ସବିତ୍ରୀ ଅମାବାସ୍ୟା ଅବସରରେ ପୁରୀ Jagannath Temple ରେ ଶନିବାର ସକାଳୁ ଭକ୍ତି ଓ ଆଧ୍ୟାତ୍ମିକତାର ଅଦ୍ଭୁତ ପରିବେଶ ଦେଖିବାକୁ ମିଳିଛି। ପାରମ୍ପରିକ ରୀତିନୀତି ଅନୁଯାୟୀ ବିବାହିତ ମହିଳାମାନେ ସ୍ୱାମୀଙ୍କ ଦୀର୍ଘାୟୁ, ସୁସ୍ଥତା ଓ ପରିବାରର ସମୃଦ୍ଧି ପାଇଁ ସବିତ୍ରୀ ବ୍ରତ ପାଳନ କରିଥିଲେ।
ମହିଳାମାନେ ଫଳ, ସିନ୍ଦୂର, ଶଙ୍ଖା ଓ ପୂଜା ସାମଗ୍ରୀ ନେଇ ସବିତ୍ରୀ ମନ୍ଦିରରେ ପୂଜାର୍ଚ୍ଚନା କରିଥିଲେ। ମନ୍ଦିର ପରିସରରେ ଭକ୍ତମାନଙ୍କ ଭିଡ଼ ସହ ଧାର୍ମିକ ଉତ୍ସାହ ଓ ଶ୍ରଦ୍ଧାର ପରିବେଶ ସୃଷ୍ଟି ହୋଇଥିଲା।
ଏହି ପବିତ୍ର ଅବସରରେ ଶ୍ରୀମନ୍ଦିର ଭିତରେ ପାରମ୍ପରିକ ‘ଭିତର ଚନ୍ଦନ ଯାତ୍ରା’ ନୀତି ମଧ୍ୟ ଅନୁଷ୍ଠିତ ହେଉଛି। ଅମାବାସ୍ୟା ତିଥି ଅବସରରେ ଜଳକ୍ରୀଡ଼ା ମଣ୍ଡପରେ ଜଳକ୍ରୀଡ଼ା ନୀତି ପାଳନ କରାଯାଏ। ଏହି ନୀତି ଜ୍ୟେଷ୍ଠ କୃଷ୍ଣ ଏକାଦଶୀ, ଜ୍ୟେଷ୍ଠ ଶୁକ୍ଳ ଏକାଦଶୀ, ସବିତ୍ରୀ ଅମାବାସ୍ୟା ଓ ଶୀତଳ ଷଷ୍ଠୀରେ ପାଳିତ ହୁଏ।
ନୀତି ଅନୁଯାୟୀ, ଦିବା ଅଲତା ଲାଗି, ଚନ୍ଦନ ଲାଗି ଓ ଦକ୍ଷିଣି ଘର ଭୋଗ ସମାପ୍ତ ପରେ ଶ୍ରୀମଦନମୋହନ ରତ୍ନସିଂହାସନକୁ ବିଜେ କରିଥିଲେ। ପରେ ଶ୍ରୀମଦନମୋହନ ଓ ଶ୍ରୀଦେବୀ ଆଜ୍ଞାମାଳା ପାଇ ଜଳକ୍ରୀଡ଼ା ମଣ୍ଡପକୁ ବିଜେ କରିଥିଲେ।
ସେଠାରେ ମହାଜନ ସେବକମାନେ ପରମ୍ପରାନୁଯାୟୀ ଚଳନ୍ତି ପ୍ରତିମାଙ୍କୁ ଜଳକୁଣ୍ଡରେ ବିରାଜମାନ କରାଇଥିଲେ ଓ ମୁଦିରାସ୍ତ ସେବକମାନେ ପ୍ରସାଦ ଅର୍ପଣ କରିଥିଲେ। ସୁଗନ୍ଧିତ ଚନ୍ଦନ ଜଳ ଛିଟାଯାଇବା ପରେ ଶୀତଳ ଭୋଗ, ଶ୍ରୀଅଙ୍ଗ ପୋଛା, ମଇଲମ ଓ ବିଭିନ୍ନ ପାରମ୍ପରିକ ନୀତି ସମ୍ପନ୍ନ ହୋଇଥିଲା। ଶେଷରେ ଠାକୁରମାନଙ୍କୁ ଫୁଲମାଳା ଓ ସୁନ୍ଦର ବେଶରେ ଶୋଭିତ କରାଯାଇଥିଲା।
ସବିତ୍ରୀ ଅମାବାସ୍ୟା ଓ ଭିତର ଚନ୍ଦନ ଯାତ୍ରାର ଏହି ଅଲୌକିକ ଦୃଶ୍ୟ ଭକ୍ତମାନଙ୍କୁ ଗଭୀର ଆଧ୍ୟାତ୍ମିକ ଅନୁଭୂତି ଦେଇଥିଲା।
ଶିରୋମଣି ଅକାଳୀ ଦଳ (ପୁନର ସୁରଜିତ) ବିଜେପି ସହ ମେଣ୍ଟକୁ ନ...
ଭବିଷ୍ୟତ ବିଷୟରେ ଜାଣିବା ପାଇଁ ଲୋକଙ୍କୁ ଜ୍ୟୋତିଷଙ୍କ ସହ ଯ...
ମେଷ ଏହି ସପ୍ତାହରେ କାର୍ଯ୍ୟକ୍ଷେତ୍ରରେ ନୂଆ ସୁଯୋଗ ମିଳ...
ମେଷ ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ପରିଶ୍ରମର...
ନୂଆଦିଲ୍ଲୀ:ଭାରତୀୟ ବାୟୁସେନା (IAF) ନିଜର ପରିବହନ ବିମାନ...
ମେଷ:ଏହି ସପ୍ତାହରେ କର୍ମକ୍ଷେତ୍ରରେ ନୂଆ ସୁଯୋଗ ମିଳିପାରେ।...
୨୦୨୭ ବିଧାନସଭା ନିର୍ବାଚନ ପୂର୍ବରୁ ଉତ୍ତରପ୍ରଦେଶ, ପଞ୍ଜାବ...
ଇଂଲଣ୍ଡ ଓ ପାକିସ୍ତାନ ମଧ୍ୟରେ ଲର୍ଡ୍ସରେ ଚାଲିଥିବା ଟେଷ୍ଟକ...
ଆମେରିକା ଓ କାନାଡା ମଧ୍ୟରେ ବାଣିଜ୍ୟ ଚୁକ୍ତି ହେବା ନେଇ ଆଶ...
