ଫିଫା ବିଶ୍ୱକପ୍ ୨୦୨୬ର କ୍ୱାର୍ଟର ଫାଇନାଲରେ ସ୍ପେନ୍ ଦମଦାର ପ୍ରଦର୍ଶନ କରି ବେଲଜିୟମକୁ ୨-୧ ଗୋଲରେ ପରାସ୍ତ କରି ସେମିଫାଇନାଲରେ ସ୍ଥାନ ପକ୍କା କରିଛି। ଏହି ବିଜୟ ସହ ସ୍ପେନ୍ର ସାମ୍ନା ଏବେ କିଲିଆନ୍ ଏମ୍ବାପ୍ପେଙ୍କ ନେତୃତ୍ୱାଧୀନ ଫ୍ରାନ୍ସ ସହ ହେବ, ଯାହାକୁ ଟୁର୍ଣ୍ଣାମେଣ୍ଟର ସବୁଠୁ ବଡ଼ ମୁକାବିଲା ମଧ୍ୟରୁ ଗୋଟିଏ ବୋଲି ଧରାଯାଉଛି।
ମ୍ୟାଚ୍ରେ ପେଡ୍ରିଙ୍କ ସ୍ଥାନରେ ସୁଯୋଗ ପାଇଥିବା ଫାବିଆନ୍ ରୁଇଜ୍ ସ୍ପେନ୍ ପାଇଁ ପ୍ରଥମ ଗୋଲ୍ ସ୍କୋର କରିଥିଲେ। ଡାନି ଓଲ୍ମୋଙ୍କ ଶଟ୍କୁ ବେଲଜିୟମ ଗୋଲକିପର ଥିବାଉଟ୍ କୋର୍ଟୋଆ ବଞ୍ଚାଇଥିଲେ ମଧ୍ୟ ବଲ୍ଟି ରୁଇଜ୍ଙ୍କ ପାଖକୁ ଆସିଥିଲା ଏବଂ ସେ ଏହାକୁ ଗୋଲ୍ରେ ପରିଣତ କରିଥିଲେ।
ସ୍ପେନ୍ ପାଇଁ ଲାମିନେ ୟାମାଲଙ୍କ ଆକ୍ରମଣାତ୍ମକ ଖେଳ ସମଗ୍ର ମ୍ୟାଚ୍ରେ ଚର୍ଚ୍ଚାରେ ରହିଥିଲା। ତାଙ୍କ ଦମଦାର ପ୍ରଦର୍ଶନ ପାଇଁ ସେ 'ପ୍ଲେୟର ଅଫ ଦି ମ୍ୟାଚ୍' ପୁରସ୍କାର ହାସଲ କରିଥିଲେ।
ପ୍ରଥମାର୍ଦ୍ଧ ଶେଷ ହେବା ପୂର୍ବରୁ ବେଲଜିୟମ ସ୍କୋରକୁ ୧-୧ କରିଥିଲା। କେଭିନ୍ ଡି ବ୍ରୁଇନ୍ଙ୍କ ପାସ୍ରୁ ଟିମୋଥି କାସ୍ଟାଗ୍ନେ ଡାହାଣ ପାର୍ଶ୍ୱରୁ ଚମତ୍କାର କ୍ରସ୍ ଦେଇଥିଲେ ଏବଂ ଚାର୍ଲସ୍ ଡି କେଟେଲାରେ ହେଡର୍ ମାଧ୍ୟମରେ ଗୋଲ୍ କରିଥିଲେ।
ଏହି ଗୋଲ୍ ସହ ସ୍ପେନ୍ ଗୋଲକିପର ଉନାଇ ସିମୋନଙ୍କ ବିଶ୍ୱକପ୍ରେ ଲଗାତାର ୫୬୦ ମିନିଟ୍ ଗୋଲ୍ ନଖାଇବାର ରେକର୍ଡ ଶେଷ ହୋଇଥିଲା। ଏହା ପୂର୍ବରୁ ସେ ୧୯୯୦ ବିଶ୍ୱକପ୍ରେ ଇଟାଲୀର ୱାଲ୍ଟର ଜେଙ୍ଗାଙ୍କ ୫୧୭ ମିନିଟ୍ର ରେକର୍ଡକୁ ଅତିକ୍ରମ କରିଥିଲେ।
ମ୍ୟାଚ୍ର ୭୧ତମ ମିନିଟ୍ରେ ବେଲଜିୟମ ପାଇଁ ବଡ଼ ଝଟକା ଲାଗିଥିଲା। ଗୋଲକିପର ଥିବାଉଟ୍ କୋର୍ଟୋଆ ଆହତ ହୋଇ ପଡ଼ିବାରୁ ତାଙ୍କ ସ୍ଥାନରେ ସେନେ ଲାମେନ୍ସ ମଇଦାନକୁ ଆସିଥିଲେ। କିଛି ସମୟ ପରେ ପାଉ କୁବାର୍ସିଙ୍କ ଦୂରପାଳ୍ଲା ଶଟ୍କୁ ଠିକ୍ ଭାବେ ଧରିପାରିନଥିବାରୁ ରିବାଉଣ୍ଡ ବଲ୍କୁ ମିକେଲ୍ ମେରିନୋ ଗୋଲ୍ରେ ପରିଣତ କରି ସ୍ପେନ୍କୁ ବିଜୟ ଦେଇଥିଲେ।
