ଅଶୋକାଷ୍ଟମୀର ପବିତ୍ର ଅବସରରେ ଭୁବନେଶ୍ୱରରେ ପ୍ରସିଦ୍ଧ ଲିଙ୍ଗରାଜ ମନ୍ଦିରର ରୁକୁଣା ରଥଯାତ୍ରା ଗୁରୁବାର ଆରମ୍ଭ ହୋଇଛି। ଏହି ପାରମ୍ପରିକ ଉତ୍ସବ ଅବସରରେ ଏକାମ୍ର କ୍ଷେତ୍ରରେ ଭକ୍ତିମୟ ପରିବେଶ ଦେଖିବାକୁ ମିଳିଛି।
ପ୍ରାତଃକାଳ ୪ଟାରୁ ୪ଟା ୩୦ ମଧ୍ୟରେ ମଙ୍ଗଳ ଆଳତି ପୂଜା କରାଯାଇଥିଲା। ଏହା ପରେ ଠାକୁରଙ୍କ ବେଶ ପରିବର୍ତ୍ତନ ସମ୍ପର୍କିତ ପୂଜା ପାଳା ସମ୍ପନ୍ନ ହୋଇଥିଲା। ପ୍ରାୟ ୧୦ଟା ୪୫ରେ ପହଁଡ଼ି ବିଜେ ଆରମ୍ଭ ହେବାକୁ ନିର୍ଦ୍ଧାରିତ ହୋଇଛି।
ତାପରେ ଦୁପର ୧ଟା ୪୫ରୁ ୨ଟା ୩୦ ମଧ୍ୟରେ ଘୋଡ଼ା ବାନ୍ଧା ଓ ରଥ ଖୋଲା ପୂଜା ପାଳା କରାଯିବ। ଦୁପର ୨ଟା ୩୦ରେ ରଥ ଟାଣିବା କାର୍ଯ୍ୟ ଆରମ୍ଭ ହେବାକୁ ଥିବାବେଳେ ସନ୍ଧ୍ୟା ୬ଟା ୩୦ ମଧ୍ୟରେ ରଥ ରାମେଶ୍ୱର ମନ୍ଦିର ପହଞ୍ଚିବାର ଅନୁମାନ ରହିଛି।
ଏହା ପରେ ସନ୍ଧ୍ୟା ୭ଟା ୩୦ ପରେ ବଡ଼ସିଂହାର ବେଶ ପୂଜା ପାଳା ଆରମ୍ଭ ହେବ।
ଏକାମ୍ର କ୍ଷେତ୍ରରେ ଏହି ଅବସରରେ ଭକ୍ତମାନଙ୍କର ଭିଡ଼ ଦେଖାଯାଇଛି ଏବଂ ଧାର୍ମିକ ମହୋଲ ସୃଷ୍ଟି ହୋଇଛି। ରୁକୁଣା ରଥଯାତ୍ରାର ବାହୁଡ଼ା ଯାତ୍ରା ଆସନ୍ତା ମାର୍ଚ୍ଚ ୩୦ ତାରିଖରେ ହେବ।
ଭକ୍ତମାନଙ୍କ ସୁବିଧା ପାଇଁ ଭୁବନେଶ୍ୱର ମ୍ୟୁନିସିପାଲ କର୍ପୋରେସନ (BMC) ଏବଂ ମନ୍ଦିର ପ୍ରଶାସନ ପକ୍ଷରୁ ବିଶେଷ ବ୍ୟବସ୍ଥା କରାଯାଇଛି। ଭିଡ଼ ନିୟନ୍ତ୍ରଣ ଓ ପୂଜା ପାଳା ସୁଚାରୁ ଭାବରେ ଚାଲିବା ପାଇଁ ପ୍ରଶାସନ ପକ୍ଷରୁ ପ୍ରୟାପ୍ତ ପଦକ୍ଷେପ ଗ୍ରହଣ କରାଯାଇଛି।
ଲକ୍ଷ୍ନୌ:ନେପାଳରେ ଭୟଙ୍କର ବନ୍ୟା ଓ ଭୂସ୍ଖଳନ ପରେ ଏହାର ପ୍...
ନୂଆଦିଲ୍ଲୀ: ଜୁଲାଇ ମାସରେ ଦିଲ୍ଲୀରେ ହୋଇଥିବା ଛାତ୍ର ଆନ୍ଦ...
ନୂଆଦିଲ୍ଲୀ: ଆମେରିକାର ନ୍ୟୁୟର୍କରେ RSS ମୁଖ୍ୟ ମୋହନ ଭାଗବ...
ନୂଆଦିଲ୍ଲୀ: ଦିଲ୍ଲୀର ଡ୍ରାଫ୍ଟ ଭୋଟର ତାଲିକା ପ୍ରକାଶ ପାଇବ...
