ସ୍ନାନପୂର୍ଣ୍ଣିମା ଅବସରରେ ଲକ୍ଷାଧିକ ଭକ୍ତଙ୍କ ସମାଗମକୁ ଦୃଷ୍ଟିରେ ରଖି ପୁରୀରେ ହାଇ ଆଲର୍ଟ ଜାରି କରାଯାଇଛି। ଶ୍ରୀମନ୍ଦିର, ସ୍ନାନମଣ୍ଡପ, ବଡ଼ଦାଣ୍ଡ ଓ ପୁରୀ ସହରର ଗୁରୁତ୍ୱପୂର୍ଣ୍ଣ ସ୍ଥାନଗୁଡ଼ିକରେ ବହୁସ୍ତରୀୟ ସୁରକ୍ଷା ବ୍ୟବସ୍ଥା କରାଯାଇଛି।
ଭକ୍ତଙ୍କ ସୁରକ୍ଷିତ ଚଳାଚଳ ଏବଂ ଟ୍ରାଫିକ୍ ସୁପରିଚାଳନା ପାଇଁ ମାର୍କେଟ୍ ଛକ ପରଠାରୁ ବଡ଼ଦାଣ୍ଡକୁ ସଂଯୋଗ କରୁଥିବା ସମସ୍ତ ରାସ୍ତାକୁ ‘ନୋ ଭେହିକିଲ୍ ଜୋନ୍’ ଘୋଷଣା କରାଯାଇଛି। ସ୍ନାନଯାତ୍ରା ସମୟରେ ପହଣ୍ଡି, ଜଳଲାଗି ନୀତି, ହାତୀ ବେଶ, ସାଧାରଣ ଭକ୍ତ ଓ ଭିଆଇପି ଦର୍ଶନକୁ ସୁଚାରୁ ଭାବେ ପରିଚାଳନା କରିବା ପାଇଁ ୧୪ଟି ସୁରକ୍ଷା ସେକ୍ଟର ଗଠନ କରାଯାଇଛି।
ପ୍ରତ୍ୟେକ ସେକ୍ଟରରେ ଅଭିଜ୍ଞ ପୁଲିସ ଅଧିକାରୀ ନିୟୋଜିତ ରହିବେ। ସ୍ନାନମଣ୍ଡପ ତଳେ ଭିଡ଼ ନିୟନ୍ତ୍ରଣ ପାଇଁ କୁଇକ୍ ରିଆକ୍ସନ୍ ଟିମ୍ (QRT) ଏବଂ ସ୍ପେଶାଲ ଟାକ୍ଟିକାଲ ଟିମ୍ (STT) ମୁତୟନ କରାଯିବ।
ସୁରକ୍ଷା ବ୍ୟବସ୍ଥାକୁ ଆହୁରି ସୁଦୃଢ଼ କରିବା ପାଇଁ ଶ୍ରୀମନ୍ଦିର ଭିତରେ ୧୫୨ଟି, ମନ୍ଦିର ଚାରିପାଖରେ ୨୫୦ଟି ଏବଂ ମାର୍କେଟ୍ ଛକ ପର୍ଯ୍ୟନ୍ତ ୩୦ଟି ସିସିଟିଭି କ୍ୟାମେରା ମାଧ୍ୟମରେ ସମଗ୍ର ପରିସ୍ଥିତି ଉପରେ କଡ଼ା ନଜର ରଖାଯିବ।
ସ୍ନାନଯାତ୍ରା ଡ୍ୟୁଟିରେ ୪ ଜଣ ଏସ୍ପି, ୧୪ ଜଣ ଅତିରିକ୍ତ ଏସ୍ପି, ୮୩ ଜଣ ଇନ୍ସପେକ୍ଟର, ୩୪୦ ଜଣ ଏସ୍ଆଇ ଓ ଏଏସ୍ଆଇଙ୍କ ସହ ମୋଟ ୭୯ ପ୍ଲାଟୁନ୍ ଫୋର୍ସ ନିୟୋଜିତ ହେବେ।
