ଭୁବନେଶ୍ୱର: ସତ୍ୟନଗର ଅଞ୍ଚଳରେ ପାର୍କିଂରେ ଥିବା କାର୍ରେ ନିଆଁ ଲାଗିବା ଘଟଣାରେ ଆସିଛି ନୂଆ ଟୁଇଷ୍ଟ। ଆପେଆପେ କାର୍ରେ ନିଆଁ ଲାଗିନଥିଲା, ବରଂ ଦୁର୍ବୃତ୍ତମାନେ ଜାଣିଶୁଣି ନିଆଁ ଲଗାଇଥିବା ସିସିଟିଭି ଫୁଟେଜ୍ରୁ ସ୍ପଷ୍ଟ ହୋଇଛି।
ସାମ୍ନାକୁ ଆସିଥିବା CCTV ଫୁଟେଜ୍ରେ ଦୁଇଜଣ ଦୁର୍ବୃତ୍ତ ବାଇକ୍ରେ ଆସି କାର୍ରେ ନିଆଁ ଲଗାଉଥିବା ଦେଖିବାକୁ ମିଳିଛି।
ଫୁଟେଜ୍ ଅନୁସାରେ, ଜଣେ ଦୁର୍ବୃତ୍ତ ବାଇକ୍ ଷ୍ଟାର୍ଟ କରି ଅପେକ୍ଷା କରିଥିବା ବେଳେ ଅନ୍ୟଜଣେ କାର୍ ନିକଟକୁ ଯାଇଥିଲେ। ସେ କାର୍ ଉପରେ ପେଟ୍ରୋଲ ଢାଳିବା ପରେ ନିଆଁ ଲଗାଇଥିଲେ। ନିଆଁ ଲଗାଇବା ପରେ ଉଭୟ ଦୁର୍ବୃତ୍ତ ବାଇକ୍ରେ ଘଟଣାସ୍ଥଳରୁ ଫେରାର ହୋଇଯାଇଥିଲେ।
ଘଟଣାର ତଦନ୍ତ କରି ଖାରବେଳନଗର ଥାନା ପୁଲିସ ମୁଖ୍ୟ ଅଭିଯୁକ୍ତ ସେକ୍ ରେହାନ୍ଙ୍କୁ ଗିରଫ କରିଛି। ୟୁନିଟ୍-୪ ମାଛ ମାର୍କେଟ୍ ନିକଟରୁ ପୁଲିସ ତାଙ୍କୁ ଧରିଥିବା ଜଣାପଡ଼ିଛି।
ପୁଲିସର ସୂଚନା ଅନୁସାରେ, ପୂର୍ବ ଶତ୍ରୁତାକୁ କେନ୍ଦ୍ର କରି ସେକ୍ ରେହାନ୍ କାର୍ରେ ନିଆଁ ଲଗାଇଥିବା ସ୍ୱୀକାର କରିଛନ୍ତି। ଏହି ଘଟଣାରେ ତାଙ୍କ ସହଯୋଗୀ ରବି ମହାରଣା ସମ୍ପୃକ୍ତ ଥିବା ବେଳେ ସେ ଏବେବି ଫେରାର ଅଛନ୍ତି।
ଗିରଫ ଅଭିଯୁକ୍ତଙ୍କୁ ପୁଲିସ କୋର୍ଟ ଚାଲାଣ କରିଛି। ଅନ୍ୟପକ୍ଷରେ, ଫେରାର ଥିବା ସହଯୋଗୀଙ୍କୁ ଧରିବା ପାଇଁ ପୁଲିସର ତଦନ୍ତ ଜାରି ରହିଛି।
CCTV ଫୁଟେଜ୍ ସାମ୍ନାକୁ ଆସିବା ପରେ ଘଟଣାଟି ଦୁର୍ଘଟଣା କିମ୍ବା ସ୍ୱାଭାବିକ ଭାବେ ନିଆଁ ଲାଗିବା ନୁହେଁ, ବରଂ ଯୋଜନାବଦ୍ଧ ଭାବେ ଅଗ୍ନିକାଣ୍ଡ ଘଟାଯାଇଥିବା ଦିଗ ଆହୁରି ସ୍ପଷ୍ଟ ହୋଇଛି।
ଭାରତର ବଢ଼ୁଥିବା ପ୍ରାଇଭେଟ୍ ସ୍ପେସ୍ ଇଣ୍ଡଷ୍ଟ୍ରୀ ପାଇଁ ଆସ...
ପାର୍ବଣ ଋତୁ ପାଖେଇ ଆସୁଥିବା ବେଳେ ଗ୍ରାହକଙ୍କ ପାଇଁ ଆସିଛି...
ଆମେରିକାନ୍ ଏୟାରଲାଇନ୍ସର ଏକ ଉଡ଼ାଣ ବେଳେ ଜଣେ ଯାତ୍ରୀଙ୍କ...
ମହାରାଷ୍ଟ୍ର ଫୁଡ୍ ଆଣ୍ଡ ଡ୍ରଗ୍ ଆଡମିନିଷ୍ଟ୍ରେସନ୍ (FDA) ପ...
ଭାରତୀୟ ଶେୟର ବଜାରରେ ସୋମବାର ଆରମ୍ଭରୁ ଚାପ ଦେଖିବାକୁ ମିଳ...
ମେଷ ଏହି ସପ୍ତାହରେ ଆତ୍ମବିଶ୍ୱାସ ବଢ଼ିବ। କାର୍ଯ୍ୟକ୍ଷେ...
