କୋଲକାତା: ରଣବୀର କପୁରଙ୍କ ଅଭିନୀତ ଚର୍ଚ୍ଚିତ ପୌରାଣିକ ଫିଲ୍ମ ‘ରାମାୟଣ: ରାଇଜ୍ ଅଫ୍ ଏ ଲିଜେଣ୍ଡ’କୁ ନେଇ ପଶ୍ଚିମବଙ୍ଗର ସିନେମା ହଲ୍ରେ ଏକ ନୂଆ ବ୍ୟବସ୍ଥା ଆରମ୍ଭ ହୋଇଛି। ଫିଲ୍ମର ପ୍ରଦର୍ଶନ ସମୟରେ ଅଡିଟୋରିୟମ୍ ଭିତରେ ଦର୍ଶକଙ୍କୁ କେବଳ ନିରାମିଷ ଖାଦ୍ୟ ଦିଆଯିବ। SVF Cinemas ପକ୍ଷରୁ ଏହି ନିଷ୍ପତ୍ତି ନିଆଯାଇଛି।
କମ୍ପାନୀ କହିଛି ଯେ, ରାମାୟଣ କେବଳ ଏକ ଚଳଚ୍ଚିତ୍ର ନୁହେଁ; ଅନେକ ଦର୍ଶକଙ୍କ ପାଇଁ ଏହା ଧାର୍ମିକ ଆସ୍ଥା ଓ ଭକ୍ତି ସହ ଜଡ଼ିତ। ତେଣୁ ଦର୍ଶକଙ୍କ ଭାବନାକୁ ସମ୍ମାନ ଜଣାଇ ଏହି ବ୍ୟବସ୍ଥା କରାଯାଇଛି।
SVF Cinemas ପଶ୍ଚିମବଙ୍ଗର ୩୦ଟି ସ୍ଥାନରେ ମଲ୍ଟିପ୍ଲେକ୍ସ ପରିଚାଳନା କରୁଛି। କମ୍ପାନୀ ସ୍ପଷ୍ଟ କରିଛି ଯେ, ହଲ୍ ଭିତରେ ଆମିଷ ଖାଦ୍ୟ ପରିବେଷଣ ଉପରେ ଏହି କଟକଣା କେବଳ ‘ରାମାୟଣ: ରାଇଜ୍ ଅଫ୍ ଏ ଲିଜେଣ୍ଡ’ର ପ୍ରଦର୍ଶନ ସମୟରେ ରହିବ।
ଅନ୍ୟ ସମସ୍ତ ଫିଲ୍ମର ଶୋ’ ସମୟରେ ପୂର୍ବଭଳି ଆମିଷ ଓ ନିରାମିଷ ଖାଦ୍ୟ ମିଳିବ। ଏପରିକି ରାମାୟଣ ଶୋ’ ସମୟରେ ମଧ୍ୟ ହଲ୍ ବାହାରେ ଥିବା ଫୁଡ୍ କାଉଣ୍ଟରରେ ଆମିଷ ଖାଦ୍ୟ ଉପଲବ୍ଧ ରହିବ ବୋଲି କମ୍ପାନୀ ସ୍ପଷ୍ଟ କରିଛି।
SVF Cinemasର ମୁଖପାତ୍ରଙ୍କ କହିବା ଅନୁସାରେ, ରାମାୟଣ ଫିଲ୍ମରେ ହନୁମାନ ଚାଳିଶା ବାଜିବା ସମୟରେ ଅଡିଟୋରିୟମ୍ର ପରିବେଶ ମନ୍ଦିର ଭଳି ଅନୁଭବ ହୁଏ। ଦର୍ଶକଙ୍କ ଭକ୍ତି ଓ ଭାବନାକୁ କମ୍ପାନୀ ମଧ୍ୟ ଅନୁଭବ କରୁଛି। ତେଣୁ ଏକ ଛୋଟ ଓ ଆନ୍ତରିକ ପଦକ୍ଷେପ ଭାବେ ହଲ୍ ଭିତରେ କେବଳ ନିରାମିଷ ଖାଦ୍ୟ ଦେବାକୁ ନିଷ୍ପତ୍ତି ନିଆଯାଇଛି।
