେ ଚର୍ଚ୍ଚା ଜୋର ଧରିଛି। ପୋଲିସ ଥାନାରେ ପରିବାରିକ ବିବାଦ ମାମଲାରେ ଡାକାଯାଇଥିବା ଲୋକଙ୍କ ସହ ବ୍ୟବହାରକୁ ନେଇ ପ୍ରଶ୍ନ ଉଠିଛି।
ଏହି ଅଭିଯୋଗକୁ ଖଣ୍ଡନ କରିଛନ୍ତି ପୋଲିସ ଅଧିକାରୀ ସନ୍ଧ୍ୟାରାଣୀ ଜେନା। ସେ କହିଛନ୍ତି ଯେ, ପରିବାରିକ ବିବାଦ ସମାଧାନ ପାଇଁ ସେମାନଙ୍କୁ ଚାରି ଘଣ୍ଟା ସମୟ ଦିଆଯାଇଥିଲା ଏବଂ ଥାନାର ସିସିଟିଭି ଫୁଟେଜ ଯାଞ୍ଚ କରାଯାଇପାରିବ।
ଓଡ଼ିଶାରେ ବର୍ଷାରୁ ଏବେ ମଧ୍ୟ ନିସ୍ତାର ମିଳୁନାହିଁ। ରାଜ୍ୟ...
ଜେଲ୍‌ରେ ଥିବା ଜମ୍ମୁ-କଶ୍ମୀର ଲିବରେସନ୍ ଫ୍ରଣ୍ଟ (JK...
ତିବ୍ବତର ଗ୍ୟିରୋଙ୍ଗ ବନ୍ଦରରେ ହୋଇଥିବା ଭୟଙ୍କର ଆକସ୍ମିକ ବ...
ଜମ୍ମୁ-କଶ୍ମୀରରେ କଶ୍ମୀରୀ ପଣ୍ଡିତ କର୍ମଚାରୀଙ୍କୁ ଧମକ ମିଳ...
ଦିଲ୍ଲୀ ଜଳ ବୋର୍ଡ (DJB)ର ସିୱେଜ୍ ଟ୍ରିଟମେଣ୍ଟ ପ୍ଲାଣ୍ଟ ପ...
ଇଂଲଣ୍ଡ ଓ ପାକିସ୍ତାନ ମଧ୍ୟରେ ଲର୍ଡ୍ସରେ ଚାଲିଥିବା ଟେଷ୍ଟକ...
କୋଲକାତାର କ୍ୟାମାକ୍ ଷ୍ଟ୍ରିଟ୍‌ରେ ଥିବା ତୃଣମୂଳ କଂଗ...
ଶିରୋମଣି ଅକାଳୀ ଦଳ (ପୁନର ସୁରଜିତ) ବିଜେପି ସହ ମେଣ୍ଟକୁ ନ...
୨୦୨୭ ବିଧାନସଭା ନିର୍ବାଚନ ପୂର୍ବରୁ ଉତ୍ତରପ୍ରଦେଶ, ପଞ୍ଜାବ...
