ସୁନ୍ଦରଗଡ଼ ଜିଲ୍ଲାରେ ପୁଣି ଥରେ ଗୁଳିକାଣ୍ଡ ଘଟିଛି। କୁତ୍ରା ଥାନା ଅନ୍ତର୍ଗତଲିଟିବେଡା ଜଙ୍ଗଲନିକଟରେ ଦିନଦ୍ୱିପ୍ରହରରେ ପଥର ବୋଝେଇ ଏକ ଟ୍ରକ୍କୁ ଟାର୍ଗେଟ୍ କରି ଦୁର୍ବୃତ୍ତମାନେ ଆନ୍ଧାଧୁନ ଗୁଳି ଚଳାଇଥିବା ଅଭିଯୋଗ ହୋଇଛି। ସୌଭାଗ୍ୟବଶତଃ ଟ୍ରକ୍ ଡ୍ରାଇଭରବନାରସି ଓରାମଏହି ଘଟଣାରେ ଅଳ୍ପକେ ପ୍ରାଣରକ୍ଷା ପାଇଛନ୍ତି।

ସୂଚନା ଅନୁଯାୟୀ, ଖତକୁରବାହାଲ ଅଞ୍ଚଳରୁ ପଥର ଚିପ୍ସ ବୋଝେଇ ଟ୍ରକ୍ ନେଇ ଯାଉଥିବା ବେଳେ ଦୁଇଟି ବାଇକ୍ରେ ଆସିଥିବା ଚାରି ଜଣ ଦୁର୍ବୃତ୍ତ ଟ୍ରକ୍କୁ ଅଟକାଇଥିଲେ। ପରେ କୌଣସି କଥାବାର୍ତ୍ତା ନକରି ସେମାନେ ଟ୍ରକ୍ ଉପରକୁ ଲଗାତାର ଗୁଳି ଚଳାଇଥିଲେ।

ପ୍ରାୟ୫ ରାଉଣ୍ଡ ଗୁଳିଚଳାଇବା ପରେ ଦୁର୍ବୃତ୍ତମାନେ ଘଟଣାସ୍ଥଳରୁ ଫେରାର ହୋଇଯାଇଥିଲେ। ଗୁଳି ଟ୍ରକ୍ରେ ବାଜିଥିଲେ ମଧ୍ୟ ଡ୍ରାଇଭର ବନାରସି ଓରାମ ଅଳ୍ପକେ ବର୍ତ୍ତି ଯାଇଛନ୍ତି।

ଖବର ପାଇ କୁତ୍ରା ପୁଲିସ ଘଟଣାସ୍ଥଳରେ ପହଞ୍ଚି ଗୁଳିର ଖୋକା ଜବତ କରିବା ସହ ଘଟଣାର ତଦନ୍ତ ଆରମ୍ଭ କରିଛି। ଗୁଳିମାଡ଼ର କାରଣ ଓ ଦୁର୍ବୃତ୍ତମାନଙ୍କ ପରିଚୟ ଜାଣିବା ପାଇଁ ପୁଲିସ ବିଭିନ୍ନ ଦିଗରୁ ଛାନଭିନ ଚଳାଇଛି।

ଏହି ଘଟଣାକୁ ନେଇ ଟ୍ରକ୍ ମାଲିକଶାବନ ଲେହେରିକହିଛନ୍ତି ଯେ, ପୂର୍ବରୁ ତାଙ୍କୁ ବାରମ୍ବାର ଧମକ ମିଳୁଥିଲା। ଆଜିର ଗୁଳିକାଣ୍ଡ ସେହି ଧମକର ପରିଣାମ ହୋଇପାରେ ବୋଲି ସେ ସନ୍ଦେହ ପ୍ରକାଶ କରିଛନ୍ତି।

ପୂର୍ବ ଶତ୍ରୁତା, ବ୍ୟବସାୟିକ ବିବାଦ କିମ୍ବା ଅନ୍ୟ କୌଣସି କାରଣ ଏହି ଘଟଣା ପଛରେ ରହିଛି କି ନାହିଁ, ସେନେଇ ପୁଲିସ ତଦନ୍ତ ଜାରି ରଖିଛି। ଦିନଦ୍ୱିପ୍ରହରରେ ଏଭଳି ଗୁଳିମାଡ଼ ଘଟଣା ସ୍ଥାନୀୟ ଅଞ୍ଚଳରେ ଆତଙ୍କର ପରିବେଶ ସୃଷ୍ଟି କରିଛି।