କମ୍ପାନୀ ଏହା ମଧ୍ୟ କହିଛି ଯେ, ପୂର୍ବରୁ ୨୦୨୪ର ଆନିମେଟେଡ୍ ଫିଲ୍ମ ‘ମହାବତାର ନରସିଂହ’ ଦେଖିବାକୁ ଆସିଥିବା ଅନେକ ଦର୍ଶକ ନିଜ ଇଚ୍ଛାରେ ହଲ୍ ଭିତରକୁ ଯିବା ପୂର୍ବରୁ ଜୋତା ବାହାରେ ରଖିଥିଲେ। ସେହିପରି ‘ହନୁମାନ ଅଂଶ’ ଫିଲ୍ମର ପ୍ରଦର୍ଶନ ସମୟରେ ମଧ୍ୟ ଦର୍ଶକମାନେ ହଲ୍ ଭିତରେ କେବଳ ନିରାମିଷ ଖାଦ୍ୟ ଦେବାକୁ ଅନୁରୋଧ କରିଥିଲେ।
SVF Cinemas କହିଛି ଯେ, ଏହାର ସିନେମା ହଲ୍ ସବୁ ବର୍ଗର ଦର୍ଶକଙ୍କ ପାଇଁ ଖୋଲା ରହିଛି। ଏହି ନିଷ୍ପତ୍ତି କୌଣସି ଦର୍ଶକଙ୍କ ଖାଦ୍ୟ ପସନ୍ଦ ଉପରେ ସାଧାରଣ କଟକଣା ନୁହେଁ। ଏହା କେବଳ ରାମାୟଣ ଫିଲ୍ମର ପ୍ରଦର୍ଶନ ସମୟରେ ହଲ୍ ଭିତରେ ଲାଗୁ ହେବ।
ନୀତେଶ ତିୱାରୀଙ୍କ ନିର୍ଦ୍ଦେଶିତ ଏହି ଫିଲ୍ମରେ ରଣବୀର କପୁର ଶ୍ରୀରାମ, ସାଇ ପଲ୍ଲବୀ ସୀତା, ରବି ଦୁବେ ଲକ୍ଷ୍ମଣ ଏବଂ ଯଶ ରାବଣଙ୍କ ଭୂମିକାରେ ଅଭିନୟ କରିଛନ୍ତି। ନଭେମ୍ବର ୫, ୨୦୨୬ରେ ଫିଲ୍ମଟି ସିନେମା ହଲ୍ରେ ରିଲିଜ୍ ହୋଇଥିଲା।
ବଡ଼ ସ୍ୱପ୍ନ ଦେଖିବା ସହ ତାହାକୁ ପୂରଣ କରିବାର ସାହସ ରଖିଲେ...
କେଶ ଓ ତ୍ୱଚା ପାଇଁ ବିପଦ ସାଜୁଛି ବାୟୁ ପ୍ରଦୂଷଣ ନୂଆଦି...
ନୂଆଦିଲ୍ଲୀ: ବାୟୁ ପ୍ରଦୂଷଣ କେବଳ ଫୁସ୍‌ଫୁସ୍‌...
SBI Clerk Prelims Result 2026: ରେଜଲ୍ଟକୁ ଅପେକ୍ଷା, ଆ...
ଗ୍ରୀନ୍ ଇକୋନୋମିରେ ବଢ଼ୁଛି ନିଯୁକ୍ତି ସୁଯୋଗ ନୂଆଦିଲ୍ଲ...
ପ୍ରତ୍ୟେକ ରୋଗୀଙ୍କ ପାଇଁ ଅଲଗା କ୍ୟାନସର ଟିକା! ନୂଆଦିଲ...
Microsoftରେ H-1B ଭିସା ମିଳିଲାନି, ଭାରତ ଫେରି ଗଢ଼ିଲେ S...
ସରକାରୀ ନିଯୁକ୍ତି ପରୀକ୍ଷାରେ ପ୍ରଯୁକ୍ତିର ବଡ଼ ବ୍ୟବହାର...