ଶ୍ରୀମନ୍ଦିର ଭିତରେ ସ୍ୱତନ୍ତ୍ର ସୁରକ୍ଷା ବ୍ୟବସ୍ଥା ଅଧୀନରେ ୧ ଜଣ ଏସ୍ପି, ୬ ଜଣ ଅତିରିକ୍ତ ଏସ୍ପି, ୨୭ ଜଣ ଇନ୍ସପେକ୍ଟର, ୧୦୫ ଜଣ ଏସ୍ଆଇ ଓ ଏଏସ୍ଆଇଙ୍କ ସହ ୩୦ ପ୍ଲାଟୁନ୍ ଫୋର୍ସ ମୁତୟନ ହେବେ।
କେବଳ ଶ୍ରୀମନ୍ଦିର ନୁହେଁ, ପୁରୀ ରେଳଷ୍ଟେସନ ରେମଧ୍ୟ ସୁରକ୍ଷାକୁ କଡ଼ାକଡ଼ି କରାଯାଇଛି। ରେଳଷ୍ଟେସନ୍ ଭିତରେ ଓ ବାହାରେ ୩ ଜଣ ଡିଏସ୍ପି, ୪ ଜଣ ଇନ୍ସପେକ୍ଟର, ୫୦ ଜଣ ଏସ୍ଆଇ ଓ ଏଏସ୍ଆଇ, ୬ ସେକ୍ସନ୍ ଫୋର୍ସ ଏବଂ ୪ ପ୍ଲାଟୁନ୍ ଓଏସ୍ଏପି ଫୋର୍ସ ମୁତୟନ ରହିବେ।
ଲକ୍ଷାଧିକ ଭକ୍ତଙ୍କୁ ସୁରକ୍ଷିତ, ସୁଶୃଙ୍ଖଳ ଓ ନିର୍ବିଘ୍ନ ଦର୍ଶନ ସୁନିଶ୍ଚିତ କରିବା ପାଇଁ ପ୍ରଶାସନ ପକ୍ଷରୁ ସମସ୍ତ ପ୍ରସ୍ତୁତି ଶେଷ ହୋଇଥିବା ସୂଚନା ମିଳିଛି।
ମହାରାଷ୍ଟ୍ରରେ ଗଣେଶ ଚତୁର୍ଥୀ ପୂର୍ବରୁ ରାଜନୈତିକ ମାହୋଲ ମ...
ଅଭିନେତ୍ରୀବିପାଶା ବାସୁନିଜ ଫିଲ୍ମ କ୍ୟାରିୟରର ଏକ ଗୁରୁତ୍ୱ...
ଭାରତରେ ବ୍ୟବହୃତ ଆଣ୍ଟି-ରାବିଜ୍ ଟିକାAbhayrabକୁ ନେଇ ପୁଣ...
‘ମିର୍ଜାପୁର: ଦି ମୁଭି’ବକ୍ସ ଅଫିସ୍ରେ ଜବରଦସ...
ଆମ ଶରୀରରେ ଗଟ୍ ବା ପାଚନତନ୍ତ୍ରର ଭୂମିକା କେବଳ ଖାଦ୍ୟ ହଜମ...
ଭାରତୀୟ ଖାଦ୍ୟପେୟରେ ଘିଅର ଏକ ପାରମ୍ପରିକ ସ୍ଥାନ ରହିଛି। କ...
ଆମେରିକାନ୍ ଏୟାରଲାଇନ୍ସର ଏକ ଉଡ଼ାଣ ବେଳେ ଜଣେ ଯାତ୍ରୀଙ୍କ...
**‘ମିର୍ଜାପୁର: ଦି ମୁଭି’**ରେ ଏକ ପ୍ରାୟ ୫୦...
ମାଲାୟାଲମ୍ ସୁପରଷ୍ଟାରମମୁଟ୍ଟିଙ୍କ ୭୫ତମ ଜନ୍ମଦିନରେ ତାଙ୍କ...