ଏହି ବିଜୟ ସହ ସ୍ପେନ୍ର ଅପରାଜେୟ ଧାରା ୩୬ଟି ମ୍ୟାଚ୍ରେ ପହଞ୍ଚିଛି। ଏହା ଆର୍ଜେଣ୍ଟିନାର ୨୦୧୯ରୁ ୨୦୨୨ ମଧ୍ୟରେ ଥିବା ଅପରାଜେୟ ରେକର୍ଡ ସହ ସମାନ ହୋଇଛି। ବିଶ୍ୱ ରେକର୍ଡ ୩୭ ମ୍ୟାଚ୍ରୁ ସ୍ପେନ୍ ବର୍ତ୍ତମାନ ମାତ୍ର ଗୋଟିଏ ପଦକ୍ଷେପ ଦୂରରେ ରହିଛି।
ଅନ୍ୟପଟେ ଫ୍ରାନ୍ସ କ୍ୱାର୍ଟର ଫାଇନାଲରେ ମୋରୋକ୍କୋକୁ ୨-୦ରେ ହରାଇ ସେମିଫାଇନାଲରେ ପ୍ରବେଶ କରିଛି। ଅଧିନାୟକ କିଲିଆନ୍ ଏମ୍ବାପ୍ପେ ଟୁର୍ଣ୍ଣାମେଣ୍ଟରେ ନିଜର ଅଷ୍ଟମ ଗୋଲ୍ କରି ଗୋଲ୍ଡେନ୍ ବୁଟ୍ ଦୌଡ଼ରେ ଲିଓନେଲ୍ ମେସିଙ୍କ ସହ ସମକକ୍ଷ ହୋଇଛନ୍ତି।
ଏହାଛଡ଼ା ଏମ୍ବାପ୍ପେ ବିଶ୍ୱକପ୍ ଇତିହାସରେ ସବୁଠୁ କମ୍ ବୟସରେ ୨୦ଟି ବିଶ୍ୱକପ୍ ମ୍ୟାଚ୍ ଖେଳିବା ସହ ଟୁର୍ଣ୍ଣାମେଣ୍ଟରେ ଦ୍ରୁତତମ ୨୦ ଗୋଲ୍ କରିବାର କୀର୍ତ୍ତିମାନ ମଧ୍ୟ ସ୍ଥାପନ କରିଛନ୍ତି। ଫ୍ରାନ୍ସ ପାଇଁ ୬୪ ଗୋଲ୍ ଓ ୩୬ ଆସିଷ୍ଟ ସହ ସେ ଆନ୍ତର୍ଜାତୀୟ ଫୁଟବଲରେ ୧୦୦ଟି ଗୋଲ୍ରେ ସିଧାସଳଖ ଅବଦାନ ରଖିଥିବା ପ୍ରଥମ ଫ୍ରେଞ୍ଚ ଖେଳାଳି ହୋଇଛନ୍ତି।
ରାଜ୍ୟରେ ଆଡଭେଞ୍ଚର ପର୍ଯ୍ୟଟନର ବିକାଶକୁ ଆହୁରି ଗତି ଦେବା...
ବାଲେଶ୍ୱରରେ ୨୦୨୧–୨୨ ବ୍ୟାଚ୍ର ବିଏସ୍ସି ନର୍ସିଂ ସେ...
ଶିକ୍ଷା କ୍ଷେତ୍ରରେ ସୁଧାର ଓ ଜାତୀୟ ଶିକ୍ଷା ନୀତି (NEP) କ...
ଉତ୍ତର ପ୍ରଦେଶର ଗାଜିଆବାଦରେ ପ୍ରବଳ ବର୍ଷା ଏକ ଦୁଃଖଦ ଘଟଣା...
ଦକ୍ଷିଣ-ପଶ୍ଚିମ ମୌସୁମୀ ବାୟୁ ସକ୍ରିୟ ରହିବା ଫଳରେ ଦେଶର ବ...
ଓଡ଼ିଶାର ପାରମ୍ପରିକ ଖାଦ୍ୟ ପଖାଳକୁ ବିଶ୍ୱସ୍ତରରେ ପରିଚିତ...
ରଥଯାତ୍ରା ପୂର୍ବରୁ ଓଡ଼ିଶାରେ ପୁଣି ବର୍ଷାର ପ୍ରଭାବ ବଢ଼ିବ...
ଶିକ୍ଷା କ୍ଷେତ୍ରରେ ବଡ଼ ପରିବର୍ତ୍ତନର ଲକ୍ଷ୍ୟ ନେଇ ରାଜ୍ୟ...
ଓଡ଼ିଶାର ସମ୍ବଲପୁରସ୍ଥିତହୀରାକୁଦ ବନ୍ଧର ୪ଟି ସ୍ଲୁଇସ୍ ଗେଟ...
ସମ୍ବଲପୁର ବିଶ୍ୱବିଦ୍ୟାଳୟରେ ଜଣେ ଜୁନିଅର ରିସର୍ଚ୍ଚ ଫେଲୋସ...
